Biblia Todo Logo
Bib sou entènèt

- Piblisite -




Génesis 47:29 - La'aqtaqa Ñim Lo'onatac 'Enauacna 2013

29 Qaq huo'o so na'a'q, nache so Israel nomteguet da mashe sa qaỹaloq da ileu. Nache damaxasoxoneua'a so llalec José da yaqto' 'enapega, 'eeta': «Da ỹoqta 'eesa da aỹem 'anqouaguec, nache 'auacho'ot na 'arhuaq na itele'eta, nache 'aỹa'an ca 'ara'aqtac da 'aupacchigui qome dam seỹaxaneua'a. ¡Aỹem 'anqouaguec qome, saishet da aỹem 'aulayiña na Egipto!

Gade chapit la Kopi




Génesis 47:29
28 Referans Kwoze  

Qaq ime, nache Ñim Nataxala' 'enapega so Moisés, 'eeta': «'Am, mashe saqaỹapeque ye laloqo' da 'aleu, qaq ỹoqo'oye 'aỹaxana qome so Josué, nache qanqo'oñiiua'a qome ñi npe'l maye huaña naxa da aỹem qanauane', yaqto' qami' sanema ca iqataxac.» Nache so Moisés qataq so Josué tareua'a co'ollaxa so npe'l maye huaña naxa da qanauane' Ñim Nataxala',


Qaq ỹoqo'oye nagui, ishet da aỹem qaua'aqtaxañim da qauchoxoyiñi, qataq da qami' 'eesora da qauchoxoyiñi ñi ña'aco'. Qaq da saishet, nache aỹem qaua'aqtaxañim nataqa'en, yaqto' aỹem saỹaten negue't cam so'ot.»


Qaq huo'o so na'a'q, nache iỹaxaneuga so ỹataqta ỹa'axaiquiolec som lamaxashecpi, som ilotague' 'enauac so lalamaxatpi somaye, nache 'enapega, 'eeta': «'Auacho'ot na 'arhuaq na itele'eta,


Qaq so David co'ollaq mashe nayeetega da l-leuaxa, nache ỹanem so lqataxacpi so llalec Salomón, 'eeta':


So José nataqa'en huo'o da lpi'iỹaxac Ñim Lo'onatac 'Enauacna, qaq ỹoqo'oye co'ollaq mashe nayeeta'a da ileu, nache ỹa'axata'a da so Israel le'ecpi taỹa'a da huesochiguiñi qataq ca'ai ye 'alhua Egipto qataq somaye ỹan da la'aqtac, da yaqto' saishet qome da qano'onaxatrañi soua lpi'ineqa.


'Enauac da shenaqta 'oonolec da seleuaq, ime, nache nvi' ca nmitaguec 'enauacna.


Cha'aye ¿negue't ca huo'o da lca'alaxa, nache sa ileu? qataq ¿negue't ca ishet da dataueeguesop da la'añaxac añi huachiqui?


da yaqto' nache 'eetai' da nca'altauec, qataq da nca'aleeguesop da nleuaxa.


namayepi saishet da nca'alaxatec ca lỹa, qataq saishet da isheeten Ñim Lo'onatac 'Enauacna da yaqto' nca'alec camaye.


Cha'aye ca mashe ileu qalaq saishet da 'am iuennatega, qataq ca mashe huetangui aca huachiqui saishet da 'am ỹo'oxoreetac.


Qaq aỹem saỹateeta da 'anshetaique da aỹem 'auasaxangui aca huachiqui, añim loga't 'enauac na huo'o da lca'alaxa.


Qaq da ileu ca shiỹaxaua, ¿peta'a ishet da qaltaq nca'alec? Ỹoqo'oye 'enauaque naua na'axa'te, de'era ñachaalataxac da seuataxaatac, nache ivitta'a ca na'a'q da aỹem qaisouec.


Da nachaalataxac ca shiỹaxaua da huetalec ana 'alhua, qalaq ỹataqta lta'araic da nque'eenaxac, 'eeta'ama naua na'axa'te ca 'onataxanaxaic.


Qaq 'eesa da 'enauac qomi' seleuaq qome, shenaqta'am ca 'etaxat da huecorelec na 'alhua, nache saishet da qaltaq qalaỹona't. Qalaxaye Ñim Nataxala' saishet da huo'o ca nqat da nachaalataxac, nacherata da ỹauo'o ca lataxac da yaqto' ca ỹaqa'a ca hueta'ague ishet da 'am ñe'eguelaxa.


Qaq qom ivita da 'aleu, nache de'era 'aro'onataxanaxac talec ñaqa'en qome ca 'oonolec na 'aỹa'alaqpi da yaqto' ilo'ogue de'era no'onataxanaxac da nta'a.


Nache so Jacob 'enapeco': «Qomye mashe sevi' naua ciento treinta vi'iye da choche secoleetac. Qaq saq 'amaqta'q qataq qauema soua vi'iye maye sootaiguilo, qaq saxanaxa da sevi' soua vi'iye maye ivi' co'ollaxa da nachaalataxac som hua'au ita'alpi.»


Qataq ỹataqta 'anchelchaqchiguiñi qome da 'auo'onataxaatac, da yaqto' 'auachiguiñi ca qollec, choche ivitta'a da 'avi'eguelaxaigui ana 'alhua, maye 'auachegaqaigui co'ollaq 'am qaỹo'ot, cha'aye 'am 'alhua lsoche, qaq nam 'alhua lsoche 'apactoigui qome.»


Nache so Isaac, 'enapeco': «'Am mashe 'aumeteetac da aỹem mashe aỹem ỹa'axaiquiolec, qaq huo'o ca na'a'q nache aỹem seleu.


cha'aye co'ollaq yaqta'a da ileu ye ita'a, nache aỹem 'enapega da san da ỹa'aqtac, da yaqto' sepacchigui da selayiña aca nhuachiqui maye sogote da ỹaqataxanai' co'ollaxa maye naña ye 'alhua Canaán. Qaq nagui qami' seỹaxanoto da ishet da aỹem qanqouaquic da ashec da selayiñi ye ita'a. Qaq qom ime, qaq ñe'eguelaq.»


Qataq 'enapeco': Cha'aye ỹoqta 'eesa da Ñim Nataxala' nca'altauec, qaq nacheñi qome ñi ique'emaqchet yemaye, qom ivita ca laloqo', huo'otaq qom huaigui ca loquiaxac nache ileu.


Qaq so nalleppi so Joab, ỹacoosop co'ollaxa so Asael, nache ira'a ye Belén da ilaroigui aso nhuachiqui so lta'a, qaq somayepi palom co'ollaxa da queta petañi. Qaq so mashe yaqta'a da yo'oxoñi, nache ivita ye Hebrón.


Qaq ime, nache 'enapega so José, 'eeta': «Aỹem mashe saqaỹaloq da seleu, qalaxaye Ñim Lo'onatac 'Enauacna qami' hueta'agueta qome, qataq ỹo'ot qome da qavi'iguelaqỹa yem na'alhua som hua'au qarta'ailpi.


Qaq soua llalqa so Jacob ỹataqta ipactelec co'ollaxa 'enauac nam lquiquiaxacpi so lta'a.


Nache Ñim Nataxala', 'enapega co'ollaxa so Moisés, 'eeta': «'Am, mashe sa saqaỹaloq da 'aleu, nache 'aualegoigui qome so hua'au 'arta'alpi. Qaq ne'ena nhuo' le'ecpi saqaỹaloq qome da Aỹem ca'ai da nquisheshigui da la'amqaanataxanaxac, cha'aye ca'ata qome na natamnaxala'pi na lma' yi'iye 'alhua maye nalec qome. Huaña nache aỹem ca'ai qataq ỹalat da ñaỹamaxataxac maye so'otec co'ollaxa namayepi.


Nache soua nmeenaxanaxanaqa 'ena'apo': «Qomi' sanaq qome da qanachaalataxac da yaqto' saishet da qami' qaỹalaua't, qalaxaye 'am saishet qome da 'aua'axatec de'era qara'aqtac. Nache Ñim Nataxala' qom qomi' ỹanema ne'ena 'alhua, nache ỹataqta qami' sechoxorena'q qataq qami' saỹamaxataqte'.»


Qaq aỹem mashe yaqta'a da seleu, qalaxaye aỹem sauotaique da ỹataqta 'enauac da qarquiyaqteỹaxaqui, qataq da qanachaalataxaqui da qauaỹachiñiita da Ñim Nataxala' maye Qanatamnaxala', ỹataqta ipacchigui qome da ỹo'ot 'enauac ne'ena no'on ỹachaxanapecpi co'ollaxa. Nache ỹataqta saishet da huo'otaq 'oonolec ca sa ipaguelec da ỹo'ot ne'ena ỹachaxanapecpi.


Swiv nou:

Piblisite


Piblisite