Génesis 47:4 - La'aqtaqa Ñim Lo'onatac 'Enauacna 2013

⁴ Qaq qomi' ñanaguenaq da sauoqtaique da sonaqaña ne'ena 'alhua, cha'aye ye 'alhua Canaán ỹataqta qalota na nqouaxa, qataq qaica ca 'auaqpi da aloq ana qarelo qaguetapi. Qaq ña qomi' 'anqouagueque 'am nta'a, da qomi' 'auasheetema da sonaqaña ye 'alhua maye huaigui ye Gosén.»

Génesis 47:4 Referans Kwoze

Génesis 46:34

nache qami' qaua'aqtaxañim qome qoñiita: qomi' dam sachegoxosoqta'ague qalaq nache 'eetai' da seloqtague' ana qaguetapi, shenaqta'am so hua'au qarta'alpi. Qaq qoñeetec qome de'era, yaqto' ishet da qoñiỹalec na 'alhua Gosén, cha'aye na Egipto le'ecpi deqaiga da lauoreua nam ilotague' ana qaguetapi.»

Deuteronómio 26:5

Nache hua'aqchigui 'anqa'en Ñim Nataxala' maye 'Anatamnaxala', da 'anasaxauec ca 'ara'aqtac, 'eeta': So hua'au ita'alpi chegoxoguet na arameopi maye choche queuoxoicpi co'ollaxa, qataq saq 'amaqtaqpiolec co'ollaq ivita ye Egipto. Huaña nache naña co'ollaxa yemaye, nache ivitta'a da 'añaxaicpi qataq ỹataqta qalota.

Génesis 15:13

Qaq huaña nache Ñim Nataxala' 'enapega somaye, 'eeta': «'Am 'auaỹateeta da ca 'aỹa'alaqpi hueta'a qome ca ỹaqa'a 'alhua, qaq huaña qome nache choche nlatacpi, qataq ivittrec qome caua cuatrocientos vi'iye da sa qaỹaỹamaxatapec camayepi.

Génesis 43:1

Qaq som nqouaxa ỹataqta nquictauec co'ollaxa yi'iye 'alhua Canaán.

Hechos 7:11

Qaq co'ollaq qaỹata'ague, nache anac so nqouaxa, nache ỹataqta qalota da nachoxoyec ye 'alhua Egipto qataq ye 'alhua Canaán. Nache som qarta'alpi qaica ca aloq qataq qaica ca ỹachegoxota'ague da desheenaxanaique.

Salmos 105:23

Huaña nache so Jacob maye nataqa'en le'enaxat da Israel taỹa co'ollaxa ye Egipto, qaq somaye chegaqauec co'ollaq netaña ye 'alhua ye Cam.

Hechos 7:6

Ñim Lo'onatac 'Enauacna nataqa'en 'enapego' somaye da ca llalaqpi qome taỹa'a da netalec ca ỹaqa'a 'alhua, 'eeta'am ca ỹaqa'a ca chegaqa'ague, nache choche nlatacpi qataq ỹataqta huo'o da ne'enaguec, choche ivittraue'c caua cuatrocientos vi'iye.

Isaías 52:4

Soua hua'au' vi'iye, nam ỹalamaxat nhuo' le'ecpi taỹa co'ollaxa ye Egipto, nache namayepi 'eeta'am ca chegaqauec co'ollaq hueta'a yemaye, qaq ime co'ollaxa nache na Asiria le'ecpi sa iyacnapec namayepi na'aictaxa da qaica ca ỹasouaxat.

Génesis 12:10

Qaq se'eso na'a'q, huo'o co'ollaxa so lta'araic nqouaxa 'enauac yi'iye 'alhua. Nache so Abram jec, nqo'ona ye Egipto da cara'acolec da naña, cha'aye qaica ca qanallec yem 'alhua maye netaña co'ollaxa.

Génesis 47:5

Qaq huaña nache so faraón 'enapega so José, 'eeta': «Ca 'arta'a qataq ca 'arqaỹañecpi anac da 'am naỹa da yaqto' 'am lauoreua.

Génesis 45:10

Nache qonalec qome yem 'alhua le'enaxat Gosén, 'arỹateuo na 'aỹa'alaqpi, 'arhualpi, qataq na 'ana'atetpi, qataq 'enauac nam 'aralamaxatpi. Qaq yaqto' sa qaỹapeque 'anqa'en aỹem.