Génesis 48:21 - La'aqtaqa Ñim Lo'onatac 'Enauacna 2013

²¹ Qaq ime, nache 'enapega so José, 'eeta': «Aỹem mashe saqaỹaloq da seleu, qalaxaye Ñim Lo'onatac 'Enauacna qami' hueta'agueta qome, qataq ỹo'ot qome da qavi'iguelaqỹa yem na'alhua som hua'au qarta'ailpi.

Génesis 48:21 Referans Kwoze

Génesis 50:24

Qaq huo'o so na'a'q, nache so José 'enapegalo soua lqaỹa't, 'eeta': «Mashe sa qaỹapeque ye laloqo' da seleu, qalaxaye Ñim Lo'onatac 'Enauacna anac qome da qami' itaua'n nache qami' nqateeguesopa ne'ena 'alhua, da yaqto' qami' ỹauegalo ye 'alhua maye ỹachaxanapeguem co'ollaxa so Abraham, Isaac qataq so Jacob.»

Génesis 46:4

Qataq 'am ñenaictague' qom 'anqo'ona ye Egipto, qataq nachaỹem qome ñeqateeguesop yemaye cam 'am chegoxoguetpi. Qataq da lỹa 'eeta': qom 'aleu, nache ñi José huetaua'a qome na 'araỹe.»

Génesis 28:15

Qaq Aỹem 'am soota'aguet, qaq maicheye cam 'aigue qalaq 'am ñepaxattalec qome, qataq 'am ñe'eguelaxata qome ne'ena 'alhua. Saishet qome da 'am salat, choche ivitta'a da sepacchigui da so'ot 'enauac nam 'am sachaxanapecotpi.»

Génesis 26:3

qaq nagui, qalaq no'on da nache qonetaña ne'ena 'alhua. Aỹem 'am soota'aguet qome, qataq 'am sanem da ichoxonnataxanaxa, cha'aye 'am, qataq ca 'am chegoxoguetpi, sanem qome 'enauac ne'ena 'alhua. Qaq yaqto' sepacchigui dam sachaxanapeguem co'ollaxa so 'arta'a Abraham.

Hebreos 7:3

Qaq somaye, qaica ca ỹaỹaten ca le'enaxa't caua lta'al qataq cam chegoxoguet lauo', nataqa'en saishet da qaỹaỹaten ca hua'ague co'ollaq ñiguiñi qataq ca huaña da ileu. Qaq ỹoqo'oye so Melquisedec da lo'onataxanaxac da ntaxaỹaxanaxanec, 'eeta'am So Llalec Ñim Lo'onatac 'Enauacna da chochaq tatec da ntaxaỹaxanaxanec da qaitaxaỹapegue' Ñimaye.

2 Pedro 1:14

So Qarataxala' Jesucristo mashe aỹem ỹaỹaanaxanaxanec da saqaỹaloq da ivita ca loga't da ñachaalataxac;

Hebreos 7:8

Na ntaxaỹaxanaxanecpi maye ỹacootapeeguet nagui ana diezmo, namayepi choche shiỹaxauapi, ỹoqo'oye taỹa'a da ileu. Qalaxaye so Melquisedec nache 'eetai' da nca'altauec, cha'aye ana nere maye huetalec na la'aqtacpi Ñim Lo'onatac 'Enauacna saishet da ỹa'axat da ileu somaye.

2 Timoteo 4:6

Da ñachaalataxac mashe qoỹanot Ñim Lo'onatac 'Enauacna, 'eeta'ama caua ntago'q da qaicoreleguete aca nca'atoxonaxalate. Cha'aye mashe saqaỹapeque ye laloqo' da ñachaalataxac.

Hechos 13:36

Qaq 'eesa da so David ỹataqta ỹalaxaguet da ỹo'o't naua ỹamaxaleguete Ñim Lo'onatac 'Enauacna. Qalaxaye co'ollaq ime, nache somaye ileu, nache qailaroigui som hua'au lta'alpi, nache da lo'ocỹaxac nlaguiñi.

Lucas 2:29

«Nagui, 'am maye 'Aro'onatac 'Enauacna ishet da aỹem 'aỹa'anem da saqca ca da ca loga't da ñachaalataxac. ¡Cha'aye mashe ipacchigui dam 'auachaxanapec!

Salmos 18:46

Ñim Nataxala' maye aỹem mpaxattalec nache 'eetai' qome da qaỹo'oxoreetac, qataq 'amaqtaqaic qanqa'en Ñim Lo'onatac 'Enauacna maye ica'alaxaqui.

Josué 23:14

Qaq aỹem mashe yaqta'a da seleu, qalaxaye aỹem sauotaique da ỹataqta 'enauac da qarquiyaqteỹaxaqui, qataq da qanachaalataxaqui da qauaỹachiñiita da Ñim Nataxala' maye Qanatamnaxala', ỹataqta ipacchigui qome da ỹo'ot 'enauac ne'ena no'on ỹachaxanapecpi co'ollaxa. Nache ỹataqta saishet da huo'otaq 'oonolec ca sa ipaguelec da ỹo'ot ne'ena ỹachaxanapecpi.

Josué 3:7

Nache Ñim Nataxala' 'enapega so Josué, 'eeta': «Nache chegoqchiguiña ne'ena na'a'q da sauo'o da 'ara'amaqchec, ỹauaachigui ñaqa'en 'enauac na Israel le'ecpi. Qaq yaqto' namayepi ỹaỹateeta da aỹem ỹataqta 'am soota'aguet, 'eeta'am da 'eetec co'ollaq soota'aguet so Moisés.

Josué 1:9

Aỹem 'am samaxalec da 'ana'añaxat, qataq 'aua'añaxachigui ye 'arhuel, nache saishet qome da leuapigui 'arhuel, qataq saishet da 'auqaulleetac, cha'aye Aỹem Nataxala' maye 'Anatamnaxala', Aỹem qome nache 'eetai' da 'am soota'aguet cam 'auataigue.»

Josué 1:5

Qaq ỹataqta qaica qome ca ishet da 'am dataỹa'aguet qom ñaq 'anca'altauec, qataq Aỹem ỹataqta 'am soota'aguet qome, 'eeta'am ñaqa'en da sheetec da ỹataqta soota'aguet co'ollaxa so Moisés, saishet da 'am salat, ỹataqta 'am sa seỹotec.

Deuteronómio 31:8

Qaq Ñim Nataxala', nacheñi Ñim hua'auta'ague qome da 'ata'ague, qataq 'am hueta'aguet, saishet da 'am ỹaxanec qataq da 'am ỹalat, qaq ỹoqo'oye saishet qome da 'añe'etac qataq da 'anlautapiguiñi.»

Génesis 37:1

Qaq so Jacob, nache no'onaña da netalec co'ollaxa ye 'alhua Canaán, yem hueta'a co'ollaxa so lta'a.

Génesis 15:14

Qalaxaye nataqa'en sauo'o qome ca nhuaxanaguec cam shiỹaxauapi maye ỹauo'o l-latac camayepi. Qaq ime qome nache que'eca 'aỹa'alaqpi huesouec, nache ỹachetec qome ca lta'araic lsallaxa.

Génesis 12:5

Qaq somaye ỹauec co'ollaxa aso lhua Saraí, qataq so lasoshec Lot. Qataq ỹache 'enauac so logoxoshetpi qataq ỹauec so l-latacpi maye ỹachegoxotaña ye Jarán. Qaq co'ollaq ivita ye Canaán,

Deuteronómio 30:3

nache Ñim Nataxala' maye Qanatamnaxala'ai qaltaq ỹe'eguelaxa qome da qami' ichoxore'n, qataq qami' laỹona't, nache qami' ñe'eguelaxa't qami' ỹachegoxotchiguiñalo ca na'alhua ca ỹotta'a't shiỹaxauapi maye qami' ỹo'ora'alo co'ollaxa Ñimaye.

Génesis 15:16

Qaq qom inoxoorec que'ecaua cuatrocientos vi'iye, nacheca ca 'am chegoxoguetpi ñe'eguelaxa qome ne'ena 'alhua, cha'aye saxanaxa da ivita cam loga't nam qauemsat maye ỹo'ottac na amorreopi.»

Génesis 47:29

Qaq huo'o so na'a'q, nache so Israel nomteguet da mashe sa qaỹaloq da ileu. Nache damaxasoxoneua'a so llalec José da yaqto' 'enapega, 'eeta': «Da ỹoqta 'eesa da aỹem 'anqouaguec, nache 'auacho'ot na 'arhuaq na itele'eta, nache 'aỹa'an ca 'ara'aqtac da 'aupacchigui qome dam seỹaxaneua'a. ¡Aỹem 'anqouaguec qome, saishet da aỹem 'aulayiña na Egipto!

Génesis 50:6

Nache so faraón 'enapeco': «'Aue, qojec, 'aulayiñi ca 'arta'a, 'aupactelec da lquiquiaxac co'ollaq 'am dequiguiỹo'ot.»