Génesis 48:12 - La'aqtaqa Ñim Lo'onatac 'Enauacna 2013

¹² Nache so José nqateeguesopa soua nogotolqa naua lteltaye so lta'a, nache ỹa'alyiñi naua l-llecte, qataq iviraxata'aguet na latap na 'alhua.

Génesis 48:12 Referans Kwoze

Génesis 42:6

Qaq so José nacheso som ilotague' co'ollaxa yi'iye 'alhua, qataq nacheso so imeetacot na trigo 'enauac na shiỹaxauapi maye chegaqa'alo naua lỹa't nma'ate. Qaq soua lqaỹa't co'ollaq nvildeua'a somaye, nache ỹa'alyiñi naua l-llecte, qataq iviraxata'agueta naua lata'pi na 'alhua.

Efesios 6:1

Qami' ñalaqpi qaualaqaiguet caua qarta'alli', cha'aye qami' lalamaqa'ate So Cristo, cha'aye damaye nachera da ỹataqta ỹaỹamaqchiguiñi da qaỹo'ot.

Proverbios 31:28

Qaq da ñisheguem na llalaqpi nache ỹo'oxoreetac qataq ca lhua ỹo'oxoreetac acamaye, 'eeta':

2 Reyes 4:37

Qaq asa'aso 'alo co'ollaq choche pa'auo, nache nqapaxanoto naua lchel so Eliseo. Ime, nache ỹacoosop so llalec, nache pa'auec.

1 Reyes 2:19

Qaq ime, nache aso Betsabé taua'a so nta'a Salomón, da detaqlec so Adonías. Nache se'eso nta'a ñisheguem co'ollaxa da ilo'oguet aso late'e, qataq nqollemñi da iquin asomaye. Ime, qaltaq nso'ooñi, nache damaxasoxon da qairouo aso nso'onaxaqui aso late'e, nache asomaye nso'oochiguiña na pa'aigue da aloic so nta'a.

Levítico 19:32

Ỹataqta 'anachaañi da 'auqocha'a ca ỹa'axaiquiolec, souaxat da huo'o naq 'enec 'anqa'en. Qataq huo'o naq 'enec 'anqa'en na 'Anatamnaxala'. Qaq 'era da ỹa'aqtac, Aỹem Nataxala'.

Levítico 19:3

Ñi 'oonolec ỹataqta huo'o da 'enec naqa'en ca lta'a, qataq aca late'e. Qataq ỹataqta huo'o naq 'enec qanqa'eñi ye na'a'q mataxaqui, cha'aye Nachaỹem Nataxala' maye Qanatamnaxala'ai.

Éxodo 34:8

Nache so Moisés sa naỹaloxon da ỹa'alyiñi naua l-llecte da nqapaxaneguet na 'alhua da natamen.

Éxodo 20:12

Huo'o naq 'enec 'anqa'en ca 'arta'a, qataq aca 'arate'e, yaqto' qaỹoqtec da 'anachaalataxac da qouetalec ana 'alhua maye 'am ỹami' Ñim Nataxala' maye 'Anatamnaxala'.

Génesis 33:3

Ime, nache so Jacob hua'aua'ague da taỹa'ague somayepi, nache siete da ỹe'eguelaxalec da ỹa'alyiñi naua l-llecte, qataq iviraxata'aguet naqa'en na latap na 'alhua, choche ivitta'a da saqaỹapeque naqa'en so lqaỹa.

Génesis 23:7

Qaq huaña nache so Abraham nachaañi, nache ỹa'aroto naua l-llecte so hitiitapi,

Génesis 19:1

Qaq co'ollaq mashe napaltapiguiñi nache soua dos namaxa'she piguem lashe' ivildeua'a so huaqta'a't nỹecpi ye Sodoma. Qaq so Lot nso'ootañi co'ollaxa, netaña so ñegueuo se'eso huaqta'a't nỹecpi, som laponqa' naxa 'enauac na shiỹaxauapi. Qaq co'ollaq ila'agueta soomaye, nache ñesheguem da nqo'onegueta. Qaq co'ollaq iviregueta, nache ỹa'alyiñi naua l-llecte, nache iviraxata'aguet na latap na 'alhua,

Génesis 18:2

nache somaye co'ollaq namatasheguem, nache soua tres shiỹaxau' nachattrañi huetra'a so saqaỹapeque somaye. Qaq co'ollaq ilaugalo, nache nqalgaqasheguem da ilo'ogueta soomaye, nache ỹa'alyiñi naua l-llecte, ivira'aguet na latap na 'alhua,

Génesis 48:11

Qaq ime, nache 'enapega so José, 'eeta': «Mashe sa sepettega da qaltaq 'am ñauane'. Qalaxaye Ñim Lo'onatac 'Enauacna, ỹo'ot da ñauaneto nataqa'en naua 'aỹa'alqa.»

Génesis 48:13

Ime, co'ollaxa nache so José ỹaconeua'alo soua dos llalqa, nache so Efraín ipa'axanegue na aloic, qaq so Manasés ipa'axanegue na ne'emaq, nache nquigaxateua'alo so lta'a. Nache so Efraín pa'ata'ague na ne'emaq so Israel, qaq so Manasés, qalaq pa'ata'ague na aloic.