Génesis 47:9 - La'aqtaqa Ñim Lo'onatac 'Enauacna 2013

⁹ Nache so Jacob 'enapeco': «Qomye mashe sevi' naua ciento treinta vi'iye da choche secoleetac. Qaq saq 'amaqta'q qataq qauema soua vi'iye maye sootaiguilo, qaq saxanaxa da sevi' soua vi'iye maye ivi' co'ollaxa da nachaalataxac som hua'au ita'alpi.»

Génesis 47:9 Referans Kwoze

Salmos 39:12

«'Am Nataxala', ñaq 'aua'axaỹa da ñatamnaxac, ñaq 'auqoche'eguet da iỹaxanaxac, saishet da sa 'aua'axaỹa da ñenoinaxac cha'aye 'eeta'am 'anqa'en aỹem ca ỹaqa'a ca chegaqa'ague, sheeta'am ca qoỹo maye chochaq queta, sheeta'am co'ollaxa som sachegoxoguetpi.

Génesis 35:28

Qaq so Isaac mashe ivi' soua ciento ochenta vi'iye da nachaalataxac co'ollaq ileu.

Salmos 39:5

Cha'aye ỹataqta saqaỹauec da ñachaalataxac maye aỹem 'aỹa'anem, ỹoqo'oye ỹataqta qaica ca naigui da ñachaalataxac da 'am hueto'ot. Cha'aye ye loga't 'enauac na shiỹaxauapi 'eeta'am da 'oonolec qanaue'c naua na'a'che.

Da na'aqtaguec so Job 14:1

Ca shiỹaxaua ñiguiñi chegaqaigui aca 'alo, camaye da nachaalataxac sa qaỹa'ague qataq qalota na nque'eenaxacpi.

Josué 24:29

Qaq so mashe lcopata'ague de'era, nache ileu so Josué, som llalec so Nun, maye lamaxashec Ñim Nataxala'. Co'ollaq mashe ivi' soua ciento diez vi'iye da nachaalataxac.

Deuteronómio 34:7

Qaq so Moisés, ivi' ciento veinte vi'iye da nachaalataxac co'ollaq ileu, qaq somaye ñaq nauaachiguiñi qataq nalota't da la'añaxac.

Éxodo 7:7

Qaq so Moisés mashe ivi' soua ochenta vi'iye da nachaalataxac, qaq so Aarón mashe ivi' soua ochenta y tres vi'iye da nachaalataxac, co'ollaq detaxairapegue' so faraón.

Éxodo 6:4

Nataqa'en ñaỹamaxateto co'ollaxa soomaye da sanema ye 'alhua Canaán yem 'alhua maye huo'o so na'a'q da netalec somayepi, 'eeta'am ca shiỹaxaua ỹaqa'a ca chegoqta'ague.

Génesis 50:26

Qaq so José mashe ivi' soua ciento diez vi'iye da nachaalataxac co'ollaq ileu huaña ye Egipto. Ime, nache qaicoyigui da lo'ocỹaxac so lata' da yaqto' saishet da nlaguiñi da lo'ocỹaxac. Ime, nache qaỹachagui aso laỹe' na saqca.

1 Pedro 2:11

Qami' ñauochaxau' ỹaqaỹarolqa maye sa'amaqtenaqtac So Cristo, qami' qoñiita'am ca chegaqauec maye cara'acolec da hueta'a ana 'alhua. Saisheto' da qoquiitalec da maiche qaralamaxache qarqopitaxanaqtaiqui, cha'aye da qauo'oche damaye, nache qami' iqataqche't.

Santiago 4:14

¿Ta'ainco' da nache 'eetec da qartaxaỹaxaqui ye saq qauaỹaañi ca huaigui ca lỹa na'a'q? Cha'aye da qanachaalataxaqui 'eeta'am na sheue: da cara'acolec huo'o, qaỹata'ague qataq qaica.

Salmos 119:54

Qalaxaye naua 'arqataxaco nachenaua nam so'oota'ape, ne'ena 'alhua maye choche sachegaqauec da soota'a.

Salmos 119:19

Cha'aye aỹem sachegaqauec da soota'a ne'ena 'alhua, qaq saishet qome da aỹem 'oxocheesopa naua 'aramaxasoxonaxaco.

Génesis 47:28

Qaq so Jacob ivi' co'ollaxa soua diecisiete vi'iye da netaña ye Egipto, qaq da ima'a't soua vi'iye da nachaalataxac, nache ivi' soua ciento cuarenta y siete vi'iye.

Génesis 11:11

Qaq co'ollaq ime de'era, nache so Sem, qaltaq queuoiguilo soua quinientos vi'iye da nachaalataxac, nache huo'o so dalaxaic llalaqpi, ỹalleppi qataq 'alpi.

Hebreos 13:14

Cha'aye ana souaqtalec 'alhua qaica ca qarma' da chochaq tatec, nachaqrata da seuataqta'aguet ca qarma' maye naỹa'acna.

1 Crónicas 29:15

Cha'aye da 'am souaqto'ot, nache shenaqta'am cam chegaqauecpi da sa qaỹaloq da jec, 'eeta'am som hua'au qarta'alpi, qataq da qanachaalataxac da souaqtalec ana 'alhua, 'eeta'am ca lpaqal maye saq 'eetai'.

Génesis 5:27

Qaq da ima'a't soua vi'iye da nachaalataxac somaye, nache ivi' soua novecientos sesenta y nueve vi'iye. Qaq huaña, nache ileu.

2 Corintios 5:6

Qaq ỹoqo'oye, iuen da nache 'eetai' qome da samaqchiguiñi. Cha'aye saỹatenaq da ñaq souaqtaigui de'era qaro'ocỹaxac, nache shenaqta'am ca qaỹoqta ca neta'ague, qomi' qaỹoqtalo So Qarataxala'.

Génesis 47:8

Nache so faraón inat so Jacob, 'eeta': «¿Chaq lcate' vi'iye da 'anachaalataxac?»

Salmos 39:13

A'aye qome da 'arayeloxo da aỹem 'aulotagui, yaqto' cara'acolec da ñañaxaayishegue'm naua ỹa'a'che, llaxatemallaxa da ñaq saxanaxa da seleu.»