Génesis 48:20 - La'aqtaqa Ñim Lo'onatac 'Enauacna 2013

²⁰ Qaq nacheso se'eso na'a'q da so Jacob ỹaaleguete da no'on la'aqtac soomaye, 'eeta': «Na nhuo' Israel le'ecpi, do'onataxana qome da qare'enaxache da ivita da huo'o ca ỹaalec ca no'on la'aqtac, qaq 'eeta': Ñim Lo'onatac 'Enauacna 'am ỹo'otec qome dam ỹo'otec co'ollaxa so Efraín qataq so Manasés.» Qaq 'era da 'eetec so Israel da ỹa'auaxaachiguiñi co'ollaxa so Efraín, qaq ipa'axaatec so Manasés.

Génesis 48:20 Referans Kwoze

Génesis 24:60

Nache qoỹaalec so no'on na'aqtac aso Rebeca, maye 'eeta': «'Am qarqaỹole, ¡nache'am qome, da 'am late'e ca ỹataqta qalota shiỹaxauapi! ¡Cam 'am chegoxoguetpi qalaq loxonec qome cam huaqta'a't nỹecpi maye lalamaxat ca npa'aguenaxauapi!»

Génesis 28:3

Qaq Ñim Lo'onatac 'Enauacna maye Qaica ca Ỹaqalanapec, 'am ỹasaxalec qome ca lchoxonnataxanaxa, qataq 'am ỹanem cam qalota maye 'am chegoxoguetpi, yaqto' nache 'am chegoqchigui qome ca qalota ỹotta'a't shiỹaxauapi.

Números 13:16

Qaq 'esoua soua le'enaqa'ate soua ỹale't maye ỹama'q co'ollaxa so Moisés, da demeenaxana ye 'alhua Canaán. Qalaxaye so Moisés naralaxat da le'enaxat so Oseas, som llalec so Nun, nache ỹanagui da Josué.

Números 13:11

Gadi, som llalec so Susi, som chegoxoguet na maiche lauo' le'ecpi so Manasés,

Números 7:54

Qaq so na'a'q ocho nache ỹaneuo so lachetaqtaxanaxat so Gamaliel, som llalec so Pedasur, maye lataxala' na maiche lauo' le'ecpi so Manasés,

Números 7:48

Qaq so na'a'q siete, nache ỹaneuo so lachetaqtaxanaxat so Elisama, som llalec so Amiud, maye lataxala' na maiche lauo' le'ecpi so Efraín,

Números 13:8

Oseas, som llalec so Nun, som chegoxoguet na maiche lauo' le'ecpi so Efraín,

Hebreos 11:21

So Jacob nataqa'en huo'o da lpi'iỹaxac Ñim Lo'onatac 'Enauacna, ỹoqo'oye co'ollaq mashe huotaique da ileu, nache ỹachaxanapecoto soua llalqa so José da Ñim Lo'onatac 'Enauacna ỹaaleguete ca lqouagaxanaqtaic soomaye. Ime, nache ỹasheltalec co'ollaxa aso lashelte da ỹo'oxoreetac Ñim Lo'onatac 'Enauacna.

Génesis 48:21

Qaq ime, nache 'enapega so José, 'eeta': «Aỹem mashe saqaỹaloq da seleu, qalaxaye Ñim Lo'onatac 'Enauacna qami' hueta'agueta qome, qataq ỹo'ot qome da qavi'iguelaqỹa yem na'alhua som hua'au qarta'ailpi.

Josué 17:14

Qaq so maiche nhuo' le'ecpi maye chegoxoguetpi so José, 'enapega co'ollaxa so Josué, 'eeta': «¿Ta'ainco' da qomi' 'aỹa'anema ye 'oonolec laỹe ne'ena 'alhuapi ye qomi' qalota, qataq Ñim Nataxala' mashe qomi' taleguete naqa'en co'ollaxa so no'on la'aqtac?»