Génesis 47:26 - La'aqtaqa Ñim Lo'onatac 'Enauacna 2013

²⁶ Qaq so José nache lapaxañi co'ollaxa de'era nqataxac da 'enauac ye 'alhua Egipto, da ivita da qanqat na ala na nañiguishec, nache qanqateua'a ca 'oonolec caua cinco napoñigui'she da qoỹanem so faraón. Qaq de'era lapaxañi nqataxac ivitta'a nagui da ñaq huetalec ye 'alhua Egipto, qalaxaye na ntaxaỹaxanaxanecpi saiuen da huo'o aca isheeten, cha'aye na na'alhuapi saishet co'ollaxa da ivita da lalamaxat so faraón.

Génesis 47:26 Referans Kwoze

Génesis 47:22

Qaq chaqsota so 'alhuapi maye lalamaxat so ltaxaỹaxanaxanecpi da saishet da desheenaxana so José, cha'aye so faraón ỹaata'am naxa na trigo. Qaq ỹoqo'oye somayepi saishet da imen so na'alhuapi, cha'aye chectac nam nallec maye chegoqtacot so faraón.

Ezequiel 7:24

Cha'aye Aỹem so'ot qome da anac ca shiỹaxauapi qauemaicpi, nache mpaxaalec da ỹacona na nma'pi ne'ena huaqta'a't nỹecpi. Qaq nache tachiguiña ñaqa'en qome da ño'oxonnaxac na 'añaxaicpi, qataq so'ot qome da qanshepaxanaqchet nam natamnaqa'pi namayepi.

Génesis 47:25

Nache somayepi 'enapeco': «'Am ỹataqta qomi' 'auchoxore'n, ỹoqo'oye qomi' 'anca'alaxatrec. ¡Qaq nagui nache qomi' l-lataqa qome ñi faraón!»

Génesis 14:20

qataq qaỹo'oxoren qome Ñim Lo'onatac 'Enauacna, maye Nataỹaña 'enauacna ñim 'am ỹanem co'ollaxa da 'oxonec so 'ampa'aguenaxauapi.» Qaq huaña nache so Abram, ỹanem so Melquisedec, añi 'oonole ana diez 'enauac som lhuotaxanaxatpi.

Génesis 28:22

Qaq ne'ena coma' maye ñachaalataxañi, nachena qome na lma' Ñim Lo'onatac 'Enauacna. Qaq 'Am Atamnaxala', nache 'eetai' qome da 'am saata'am, aca ñediezmo maye chegaqaigui 'enauac cam aỹem 'aỹa'anem.»

Génesis 41:34

Qataq 'auauo'o qome ca 'artauapi da ilo'ogue 'anqa'en 'enauaque naua 'aleu' da yaqto' laỹona't, ỹacootaua'a caua cinco nam ỹotta'a't ala na nañiguishec na 'alhua Egipto, ivitta'a da inoxoorec caua siete vi'iye maye huaiguilo da qaica ca qaiuen.

Levítico 27:30

Qaq aca diezmo maye chegaqaigui ca nañiguishec, qataq aca ala aca qo'oipaq maye ishet da qanallec, acamaye qaiỹotauga, cha'aye lalamaqte Ñim Nataxala'.

Números 18:21

Qaq na leviitapi, sanem qome da lalamaqte ana diezmo maye Aỹem ỹanem na Israel le'ecpi, da nsheetenaqte ñaqa'en da lo'onataxanaxac souaxat da huetague' na no'onatacpi maye huaña ñi npe'l maye naỹonqa'.

Deuteronómio 14:22

Qaq ye 'oonolec vi'i nache huetoigui da qauỹochiỹauga qome aca diezmo maye chegaqaigui ana ala ca qorañiguishiqui.

Deuteronómio 26:12

Qaq da ivireuga ca vi'i tres maye laloxoqui da qoỹaneuo aca diezmo, nache da mashe 'auỹotauga 'enauac aca diezmopi maye chegaqaiguipi ana ala 'enauac ca 'añiguishecpi, qataq da mashe 'aỹa'anem na leviitapi, qataq ca chegaqauecpi, qataq ca saploqpi, qataq aca pa'aipi, da yaqto' ishet da deque'etac da netañalo naua qarma'achilli' ivitta'a da ỹataqta icoma',

Esdras 7:24

Nataqa'en samaxasoxoolec da 'enauac na ntaxaỹaxanaxanecpi, leviitapi, no'onaxanaxanecpi, lasom lo'opi, qataq ca ilotague' aca atamnaxaqui maye lalamaqte Ñim Lo'onatac 'Enauacna, saishet qome da desheetenaxaatac qanqa'en.