Génesis 47:17 - La'aqtaqa Ñim Lo'onatac 'Enauacna 2013

¹⁷ Nache so Egipto le'ecpi ỹauegueua'a so José so lalopi caipi, qaguetapi, huacapi qataq so 'ashenapi. Nache so José nmeneguet naqa'en somayepi na trigo, inoxootec se'eso vi'i.

Génesis 47:17 Referans Kwoze

Mateo 6:24

Qaica ca namaxashec da ishet da dos naqa'e'n caua na'aco'ye. Cha'aye ishet da ỹalaxaguet qataq ỹauotec ca 'oonolec, qaq ca lỹa qalaq saishet. Nache 'eetec nataqa'en da qoñiita da sa qauañoxoche da qauo'onataxañiỹot Ñim Lo'onatac 'Enauacna, nache nataqa'en qoquiito'ot da qauo'onataxañiitacot da nsallaxa.

Isaías 31:1

¡Qaq choxoraxaso' nam taỹa ye Egipto da nmitaique ca ntaunaguec, nam pe'etega na qalota caipi qataq naquittega ana qalota naigonapi, qataq nam qalota alleppi maye nalaataxala' na caipi, qalaxaye sa ỹamato'ot Ñim Qui'itta Natamnaxala' na Israel le'ecpi, qataq saishet da nmitaique Ñim Nataxala'!

Da na'aqtaguec so Job 2:4

Qalaxaye so Pa'aguenataxanaxaic, 'eeta': «Qomye da saxanaxa da qaipoteua'a da lo'ocỹaxac ñi 'oonolec, nache 'enauac qaica cara. Qataq qaica ca iteetega, cha'aye huotaique da nca'alaxatec da maiche nachaalataxac.

1 Reyes 10:28

Qaq so lalo caipi so Salomón, nache qaỹachegoxottega ye Egipto, cha'aye so lmenaxanaxanecpi so nta'a nache ỹachegoxottapiguiña yemaye da desheenaxana.

Éxodo 9:3

nache Ñim Nataxala' namaq qome da la'añaxac, talec naqa'en na 'ana'atetpi maye huetauga na no'onaxa, nache huo'o qome ca lapiina lta'araic. Nache ileu na caipi, 'ashenapi, nauanaxanaxapi, huacapi qataq ana qaguetapi›.

Génesis 47:16

Nache so José 'enapeco': «Da mashe qaca aca qo'omi, nache qanaviquiiuo ca qareloipi, nache nmeneguet qome ñaqa'en na trigo.»

Génesis 47:18

Qalaxaye co'ollaq inoxonec se'eso vi'i, qaq so lỹa vi'i nache somayepi qaltaq nqo'oneua'a so José da 'enapega, 'eeta': «Qomi' saishet da soxotaqtañi da mashe qaca aso qorom. Qataq som qana'atetpi mashe 'aralamaxatpi. Qaq qaica ca lỹa da 'am sanaxam, chaqnata nam qana'alhuapi qataq da qaro'ocỹaxac.