Génesis 48:17 - La'aqtaqa Ñim Lo'onatac 'Enauacna 2013

¹⁷ Qalaxaye so José saỹaỹamaxaren co'ollaxa da 'eetec so lta'a, souaxat da na lhuaq aloiguishec ỹashel-lec naqa'en na lqaic so Efraín. Nache ỹacona na lhuaq so lta'a da huotaique da ỹashel-lec naqa'en na lqaic so Manasés,

Génesis 48:17 Referans Kwoze

Génesis 48:14

Qalaxaye so Israel co'ollaq ỹashel-leguete soomaye, nache nmena't naqa'en naua lhua'q, nache na aloiguishec lhuaq ỹashel-lec naqa'en na lqaic so Efraín som na'asa, qaq na lhuaq ne'emaxashec qalaq ỹashel-lec naqa'en na lqaic so Manasés, qaq na'aictaxa da somaye nacheso so ỹe.

Proverbios 24:18

cha'aye saiuena'a da ỹauaachigui de'era Ñim Nataxala' nache saỹaỹamaxaren, nache da lalemataic Ñimaye ishet da ca'ai naqa'en camaye.

1 Crónicas 21:7

Qaq Ñim Lo'onatac 'Enauacna, saỹaỹamaxaren co'ollaxa de'era, nache ỹo'ot da nhuaxanaguec so Israel le'ecpi.

1 Reyes 16:25

Qaq nam ỹo'otpi so Omri, ỹataqta saỹaỹamaxaren Ñim Nataxala', cha'aye ỹapacauec da qauem na ỹo'otpi, napacalec so hua'au nta'alpi,

1 Samuel 16:7

Qalaxaye Ñim Nataxala' 'enapega somaye, 'eeta': «Saishet qome da 'aulotagui da yo'oqchigui lataxac, qataq da lalogaxa, cha'aye saishet da nachera da selotagui. Cam shiỹaxaua ilotagui da yo'oqchigui nataxac, qalaxaye Aỹem saishet da selotagui da yo'oqchigui lataxac ca shiỹaxaua, nda'a't da selotagui da lquiyaqteỹaxac.»

Números 22:34

Nache so Balaam 'enapega so lamaxashec piguem le'ec Ñim Nataxala', 'eeta': Aỹem huo'o da ỹasouaxashet, souaxat da sa saỹaten da qonetangui na ỹec. Qalaxaye da sa 'auaỹamaxaren de'era ỹecỹaxac, nache aỹem she'eguelaq.

Números 11:1

Huo'o so na'a'q, nache so Israel le'ecpi quetapeguelec Ñim Nataxala', souaxat da huaigui nque'eenaxac somayepi. Nache Ñim Nataxala' hua'aqtega co'ollaxa somayepi, nache ỹataqta dalemata, huaña nache ỹavigoigui naqa'en naua loiguiye so lpe'lpi somayepi.

Génesis 38:10

Qaq Ñim Nataxala', ỹataqta sa ỹaỹamaxaren da ỹo'ottac so Onán, qaq ỹoqo'oye nataqa'en somaye nqat da nachaalataxac.

Génesis 28:8

Qaq huaña, nache so Esaú ỹaỹaten da so lta'a ỹataqta sa ỹaỹamaxaren so 'alpi maye lma' ye Canaán.

Génesis 48:18

qaq nache 'eetega so lta'a, 'eeta': «¡'A'i, 'am ita'a, sa ỹaỹamaxañi da qonetec de'era! 'Ena na ỹe, qaq ỹashel-lec 'anaqa'en na 'arhuaq 'oiguishec na lqaic namaye.»

Josué 17:1

Qaq 'ena na 'alhuapi maye taỹot so maiche nhuo' le'ecpi maye chegoxoguetpi so Manasés, som ỹe llalec so José. Qaq so Maquir som ỹale maye ỹataqta alaataxaic, som llalec ỹe so Manasés, somaye nache lta'a so Galaad, qaq somaye taỹot ye 'alhua Galaad, qataq ye Basán maye pa'aỹa'ague da nala' lliguisheguem so tala Jordán.