Génesis 48:19 - La'aqtaqa Ñim Lo'onatac 'Enauacna 2013

¹⁹ Qalaxaye so lta'a saishet da ỹalaq, nache 'enapeco': «¡Aỹem mashe saỹaten, 'am ỹalcolec! Namaye nataqa'en chegoxoigui qome ca qalota nhuo' le'ecpi, qataq ivira'a da 'amaqtaqaic qome. Qalaxaye na lqaỹa na'asa ỹataqta ỹacteec qome da la'amaqchec napacalec namaye, qataq cam llalaqpi nacheca ca chegoxoigui qome ca ỹotta'a't qalota shiỹaxauapi.»

Génesis 48:19 Referans Kwoze

Deuteronómio 33:17

Qaq da lyacỹaxac so José qalaq 'eeta'am ca la'auaxanec llalec ca huaca, qataq da la'añaxac 'eeta'am da la'añaxac naua lcoue ca no'onaxa le'ec huaca, qaq nache iroleguete qome da decanaxangui na ỹotta'a't shiỹaxauapi, ivitta'a naqa'en naua qaỹoqtalo 'aleu'. Qaq namayepi nachena na qalota llalaqpi so Efraín, qataq na qalota llalaqpi so Manasés.»

Génesis 25:28

Qaq so Isaac ỹataqta lauotaxat co'ollaxa so Esaú, souaxat da chectac naxa na ne'epet somaye. Qaq aso Rebeca, qalaq ỹataqta lauotaxat so Jacob.

Ezequiel 27:10

Qaq som ỹalleppi maye lma' ye Persia, Lidia, qataq ye Libia, qalaq nacheso co'ollaxa so ntaueetague' so 'analleppi, somayepi ỹauota'a co'ollaxa ana lpaqtaxanaqtepi qataq aso naro'opi da yaqto' ỹo'ot da 'ayo'oxoyec, qataq 'am ỹaqashelgaqchet.

Isaías 7:17

Ñim Nataxala', anacot qome da yaqto' 'am talec, qataq na 'arhuo' le'ecpi qataq nam llalaqpi so 'arta'a, caua qauema na'axa'te maye saqaỹauanapegalo, chegoqta'a co'ollaq so Efraín nỹoteeguesop ye Judá, cha'aye Ñimaye anac naqa'en qome ñi nta'a ye Asiria.

Deuteronómio 1:10

Cha'aye Ñim Nataxala' maye Qanatamnaxala'ai, ỹataqta qalota naqa'en na qoyalquipi, 'eeta'am ye lcata ana huaqaañipi na piguem.

Génesis 48:14

Qalaxaye so Israel co'ollaq ỹashel-leguete soomaye, nache nmena't naqa'en naua lhua'q, nache na aloiguishec lhuaq ỹashel-lec naqa'en na lqaic so Efraín som na'asa, qaq na lhuaq ne'emaxashec qalaq ỹashel-lec naqa'en na lqaic so Manasés, qaq na'aictaxa da somaye nacheso so ỹe.

Génesis 17:4

«Qaq 'era da ñaỹamaxataxac da 'am ñaỹamaxate', 'eeta': 'Am, nache 'am qome da 'am lta'a ca ỹataqta qalota ỹotta'a't shiỹaxauapi,

Génesis 28:14

Camayepi ỹataqta qalota qome, ivitta'a da 'eeta'am na lsoche na 'alhua, qataq nquictauec qome nache ivira'ague da pa'aigue da sheu', qataq da taguiñi, qataq da nala' lliguisheguem, qataq da nala' lliguiñi, qaq 'enauac qome ca nhuo' le'ecpi ana 'alhua, huo'o qome da nchoxonnataguec chegoqchigui 'am, qataq ca 'am chegoxoguetpi.

Génesis 46:3

Nache Ñim Lo'onatac 'Enauacna 'enapeco': «Aỹem Nachaỹem Ỹo'onatac 'Enauacna maye Natamnaxala' so 'arta'a. Saishet qome da 'añi'i da 'anqo'ona ye Egipto, cha'aye huaña qome yemaye, nache so'ot da ca 'am chegoxoguetpi ỹataqta qalota qome.

Génesis 48:18

qaq nache 'eetega so lta'a, 'eeta': «¡'A'i, 'am ita'a, sa ỹaỹamaxañi da qonetec de'era! 'Ena na ỹe, qaq ỹashel-lec 'anaqa'en na 'arhuaq 'oiguishec na lqaic namaye.»

Génesis 25:23

qaq Ñimaye ỹasateguet asomaye, 'eeta': «Na 'arhuel huetaiguilo yeua dos, maye chegaqaiguilo qome ca ỹotta'a't shiỹaxauapi, qataq dos nhuo' lashe' deloctega't da ñaq taỹa'a da ñiyiñi. Qaq ye 'oonolec ỹataqta 'añaxaic qome, saq 'ena'am ye lỹa da la'añaxac, qaq ye na'asa qalaq ilo'ogue qome ye ỹe.»