Génesis 47:30 - La'aqtaqa Ñim Lo'onatac 'Enauacna 2013

³⁰ Qom ivita da ñematec da yaqto' salegoigui so hua'au ita'alpi, nache aỹem 'anqateeguesop qome na Egipto, nache aỹem 'aulayiña yem huaña aye nhuachiquipi yemayepi.» Nache so José ỹasat, 'eeta': «Aja', so'ot qome dam 'ara'aqtac.»

Génesis 47:30 Referans Kwoze

Génesis 25:9

Nache soua llalqa Isaac qataq Ismael, ỹacheraigui so auac maye huachiqui, som naña ye Macpela, maye pa'aigue da nala' lliguisheguem ye na'alhua so Mamre maye huaigui yem na'alhua so Efrón, som llalec so Sojar maye hitiita.

Génesis 23:19

Qaq co'ollaq ime de'era, nache so Abraham ilayiñi aso lhua Sara, ỹachaigui so auac maye naña ye 'alhua Macpela, maye pa'aỹa'ague da nala' lliguisheguem ye lma' so Mamre. Qaq yemaye, nataqa'en qaỹaỹaten da le'enaxat lỹa da Hebrón, maye huaigui ye 'alhua Canaán.

Nehemías 2:5

Nache sasateguet se'eso nta'a, sheeta': 'Am nta'a, maye aỹem 'aramaxashec, da 'auaỹamaxareeta qataq da aỹem 'anqouaguec, nache aỹem 'auamaxa qome ye Judá, yem huaqta'a't nỹecpi maye nlattraña yeua ita'al da yaqto' qaltaq ño'oxoosheguem.

Nehemías 2:3

Nache sasateguet se'eso nta'a, sheeta': ¡Ỹataqta nache 'eetai' qome da 'anca'altauec 'am nta'a! Ta'ainco' ctaxa da qaica ca ỹaquicoxo ye ỹataqta nlachiguiñi ye sachegoqchiguiña huaqta'a't nỹecpi maye nlattraña yeua ita'al, qataq so lasompi ỹataqta ỹavicta naqa'en so norec.

1 Reyes 13:22

nacherata da 'añe'eguelaq, da yaqto' qollec ana nauole qataq 'anỹomgui na 'etaxat, huaña nam saishet da 'am ỹashenem Ñim Nataxala'. Qaq ỹoqo'oye de'era 'aro'ocỹaxac saishet qome da taigui qanqa'en aca nhuachiqui so hua'au 'arta'alpi.»

2 Samuel 19:37

Qaq nacherata da 'am ñachoxonnot da aỹem 'auasheeta qome da she'eguelaxa ye ima', yaqto' da seleu, nache huaña yemaye da aỹem qailaroigui añi nhuachiqui yeua ita'al. Qalaxaye 'am nta'a, 'am ño'onaxato'ot qome da ỹalec Quimán da yaqto' 'am ca'ategue, qaq damaye maicheye cam 'aỹa'anem da lo'onataxanaxac 'anqa'en.

Génesis 50:25

Ime, nache so José 'enapega so llalaqpi so Israel da ỹan da la'aqtac, da yaqto' ipactelec, nache 'enapega, 'eeta': «Ỹoqta 'eesa qome da anac Ñim Lo'onatac 'Enauacna da qami' itaua'n. Qaq qom ipacchigui damaye nache qami' qauache' qome naua ipi'ineqa.»

Génesis 15:15

Qaq 'am, qalaxaye huo'o da 'arlagaxayec qom 'aualegoigui som hua'au 'arta'alpi, qataq 'avira'a qome da ỹataqta 'am ỹa'axaiquiolec qom 'am qailareñi.

Génesis 23:17

Qaq 'era da 'eetec so na'alhua so Efrón, som huaña ye Macpela, maye pa'aigue da nala' lliguisheguem ye na'alhua so Mamre. Qaq damaye naigui, da so 'alhua qataq so auac, qataq 'enauac aso qo'oipaqpi maye netaigui se'eso 'alhua,

Génesis 25:10

Qaq se'eso 'alhua lalamaxat co'ollaxa so hitiitapi, qalaxaye desheenaxana co'ollaxa so Abraham. Qaq nacheso som qailareña so Abraham, huaqta'ai' qanqa'en aso lhua Sara.

Génesis 35:29

Nache jec da ỹalegoigui so hua'au lta'alpi, qaq mashe ỹataqta ỹa'axaiquiolec co'ollaq ileu. Qaq soua llalqa Esaú qataq so Jacob, ilalyiñi co'ollaxa somaye.

Deuteronómio 31:16

Nache Ñim Nataxala', 'enapega co'ollaxa so Moisés, 'eeta': «'Am, mashe sa saqaỹaloq da 'aleu, nache 'aualegoigui qome so hua'au 'arta'alpi. Qaq ne'ena nhuo' le'ecpi saqaỹaloq qome da Aỹem ca'ai da nquisheshigui da la'amqaanataxanaxac, cha'aye ca'ata qome na natamnaxala'pi na lma' yi'iye 'alhua maye nalec qome. Huaña nache aỹem ca'ai qataq ỹalat da ñaỹamaxataxac maye so'otec co'ollaxa namayepi.

2 Samuel 2:32

Qaq so nalleppi so Joab, ỹacoosop co'ollaxa so Asael, nache ira'a ye Belén da ilaroigui aso nhuachiqui so lta'a, qaq somayepi palom co'ollaxa da queta petañi. Qaq so mashe yaqta'a da yo'oxoñi, nache ivita ye Hebrón.