Génesis 47:27 - La'aqtaqa Ñim Lo'onatac 'Enauacna 2013

²⁷ Qaq so Israel le'ecpi nache naña co'ollaxa ye 'alhua Egipto, nache nalec da ỹauo'o lalamaxat ye 'alhua Gosén. Qaq huaña yemaye, nache ỹataqta qalotoigui somayepi.

Génesis 47:27 Referans Kwoze

Génesis 46:3

Nache Ñim Lo'onatac 'Enauacna 'enapeco': «Aỹem Nachaỹem Ỹo'onatac 'Enauacna maye Natamnaxala' so 'arta'a. Saishet qome da 'añi'i da 'anqo'ona ye Egipto, cha'aye huaña qome yemaye, nache so'ot da ca 'am chegoxoguetpi ỹataqta qalota qome.

Éxodo 1:7

qalaxaye so Israel le'ecpi huo'o da lco'oxoc qataq mashe qalota na llalaqpi, nache nquictauec ye lcata ivitta'a da ỹataqta 'añaxaicpi. Nache yi'iye 'alhua ỹataqta nlaqtelec somayepi co'ollaxa.

Hechos 7:17

Qaq co'ollaq mashe yaqta'a da ivita so laloqo' da ipacchigui dam ỹachaxanapec Ñim Lo'onatac 'Enauacna co'ollaq ỹanem da la'aqtac so Abraham, nache nam Israel le'ecpi maye netaña ye 'alhua Egipto ỹataqta nquictauec ye lcata.

Salmos 107:38

Ñimaye ỹanem da lchoxonnataxanaxa nache nquictauec namayepi, qataq nquictauec naqa'en ye lcata na na'atetpi.

Zacarías 10:8

Aỹem seỹaxanegue qome namayepi, qataq llaỹona't, cha'aye ñeca'alaxatec namayepi. Nache ỹe'eguelaxa qome da ỹataqta qalota, 'eeta'am so hua'au' vi'iye.

Salmos 105:24

Nache Ñim Nataxala' ỹo'ot da nquictauec ye lcata som lalamaxat lauo' le'ecpi somaye, qataq napacalec naqa'en da la'añaxac so mpa'aguenaxauapi,

Deuteronómio 26:5

Nache hua'aqchigui 'anqa'en Ñim Nataxala' maye 'Anatamnaxala', da 'anasaxauec ca 'ara'aqtac, 'eeta': So hua'au ita'alpi chegoxoguet na arameopi maye choche queuoxoicpi co'ollaxa, qataq saq 'amaqtaqpiolec co'ollaq ivita ye Egipto. Huaña nache naña co'ollaxa yemaye, nache ivitta'a da 'añaxaicpi qataq ỹataqta qalota.

Génesis 26:4

Qaq so'ot qome da ỹataqta qalota, ca 'am chegoxoguetpi, 'eeta'am ana huaqaañipi maye neto'ot na piguem, qataq sanem qome camayepi, 'enauac ne'ena 'alhua. Qaq nataqa'en nam ỹotta'a't shiỹaxauapi maye netalec ana 'alhua, huo'o qome da nchoxonnataguec, chegoqchigui cam 'am chegoxoguetpi,

Nehemías 9:23

Qataq 'aỹa'anem da ỹataqta qalota so llalaqpi somayepi, 'eeta'am ana huaqaañipi maye neto'ot na piguem, qataq 'aunoxonaqcheteua'a ye 'alhua maye 'auachaxanapeguem co'ollaxa da 'aỹa'anem so hua'au lta'alpi.

Deuteronómio 10:22

Qaq so hua'au qarta'ailpi co'ollaq nvita ye Egipto, nache somayepi ivi' setenta ye lcata, qaq nagui Ñim Nataxala' ỹataqta nquicapeguec naqa'en ye lcata namayepi, 'eeta'am ana huaqaañipi maye neto'ot na piguem.

Éxodo 1:12

Qalaxaye co'ollaq ỹapac da sa qaỹauo'o ca nyacnataguec somayepi, nache nataqa'en lamaaxa nquictauec na llalec da ỹataqta qalota. Nache so Egipto le'ecpi ỹataqta huo'o da lcolanaxa, ñi'iỹa somayepi.

Génesis 28:14

Camayepi ỹataqta qalota qome, ivitta'a da 'eeta'am na lsoche na 'alhua, qataq nquictauec qome nache ivira'ague da pa'aigue da sheu', qataq da taguiñi, qataq da nala' lliguisheguem, qataq da nala' lliguiñi, qaq 'enauac qome ca nhuo' le'ecpi ana 'alhua, huo'o qome da nchoxonnataguec chegoqchigui 'am, qataq ca 'am chegoxoguetpi.

Génesis 17:6

Aỹem so'ot qome da ỹataqta qalota ca 'am chegoxoguetpi, qataq nache 'am chegoqchigui ca nta'alpi, qataq ca ỹotta'a't shiỹaxauapi.

Génesis 13:16

Aỹem so'ot qome da ỹataqta qalota camayepi, 'eeta'am na lsoche na 'alhua. Qaq da 'eetec da saishet da qanaloqten na lsoche na 'alhua, qaq nache 'eetec qome da saishet da qanaloqten ca 'am chegoxoguetpi.

Génesis 8:9

qalaxaye so qoto' ỹe'eguelaxaua'a co'ollaxa aso notaxaqui, cha'aye saishet da ỹanata ca huaña da nmatec, cha'aye ana 'alhua ñaq nlaqtelec co'ollaxa na 'etaxat, nache so Noé, ỹauota'a na lhuaq da ỹaconeuga so qoto', nache inoxonaqchetoigui aso notaxaqui.

Génesis 8:7

qaq huaña nache ỹachaxanec so teguesan, qalaxaye so teguesan coleetac co'ollaxa da huaỹotac, iuatta'a da deqaqa ana 'alhua.

Génesis 34:10

Qaq yaqto' ishet da qomi' qoñiỹaiguilo, qataq na 'alhua maiche qo'oicquiñiitac da qoñiỹalec, qauo'oche ca qanmenaxaqui qataq qausheenaxañiỹa ca qana'alhuai.»

Génesis 35:11

nache 'enapega 'eeta': «Aỹem nachaỹem So'otapecna maye Qaica ca Seqalanapec, qaq ỹataqta qalota qome ca 'aỹa'alaqpi qataq ca 'am chegoxoguetpi. Qaq nache 'am chegoqchigui qome ca ỹotta'a't shiỹaxauapi, qataq ca qalota nhuo' le'ecpi, qataq cam 'am chegoxoguetpi huo'o qome ca nta'alpi.

Génesis 47:11

Nache so José ỹanem somayepi som ỹataqta no'on 'alhua ye Egipto, da yaqto' nalec, nache ipacchigui da la'aqtac so faraón. Qaq 'era da 'eetec da so lta'a somaye, qataq so lqaỹañecpi da huo'o so na'alhua maye huaigui yem 'alhua Ramesés.