Génesis 48:14 - La'aqtaqa Ñim Lo'onatac 'Enauacna 2013

¹⁴ Qalaxaye so Israel co'ollaq ỹashel-leguete soomaye, nache nmena't naqa'en naua lhua'q, nache na aloiguishec lhuaq ỹashel-lec naqa'en na lqaic so Efraín som na'asa, qaq na lhuaq ne'emaxashec qalaq ỹashel-lec naqa'en na lqaic so Manasés, qaq na'aictaxa da somaye nacheso so ỹe.

Génesis 48:14 Referans Kwoze

Génesis 41:51

Qaq so la'auaxanec llalec ỹanagui da le'enaxat Manasés, cha'aye 'enapeco': «Ñim Lo'onatac 'Enauacna ỹo'ot da secoua'ai 'enauac so ñeque'eenaxac, qataq 'enauac ca ihuo' le'ecpi.»

1 Timoteo 5:22

Saishet da 'aỹalapegue' da huo'o ca 'aneua'a da lo'onataxanaxac Ñim Lo'onatac 'Enauacna, cha'aye saiuena'a da huo'o ca lasouaxashet, nache nataqa'en 'am nshepaxanaqchet. ¡'Antela'agueto' 'enauac na sa ỹaỹamaxañisat!

1 Timoteo 4:14

Saishet da 'anañaxane' da lo'onataxanaxac ñim 'anachetaxat maye 'am ỹami' Ñim Lo'onatac 'Enauacna so na'a'q co'ollaq ỹachanguit añi 'arquiyaqte, chegoqchiguilo soua lataxala'ate na 'amqaanataxanaxaicpi co'ollaq 'am ỹashel-leguete.

Hechos 13:3

Qaq co'ollaq ime da qouagaxaunaxac qataq da qouaqchetaxac, nache qanatameetapegueleguete soomaye, qaỹasheltaleguete. Ime, nache qaỹama'q.

Hechos 6:6

Qaq co'ollaq ime, nache soomaye qaỹauegueua'alo soua Jesús lamaxa'she, nache soomaye ỹashel-lec na lqaic ñi 'oonolec da nqouagaxaueeleguete.

Lucas 13:13

Nache ỹashel-lec asomaye, huaña, nache asomaye ishet da nlaxaasheguem, nache ỹo'oxoreetac Ñim Lo'onatac 'Enauacna.

Lucas 4:40

Qaq co'ollaq mashe inoxooñi aso nala', nache 'enauac na shiỹaxauapi maye ỹotta'a't na lalolaxapi, qandoua'a So Jesús. Qaq So Jesús ỹashel-lec ñi 'oonolec somayepi, nache no'oita naqa'en.

Mateo 19:15

Nache So Jesús ỹashel-lec na lqaic ñi 'oonolec so ñaqpiolec, qaq co'ollaq ime, nache ca'ai se'eso 'alhua.

Mateo 19:13

Huo'o aso nate'elpi ỹauegueua'a so llalaqpi So Jesús, da yaqto' Somaye ỹashel-lec qataq da natameelec somayepi. Qalaxaye soua lapaxaguenataqa So Jesús nlaqtrega asomayepi.

Mateo 16:18

Ỹoqo'oye Aỹem 'am sanagui da Pedro, damaye naigui da «coma'.» Qaq ne'ena coma' so'oxootelec cam 'amqaanataxanaxaicpi maye Aỹem ỹa'amaqteetac, qaq ivira'a da la'añaxac da nleuaxa saishet da ilaxachigui.

Mateo 6:5

Qaq da ivita da qanqouagaxauñi, qalaq saishet qome da qoñiita'am nam saq ỹataxalec da lataxac. Namayepi choche lqopitaxat da qaimeteetac da nqouagaxaueetac. Ỹoqo'oye nachattañi da nqouagaxauen da huaigui ana napaxaguenaxaquipi na judiopi, qataq na ndaqa'pi maye sa ỹe'emaxat da nlectecot na shiỹaxauapi. Qaq Aỹem 'eesa de'era qami' sa'axatema da namayepi qaica ca lỹa nsheetenaguec.

Salmos 118:16

Da la'añaxac Ñim Nataxala' ỹataqta lta'araic, da la'añaxac Ñim Nataxala' ivira'a da doxonaxan.»

Salmos 110:1

Ñim Nataxala' 'enapega ñim ỹataxala', 'eeta': «'Anso'ootaña qome da pa'aigue na aỹoic, nache ivitta'a qome da hueto'oto ñaqa'en naua 'arapia'ate na 'ampa'aguenaxauapi.»

Deuteronómio 34:9

Qaq so Josué maye llalec so Nun, ỹataqta huo'o da laỹaanec, cha'aye so Moisés ỹashel-lec co'ollaxa somaye, qaq na Israel le'ecpi ỹataqta ỹalaxaguet somaye, da ỹo'ot na lamaxasoxonaxacpi Ñim Nataxala' maye ỹamem co'ollaxa so Moisés.

Números 8:18

Qalaxaye Aỹem saconeua'a na leviitapi, da yaqto' naiguet ñaqa'en ne'ena la'auaxanec llalaqpi na Israel le'ecpi.

Números 8:10

Qaq da mashe hueta'a na leviitapi ye lanataqa' Ñim Nataxala', nache na Israel le'ecpi ỹashel-lec 'anqa'en na lqaic qome namayepi.

Éxodo 15:6

'Am Nataxala', na 'oiguishec 'arhuaq ỹataqta 'añaxaic, qataq qaica ca ỹaqalanapec, nachena na ilaxachigui so 'ampa'aguenaxauapi.

Génesis 48:18

qaq nache 'eetega so lta'a, 'eeta': «¡'A'i, 'am ita'a, sa ỹaỹamaxañi da qonetec de'era! 'Ena na ỹe, qaq ỹashel-lec 'anaqa'en na 'arhuaq 'oiguishec na lqaic namaye.»

Génesis 46:20

Qaq co'ollaq huaña ye 'alhua Egipto, nache so José ñiguiyiñi soua dos llalqa Manasés qataq so Efraín maye late'e' aso Asenat, asom llale so Potifera som ltaxaỹaxanaxanec so shiỹaxauapi maye lma' ye On.

Génesis 41:52

Qaq so dalaxaic llalec qalaq ỹanagui da le'enaxat Efraín, cha'aye 'enapeco': «Ñim Lo'onatac 'Enauacna aỹem ỹanem da huo'oi naua ỹalqa, huaña ne'ena 'alhua maye huaña da ñeque'eenaxac.»

Génesis 48:13

Ime, co'ollaxa nache so José ỹaconeua'alo soua dos llalqa, nache so Efraín ipa'axanegue na aloic, qaq so Manasés ipa'axanegue na ne'emaq, nache nquigaxateua'alo so lta'a. Nache so Efraín pa'ata'ague na ne'emaq so Israel, qaq so Manasés, qalaq pa'ata'ague na aloic.

Génesis 48:17

Qalaxaye so José saỹaỹamaxaren co'ollaxa da 'eetec so lta'a, souaxat da na lhuaq aloiguishec ỹashel-lec naqa'en na lqaic so Efraín. Nache ỹacona na lhuaq so lta'a da huotaique da ỹashel-lec naqa'en na lqaic so Manasés,

Números 2:18

Qaq aca la'anaqte ca lpe'lpi na maiche nalamaxat nhuo' le'ecpi, maye chegoxoguet so Efraín, nache pa'aigue qome da nala' lliguiñi. Qaq camayepi nache lataxala' so Elisama, som llalec so Amiud,