Génesis 47:2 - La'aqtaqa Ñim Lo'onatac 'Enauacna 2013

² Qaq ỹaconeua'alo co'ollaxa soua cinco lqaỹa't, nache ỹauegueua'alo so faraón da yaqto' ỹauatto'n.

Génesis 47:2 Referans Kwoze

Hechos 7:13

Qaq soomaye co'ollaq qaltaq ỹe'eguela'q, nache so José nchoxotalo soua lqaỹa't. Huaña, nache so lta'a nam netaña ye Egipto ỹauatton so lqaỹañecpi so José.

Judas 1:24

Ñim Lo'onatac 'Enauacna ishet da qami' ntela'alo da yaqto' saishet da qauo'oche ca qauem, qataq nataqa'en huo'o da la'añaxac da yaqto' qami' nachaalataxaneua'alo cam hueta'a maye qaica ca 'ena'am da llo'oxoyec. Qaq da qanachaacheua'a Ñimaye, qalaq qami' nlaqchiguilo da qantonaxaqui qataq qami' qui'itte', qaica ca qarshepaxanaqai, qoñiita'am ca nogoxot da dalaxaicolec.

Colosenses 1:28

Qaq qomi' nacheso So Cristo sa'axataqtac, qataq ỹataqta ñaỹaanaxanaqchenaq da seqataqtega 'enauac na shiỹaxauapi, qataq sapaxaguenaqtac 'enauac, da yaqto' ñi 'oonolec ivira'a da nalochiguiñi da lataxac, 'eeta'am So Cristo.

2 Corintios 4:14

Cha'aye saỹaanaqta Ñimaye da qom seleuaq, nache ỹoltaq qomi' nca'alaxatre'c, 'eeta'am naqa'en da 'eetec co'ollaxa So Jesús da qaltaq nca'alec naqa'en. Ime, qaq qomi' lỹatreuo naqa'en da senoxonaxaua'a ca netaña Ñimaye.

Génesis 46:33

Qaq qom qami' nỹaxaneugalo ñi faraón, nache da qami' ina't negue't cam qaro'onataxanaxaqui,