Génesis 47:23 - La'aqtaqa Ñim Lo'onatac 'Enauacna 2013

²³ Qaq ime co'ollaxa, nache so José 'enapega na shiỹaxauapi, 'eeta': «Nagui qami', qataq nam qana'alhuai lalamaxat ñi faraón, cha'aye aỹem sesheenaxana namaye da yaqto' lalamaxat ñimaye. Qaq nagui 'ana ana qa'añiguishe da yaqto' qaỹa'añiilec na 'alhua,

Génesis 47:23 Referans Kwoze

2 Corintios 9:10

Ñim Lo'onatac 'Enauacna, nacheñi ñi ỹan acam nañiguishe ala, yaqto' qoỹanoigui na 'alhua, qataq ca qanallec da yaqto' ỹa'añaqchet ca shiỹaxaua. Nataqa'en Ñimaye qami' ỹanema qome 'enauac ca qaviñiitaique, yaqto' ishet da qautauañi ca qarỹai.

Mateo 24:45

¿Negue't cam namaxashec maye ỹataqta ipaqueelec ca namaxasaguec qataq nlotec? Qomye nacheca cam ỹale maye ca na'aco' ipataxalec camaye, da yaqto' iquia'axaatac cam hueta'a ca lma' da ivita ye laloqo' da nquia'axac.

Isaías 55:10

Qataq 'eeta'am da 'eetec na auot qataq na 'aỹa da naañi chegaqasheguema na piguem, nache saishet da ỹe'eguelaq, nacherata da ỹapapiaxat ana 'alhua, nache ñaxachigui ana ala qataq ñaxatsheguem naqa'en, da yaqto' huo'o aca lañiguishe cam danaxaatac qataq huo'o ca aloq camaye.

Eclesiastés 11:6

Qaq 'aỹa'aañi aca ala aca 'añiguishe ye nte'eta qataq ye avit, cha'aye sa 'auaỹate'n caamaye negue't acam ỹoqta no'on da lañaxataxac, huo'otaq aso hua'auchiguiñi, huo'otaq aca nca'ataxanauo, huo'otaq 'enauaque caamaye da no'on da lañaxataxa'c.

Proverbios 13:23

Ca no'onaxa ca choxoraq qalaq saqoue na qanallec, qalaxaye qalota na daqat namaye souaxat da qaica ca nalochiguiñi da lataxac.

Proverbios 12:11

Ca do'onataxaatapeguelec ca na'alhua qalaq sa qoue na aloq, qaq ca imelec da lqueuoxoc qalaq huetague' na qaica ca naigui.

Proverbios 11:26

Qaq ca imattega't na ala na trigo, qalaq na shiỹaxauapi isheuen camaye, qaq ca imen namaye qalaq qaichoxoren.

Salmos 112:5

Ca shiỹaxaua soxoraic ỹataqta ichoxoren da huo'o ca ỹa'aalaxanaxan, qataq nalochiguiñi naqa'en da lataxac da imen ca lmenec.

Salmos 41:1

Ỹataqta machiguiñi qome ca lhuennataxat na choxoraq, cha'aye Ñim Nataxala' nca'alaxatec camaye, da ivita da huo'oi naua qauema na'axa'te.

Génesis 45:6

Qaq mashe inoxoorec soua dos vi'iye da huo'o na nqouaxa ne'ena 'alhua, qalaq saxanaqcaua caua cinco vi'iye cam huaiguilo qome da saishet da qanqat ca ala ca nañiguishec, na'aictoxo' da qoỹaañi ca nañiguishec.

Génesis 41:27

Qaq soua siete huaca maye nca'attrauo, som ỹataqta qauema qataq ỹapo'ote', soomaye nataqa'en naiguilo caua siete vi'iye. Qaq nache 'ena'ama soua siete ala na trigo maye daqaqte' qataq ỹavigaxatte' so la'at quenaquiaxaic, soomaye nataqa'en naiguilo caua siete vi'iye da ỹataqta lta'araic ca nqouaxa.

Génesis 47:22

Qaq chaqsota so 'alhuapi maye lalamaxat so ltaxaỹaxanaxanecpi da saishet da desheenaxana so José, cha'aye so faraón ỹaata'am naxa na trigo. Qaq ỹoqo'oye somayepi saishet da imen so na'alhuapi, cha'aye chectac nam nallec maye chegoqtacot so faraón.

Génesis 47:24

qalaxaye da ivita da qanqache na ala ca qa'añiguishiqui, nache iuen da qanqacheeua'a ca 'oonolec caua cinco qarapoñiguishequi da qaỹa'añim ñi faraón, qaq caua cuatro maye no'oirañi, qalaq taỹaigui da qaltaq qaỹa'añiilec na 'alhua, qataq yaqto' qolliquiitac, qataq na qaỹa'alquipi qataq 'enauac na qami' neto'oto.»