Génesis 48:16 - La'aqtaqa Ñim Lo'onatac 'Enauacna 2013

¹⁶ so namaxashec maye aỹem nca'alaxateeguesop nam qauemsat, ỹanema qome ca lchoxonnataxanaxa ne'enaua nogotolqa. Da yaqto' chegoqchiguilo naamaye da saishet da qaicoua'ai da ỹe'enaxat, qataq da le'enaxat soua ita'al Abraham qataq so Isaac. Qataq ỹataqta qalota qome ca llalaqpi naamaye ana'ana 'alhua.»

Génesis 48:16 Referans Kwoze

Salmos 34:22

Qalaxaye Ñim Nataxala', nca'alaxatec da nachaalataxac nam lamaxashecpi. Qataq nam pe'etega Ñimaye, saishet qome da huo'o ca nhuaxanaguec.

Génesis 49:22

Qaq da José, qalaq 'eeta'am aca nañiguishe maye neto'ot na loigue ca 'etaxat, maye ỹataqta qalota ana ala, qataq ana lcoue nqapeguelec ca npaqtaxanaxat.

Génesis 48:5

Qaq nagui naua 'aỹa'alqa Efraín qataq Manasés, maye lañoqo't na Egipto co'ollaq saxanaxa da ñevita ne'ena 'alhua, naamaye maiche ỹalamaqa'ate ỹalqa. Naamaye ỹataqta ỹalamaqa'ate 'eeta'ama so Rubén qataq so Simeón.

2 Timoteo 4:18

Qataq aỹem isoueeguesop 'enauac nam qauem qataq aỹem nca'alaxatec, ime, nache aỹem ỹauegueua'a da lo'onataxanaxac maye ỹataqta lta'araic da llo'oxoyec chochaq tatec. Aja', nache 'eetec de'era.

Josué 17:17

Qaq 'era da 'eetec so Josué da ỹasateguet som chegoxoguetpi so José, maye maiche nhuo' le'ecpi maye chegoxogueta soua Efraín qataq so Manasés, nache 'eeta': «Aja', qami' ỹoqta 'eesa da qami' qalota qataq ỹataqta qami' 'añaxaicpi, ỹoqo'oye saishet da qami' taỹoto catai' laỹolec yi'iye 'alhuapi,

Hebreos 11:21

So Jacob nataqa'en huo'o da lpi'iỹaxac Ñim Lo'onatac 'Enauacna, ỹoqo'oye co'ollaq mashe huotaique da ileu, nache ỹachaxanapecoto soua llalqa so José da Ñim Lo'onatac 'Enauacna ỹaaleguete ca lqouagaxanaqtaic soomaye. Ime, nache ỹasheltalec co'ollaxa aso lashelte da ỹo'oxoreetac Ñim Lo'onatac 'Enauacna.

Hechos 15:17

yaqto' 'enauac nam laỹepi shiỹaxauapi Aỹem nmitaique maye Aỹem Nataxala', qataq 'enauac nam ỹotta'a't shiỹaxauapi maye seỹaxana da sauotaique ỹalamaxatpi.

Juan 17:15

Qaq Aỹem saishet da 'am seỹaxaatacot da yaqto' 'anqateeguesop naamaye ana 'alhua, nachaqrata da 'anpaxattaleguete qataq saishet da 'auasheneguet so pa'aguenataxanaxaic.

Isaías 63:9

Qaq saishet co'ollaxa da lamaxashec cam nca'alaxatec namayepi, maye nacheñi Ñimaye da maiche nca'alaxatec. Ñimaye isouec namayepi souaxat da lauotaxanaqtaic qataq da lchoxonnataxanaxa, ỹanaxanaxaasheguem qataq nachesheguem huota'aisalo naua lhua'q, 'eeta'am dam ỹo'ottac co'ollaxa soua hua'au' vi'iye.

Salmos 121:7

Ñim Nataxala', 'am ntelaqna'aguet qome 'enauac na qauemsat, Ñimaye npaxattalec qome da 'anachaalataxac.

Tito 2:14

Somaye nañan co'ollaxa da qomi' ileualeguete, cha'aye nshetaique da qomi' nca'alaxateeguesopa na qauemsat, qataq qomi' iqui'itaxa't da ỹauo'oi qomi' lalamaqa'ate, qataq da yaqto' so'otaq ca ỹaỹamaqchiguiñi.

1 Corintios 10:9

Nataqa'en saishet da she'eguenaqtac Ñim Nataxala', 'eeta'am da 'eetec somayepi da huo'o co'ollaxa na ye'eguenataxan. Qaq ỹoqo'oye huo'o so ileupi co'ollaq so na'araxanaqpi detoxongui somayepi.

Amós 9:12

yaqto' nam saq 'amaqtaqpiolec no'onañipi ye Edom maye ỹo'oxoreetac da ỹe'enaxat qataq 'enauac nam ỹotta'a't shiỹaxauapi, ỹe'eguelaxa qome da lalamaxat ye Israel. Qaq 'era da la'aqtac Ñim Nataxala' maye ỹo'ot qome de'era.

1 Corintios 10:4

So Cristo nnaictague' somayepi, qalaxaye saqcha'a. Qataq nacheso so 'etaxat co'ollaxa maye chegaqaigui so coma', da yaqto' ỹa'axaneguet na laquip somayepi. Qaq 'enauac somayepi nỹomgui se'eso 'etaxat.

Romanos 8:23

Qaq saishet da nachaqanata anamaye da huo'o da nqui'ic, cha'aye nataqa'en qomi' huo'o da qanque'eenaxac, qomi' maye qomi' hueta'agueta So Saqcha'a Na'añaxac Qui'itta som la'auaxanec qataq la'anaxat 'enauac cam qomi' ỹanema Ñim Lo'onatac 'Enauacna qome. Nagui da ñaq seuataqta'a Ñimaye da qomi' nanereleguete da ỹauo'oi qomi' llalqa qataq 'enauac da qomi' huesochiyiñi naqa'en, nache huo'o da qanqui'ic, qalaxaye ñe'emaxataqta.

Mateo 6:13

Qataq da qomi' nvitalo ca qañe'eguenataguec, nache saishet da qomi' 'auashenegueta da chegoqchigui camaye da 'am qolaqa'ai. Qataq qomi' 'anca'alaxateeguesopa da la'añaxac so pa'aguenataxanaxaic.» [Cha'aye 'aralamaxat da no'onataxanaxac qataq da na'añaxac qataq da ño'oxoyec maye qaica ca loga't. Aja', nache 'eetec.]

Malaquías 3:1

Ñim Nataxala' maye Qaica ca Ỹaqalanapec 'enapec: «Mashe huotaique da ñamaq ñim ỹa'aqtaxanaxanec, da yaqto' iqataxanai' cam ñaqa'aic. Ñim Nataxala' maye qanmicheetaique, mashe saqaỹaloq da naỹa añim atamnaxaqui maye lalamaqte. ¡Mashe anacta nam na'aqtaxanaxanec maye ndoi' na aỹamaxataxac maye qanqopicheetaique!»

Jeremías 14:9

¿Ta'ainco' da 'aue'enaxat ca ỹale da maye saishet da ỹaỹaten ca 'eetec, qataq qoneta'am ca alaataxaic maye saishet da detaunaxan? Qalaxaye, 'Am Nataxala', qouetangui na laiñi da shenaqta, 'enauac da qaỹaỹaten da qomi' 'aralamqa'ate, ¡Qaq saishet qome da qomi' 'auala't!

Isaías 47:4

Ñim Qarca'alaxaqui, Ñim Qui'itta Natamnaxala' na Israel le'ecpi, ñim le'enaxat Nataxala' maye Qaica ca Ỹaqalanapec, 'eeta':

Salmos 34:7

Qaq so lamaxashec piguem le'ec Ñim Nataxala', npaxattalec qataq nca'alaxatec, nam huo'o naq 'enec naqa'en Ñimaye.

Salmos 34:2

Aỹem ỹataqta sho'oxoreetac qome Ñim Nataxala', qaq qom hua'aqa na choxoraqpi nache machiguiñi.

2 Crónicas 7:14

qaq da huo'otaq nman na ỹalamaxat nhuo' le'ecpi maye iỹaxaatega da ỹe'enaxat, qataq da natamen, qataq aỹem nmitaique, qataq da ỹaxanec da qauem lataxac, nache aỹem sa'axaỹa qome da soota'a na piguem, nache sapalaxat na lasouaxashetpi, qataq ñataren na na'alhua namayepi.

Deuteronómio 33:17

Qaq da lyacỹaxac so José qalaq 'eeta'am ca la'auaxanec llalec ca huaca, qataq da la'añaxac 'eeta'am da la'añaxac naua lcoue ca no'onaxa le'ec huaca, qaq nache iroleguete qome da decanaxangui na ỹotta'a't shiỹaxauapi, ivitta'a naqa'en naua qaỹoqtalo 'aleu'. Qaq namayepi nachena na qalota llalaqpi so Efraín, qataq na qalota llalaqpi so Manasés.»

Deuteronómio 28:10

Huaña nache 'enauac na ỹotta'a't shiỹaxauapi ana 'alhua ỹaỹateeta da 'am lalamaxat Ñim Nataxala', nache ỹataqta 'am ñi'iỹa qome.

Números 1:46

somayepi da ima'a't, nache ivi' saiscientos tres mil quinientos cincuenta ye lcata.

Éxodo 1:7

qalaxaye so Israel le'ecpi huo'o da lco'oxoc qataq mashe qalota na llalaqpi, nache nquictauec ye lcata ivitta'a da ỹataqta 'añaxaicpi. Nache yi'iye 'alhua ỹataqta nlaqtelec somayepi co'ollaxa.

Génesis 32:28

Nache se'eso shiỹaxaua 'enapego' somaye, 'eeta': «Saishet nagui da 'are'enaxat da Jacob, maye 'are'enaxat qome da Israel, cha'aye 'auloctague' Ñim Lo'onatac 'Enauacna, qataq na shiỹaxauapi, qalaxaye 'anauec.»

Génesis 22:11

nache so lamaxashec Ñim Nataxala', chemqot na piguem, da deỹaxan, 'eeta': «¡Abraham! ¡Abraham!» Nache so Abraham 'enapeco': «Aja', aỹem soota'a ne'ena.»

Génesis 22:15

Nache so lamaxashec Ñim Nataxala' chemqot na piguem, da qaltaq iỹaxana so Abraham,

Génesis 46:3

Nache Ñim Lo'onatac 'Enauacna 'enapeco': «Aỹem Nachaỹem Ỹo'onatac 'Enauacna maye Natamnaxala' so 'arta'a. Saishet qome da 'añi'i da 'anqo'ona ye Egipto, cha'aye huaña qome yemaye, nache so'ot da ca 'am chegoxoguetpi ỹataqta qalota qome.

2 Samuel 4:9

Nache so David 'enapeco': «Nagui, hua'aqchigui da ỹa'aqtac Ñim Nataxala' maye ỹataqta aỹem nqateeguesop 'enauac na qauemsat.

Jeremías 15:21

Aỹem 'am sesoueeguesop qome da la'añaxac na qauemaicpi, ¡qataq 'am ñeca'alaxateeguesop da la'añaxac nam qaica ca ireetac!»

1 Reyes 1:29

Huaña, nache so nta'a ỹan da la'aqtac, 'eeta': «San da ỹa'aqtac hua'aqchigui ñaqa'en Ñim Nataxala', maye aỹem nca'alaxateeguesop co'ollaxa 'enauac na ñeque'eenaxacpi,

Salmos 34:8

Ñaq qavi'iguiñi Ñim Nataxala', yaqto' qauaỹachiñi da Ñimaye ỹataqta soxoraic. Qaq ỹataqta machiguiñi qome ca shiỹaxaua maye pi'iỹa'a Ñimaye.