Génesis 48:22 - La'aqtaqa Ñim Lo'onatac 'Enauacna 2013

²² Qaq 'am ỹactec da 'am sanem, napacalec dam sanema naua 'arqaỹa't, 'am sanem ye 'alhua Siquén maye iuotaxanaxat co'ollaq seloctague' na amorreo le'ecpi.»

Génesis 48:22 Referans Kwoze

Juan 4:5

Qaq co'ollaq ỹa'axasoxoolec yi'iye 'alhua, nache ivita ye saq 'amaqtaq nỹecpiolec le'enaxat Sicar. Qaq yemaye saqaỹapeque aso lshere co'ollaxa so Jacob. Qaq co'ollaq mashe ileu so Jacob, nache se'eso dalaxaic lalamaxat se'eso 'alhua maye naña aso nshere somaye nacheso so llalec José.

Josué 24:32

Qaq soua lpi'ineqa so José, maye so Israel le'ecpi ỹacheta'ape co'ollaq ca'ai ye Egipto, nache qailalyiña ye Siquén, yem 'alhua maye desheenaxana co'ollaxa so Jacob, maye ivi' aso cien lcatpiole plata aso lasheue, co'ollaq desheenaxana se'eso na'alhua so Jamor maye lta'a so Siquén. Qaq se'eso 'alhua nache taỹot da lalamaxat so chegoxoguetpi so José.

1 Crónicas 5:2

Qaq na'aictaxa da so Judá ivira'a co'ollaxa da ỹataqta 'añaxaic, napacaleguete soua lqaỹa't, qataq ivira'a da lataxala' somaye soua lqaỹa't, qalaxaye dam 'enec cam ñalec ỹe mashe talec so José.

Amós 2:9

Qataq ỹataqta ỹauaachigui ñaqa'en co'ollaq selaxachigui so amorreopi, qaq na'aictaxa da ỹataqta logoraicpi 'eeta'am ana cedropi, qataq ỹataqta 'añaxaicpi 'eeta'am ana qo'oipaqpi roble, qataq dolagui ñaqa'en ana netasheguem alapi, qataq na lpa'a'pi anamayepi.

Jueces 11:23

¿Qaq nagui 'auauotaique da 'auanac da 'auacona ne'ena 'alhua?

Deuteronómio 21:17

Nache camaye huo'o naq 'enec naqa'en qome que'eca llalec maye ỹoqta 'eesa la'auaxanec llalec, qataq ỹactec qome ca ỹanem lsallaxa camaye, cha'aye 'itchiguiñi da ỹoqta 'eesa la'auaxanec llalec.

Génesis 34:28

Qataq ỹauec aso qaguetapi, huacapi, 'ashenapi qataq ỹache 'enauac som nogoxoshetpi maye hueta'a se'eso huaqta'a't nỹecpi, qataq som huetauga so no'onaxa.

Génesis 33:19

Qaq huaña, nache desheenaxana so na'alhua soua llalqa so Jamor, som lta'a so Siquén, qaq cien aso monedas maye chegaqaigui na lcat plata aso lasheue. Qaq nache ỹanaña somaye so lpe'l.

Génesis 15:16

Qaq qom inoxoorec que'ecaua cuatrocientos vi'iye, nacheca ca 'am chegoxoguetpi ñe'eguelaxa qome ne'ena 'alhua, cha'aye saxanaxa da ivita cam loga't nam qauemsat maye ỹo'ottac na amorreopi.»

Ezequiel 47:13

Aỹem Nataxala', shenapec: 'Ena na loga'tpi na 'alhuapi maye ỹaconeguet qome da yaqto' lalamaxat lma' naua doce maye chegoxogueta so Israel, qaq ca chegoxoguet so José, qalaq ỹactec qome ca talec 'alhua.

1 Crónicas 1:14

Qaq so Canaán nacheso som chegoxoguet co'ollaxa so jebuseopi, amorreopi, gergeseopi,