Génesis 48:15 - La'aqtaqa Ñim Lo'onatac 'Enauacna 2013

¹⁵ Qaq huaña nache ỹanem da no'on la'aqtac so José, 'eeta': «Ñim Lo'onatac 'Enauacna ñim lalaxaret soua ita'al Abraham qataq so Isaac; Ñim aỹem nteltega chegoqchiguiña so na'a'q co'ollaq sañiguiñi,

Génesis 48:15 Referans Kwoze

Génesis 17:1

Qaq so Abram mashe ivi' co'ollaxa soua noventa y nueve vi'iye da nachaalataxac, co'ollaq Ñim Nataxala' nachaxana somaye, nache 'enapega, 'eeta': «Aỹem, nachaỹem Ỹo'onatac 'Enauacna, maye Qaica ca Seqalanapec, saisheto' qome da 'aushepaxanaqchet da 'anachaalataxac da aỹem qoueto'ot,

Colosenses 2:6

Qami' mashe qauasacheeguet So Jesucristo da ỹauo'oi qami' lalamaqa'ate qataq nacheso So Qarataxala'ai. Qaq ỹoqo'oye qanpogoxoiñiỹapegue' da qami' ỹaỹamaxareete' Somaye.

Hebreos 11:21

So Jacob nataqa'en huo'o da lpi'iỹaxac Ñim Lo'onatac 'Enauacna, ỹoqo'oye co'ollaq mashe huotaique da ileu, nache ỹachaxanapecoto soua llalqa so José da Ñim Lo'onatac 'Enauacna ỹaaleguete ca lqouagaxanaqtaic soomaye. Ime, nache ỹasheltalec co'ollaxa aso lashelte da ỹo'oxoreetac Ñim Lo'onatac 'Enauacna.

2 Corintios 1:12

Qomi' ỹa'añaqche't da saỹaanaq da ỹaỹamaqchiguiñi da qarataxac, qataq ỹataqta qomi' 'eesora nagui da souaqta'aguet 'enauac na shiỹaxauapi, qataq ỹactec naxa da qami' souaqta'agueta. Qaq de'era saishet da so'otaq da seca'ataqtague' da maiche qaraỹaanec, nachaqrata da ltaunaxanaxac Ñim Lo'onatac 'Enauacna, qataq sanaqtac da qana'achecỹaxac souaxat da lta'araic lsoxoyec.

1 Corintios 10:31

Qaq da huo'otaq qauqui'i, huo'otaq qanỹomi, huo'otaq huo'o ca lỹa qauo'oche, qaq no'on da qaỹa'añiitoigui 'enauac da qayo'oxonnataxanaxaqui Ñim Lo'onatac 'Enauacna.

Lucas 1:6

Aso Elisabet qataq so Zacarías ỹataqta no'o'n da lataxa'c qataq ỹataqta ỹalaxareguet 'enauac na lamaxasoxonaxacpi Ñim Lo'onatac 'Enauacna.

Jeremías 8:2

nache huetaiya' qanqa'en hueta'aguet na le'eraxa añi nala', qataq ñi ca'agoxoic, qataq 'enauac ana huaqaañipi, maye lauotaqte qataq do'onataxaatacot qataq ca'attague', qataq inatto'ot naxa, qataq ỹo'oxoreetac. Qaq qaica qome ca laỹona't da ilayiñi, nache laguelec na 'alhua 'eeta'am na shiguiỹac la'atec.

Isaías 33:16

qaq nacheca qome ca qaica ca ndaqtaique, qataq lle'eguenaqa' qome cam lo'oxonaxat na coma', qataq nache 'eetai' qome da huo'o ca aloq qataq saqoue ca laquip 'etaxat.

Isaías 30:21

Qaq da huo'otaq qoquiigue nam pa'aỹa'ague da qo'oiqui, huo'otaq na qane'emaqai, nache qaua'aqaỹa qome ca na'aqtac chemaxague da qauachegoqoỹa'ague, 'eeta': «'Ena na nqa'aic nache qoquiitegue namaye.»

Eclesiastés 6:7

Ca ỹale ỹataqta saishet da vi'iiguet da lo'onataxanaxac da yaqto' deque'etac, qalaxaye saishet da ivira'a da machiguiñi.

Eclesiastés 5:18

Qaq dam sela'a maye ỹoqta ỹaỹamaqchiguiñi da qaỹo'ot damaye, 'eeta': sequia'aqtac qataq ñeỹomaqtac, ñeque'etaxanaqchigui dam alaỹaxac dam qalota qaro'onataxanaxac ana'ana 'alhua, da ñaq huo'o dam saqaloc qanachaalataxac maye qomi' ỹanema Ñim Lo'onatac 'Enauacna, cha'aye nachera dam qomi' qoỹanema.

Eclesiastés 5:12

Qaq cam 'onataxanaxaic, qalaq na'aictaxa da saq 'amaqtaq da lquia'axac huo'otaq lta'araic da lquia'axac, qalaxaye ỹataqta amata na lo'ochaxa, qaq cam sallaxanec qalaq souaxat da lsallaxa nache saq ama na lo'ochaxa.

Salmos 37:3

Ỹataqta 'aupi'iỹa'a Ñim Nataxala' qataq 'auo'ot ca ỹaỹamaqchiguiñi, yaqto' nache qonetai' da qonetalec ana 'alhua qataq qoquetegue Ñimaye.

Salmos 23:1

Ñim Nataxala' nacheñi ñi aỹem iuattague', qaica naqa'en ca seueetaique.

Salmos 16:8

Qaq aỹem qalaq nache 'eetai' naxa da sa seỹotaique Ñim Nataxala', Ñimaye nache huetaua'a ñaqa'en na aỹoic, nache qaica ca ishet da souañi naqa'en.

1 Reyes 3:6

Nache so Salomón 'enapeco': «'Am, ỹataqta 'arauotaxat co'ollaxa so 'aramaxashec David, maye ita'a, cha'aye somaye ỹataqta 'eesa da 'am ỹalaxaguet, qataq ỹaỹamaqchiguiñi da lataxac, qataq nalochiguiñi da lquiyaqteỹaxac. Qaq ỹoqo'oye ỹataqta 'auauotec somaye, nache 'aỹa'anem ne'ena 'oonolec nam llalaqpi somaye, da talec 'anqa'en añi nso'onaxaqui da nta'a.

Deuteronómio 33:1

Qaq co'ollaq mashe sa qaỹapeque so laloqo' da ileu so Moisés, maye nale Ñim Lo'onatac 'Enauacna, nache somaye ỹanem da no'on la'aqtac na Israel le'ecpi,

Génesis 49:28

Qaq 'esoua soua doce llalqa so Israel, qaq 'era da la'aqtac so lta'a co'ollaq ỹanem ñi 'oonolec soomaye da lchoxonnataxanaxa.

Génesis 49:24

qalaxaye da José ỹataqta qaramteguelo naua lhua'q, qataq ỹataqta nllichiguiñi ca lchecnec, ¡sanot da ña'achec Ñim Natamnaxala' na Jacob, Ñim Qaica ca Ỹaqalanapec! ¡Sanot da ña'achec Ñim ilotague' qataq mpaxattalec na Israel!

Génesis 48:16

so namaxashec maye aỹem nca'alaxateeguesop nam qauemsat, ỹanema qome ca lchoxonnataxanaxa ne'enaua nogotolqa. Da yaqto' chegoqchiguilo naamaye da saishet da qaicoua'ai da ỹe'enaxat, qataq da le'enaxat soua ita'al Abraham qataq so Isaac. Qataq ỹataqta qalota qome ca llalaqpi naamaye ana'ana 'alhua.»

Génesis 28:22

Qaq ne'ena coma' maye ñachaalataxañi, nachena qome na lma' Ñim Lo'onatac 'Enauacna. Qaq 'Am Atamnaxala', nache 'eetai' qome da 'am saata'am, aca ñediezmo maye chegaqaigui 'enauac cam aỹem 'aỹa'anem.»

Génesis 28:20

Qaq nache huaña yemaye da so Jacob, ỹan so la'aqtac maye, 'eeta': «Da Ñim Lo'onatac 'Enauacna aỹem nnaictague', qataq aỹem ntela'a de'era ỹecỹaxac maye so'ottac, qataq da aỹem ỹanem ca anoq, qataq ca ỹogoxot,

Génesis 28:3

Qaq Ñim Lo'onatac 'Enauacna maye Qaica ca Ỹaqalanapec, 'am ỹasaxalec qome ca lchoxonnataxanaxa, qataq 'am ỹanem cam qalota maye 'am chegoxoguetpi, yaqto' nache 'am chegoqchigui qome ca qalota ỹotta'a't shiỹaxauapi.

Génesis 27:4

Qaq ime qome, nache 'auo'ot ca 'arhuoshec, ỹataqta ama 'anqa'en, cam ỹataqta ñaman naxa, nache aỹem 'andoua'a qome da sachec. Qaq nache huaña qome da 'am sanem da ichoxonnataxanaxa, nagui da saxanaxa da seleu.»

Génesis 24:20

Nache saqaỹaloq da iqui'itaxachigui aso laco'oña da icoyingui aso nỹomaxaqui na shiguiỹac, nache nqalgoqtac ỹe'eguelaqtapigui da ỹe'egueetegaxaama so 'etaxat maye huetagui aso nshere, nache ivitta'a da 'enauaque da nỹomaxa'n soua cameello.

Génesis 6:9

Qaq 'era da na'aqtaguec so Noé. So Noé ỹataqta no'on da lataxac, qataq ỹataqta ỹalaxaleguet Ñim Lo'onatac 'Enauacna. Co'ollaq ỹalectaigui so shiỹaxauapi, qaq nachesota somaye da ỹo'ottac nam 'eetapeguec Ñim Lo'onatac 'Enauacna.

1 Ts 2:12

Nataqa'en she'eguelaxataqtalec da qami' shenaqtegalo da ỹataqta qoquiitelec da lataxac nam quetague' Ñim Lo'onatac 'Enauacna, nam iỹaxanapi Ñimaye da yaqto' nhuanaua'a da lo'onataxanaxac qataq da la'añaxac.

Éxodo 3:16

Qaq 'am, qojec qome, nache 'alaỹona't ca lqueroxonecpi ye Israel le'ecpi. Ime, qaq qonapega, qoneta': «Ñim Nataxala', Ñim Natamnaxala' som hua'au' qarta'alli' aỹem namaxalo qami'. Ñim Natamnaxala' so Abraham, Isaac qataq Jacob, Ñimaye aỹem nachaxana. Qaq aỹem da'aqtaxanem da Ñimaye 'eetega maiche qami' huapegueto, cha'aye ilota'a da saishet da qami' iyacna'ape na Egipto le'ecpi.

Éxodo 4:5

Qaq 'era qome da 'eetec da 'am qaỹa'amaqten da ỹataqta 'eesa da 'am nachaxana nam Nataxala', maye Natamnaxala' soua hua'au' 'arta'al, Natamnaxala' so Abraham, Isaac qataq so Jacob.

1 Crónicas 5:1

Som chegoxoguetpi so Rubén, maye llalec ỹe so Israel. So Rubén nacheso so la'auaxanec llalec so Israel, qalaxaye iqataqchet dam 'enec ca na'auaxanec ñalec souaxat da huetapeeguet co'ollaxa aso lhua lỹa so lta'a somaye, qaq de'era 'enec cam na'auaxanec ñalec, qaỹasaxaleguete soua llalqa so José, som llalec lỹa so Israel.

Génesis 24:40

Qaq somaye aỹem ỹasateguet, 'eeta': Aỹem shectague' da nqa'aicỹaxac Ñim Nataxala', qaq Ñimaye ỹamaq qome ca lamaxashec piguem le'ec da 'am nnaictague', yaqto' qaica ca da dam 'icỹaxac, nache 'auachegoxotaigui qome aca lhua ñi ỹalec, yem ihuo' lashepi maye llalpi so ita'a.

Génesis 27:27

Qaq so Jacob, co'ollaq nquigueua'a so lta'a da napigoxoi', nache so Isaac ncoỹaxanalo soua alogo. Qaq huaña nache ỹasaxalec da lchoxonnataxanaxa, 'eeta': «Aja', de'era alaitaỹaxac nacheca ca ỹalec. Damaye, 'eeta'am da alaitaỹaxac ca no'onaxa maye Ñim Nataxala' ỹasaxalec da lchoxonnataxanaxa.

Génesis 35:3

nache ñaỹamaxataq da ñeqo'onaxa ye Betel. Qaq huaña qome yemaye nache so'ot aca ica'atoxonaxalate da sho'oxoren Ñim Lo'onatac 'Enauacna, maye aỹem itauan co'ollaq sootaigui so iuogoxo, qataq aỹem nnaictague' naua ỹeco cam sataigue.»

Génesis 49:22

Qaq da José, qalaq 'eeta'am aca nañiguishe maye neto'ot na loigue ca 'etaxat, maye ỹataqta qalota ana ala, qataq ana lcoue nqapeguelec ca npaqtaxanaxat.