Génesis 47:15 - La'aqtaqa Ñim Lo'onatac 'Enauacna 2013

¹⁵ Qaq co'ollaq mashe imeuo aso anom ye Egipto qataq ye Canaán, nache na Egipto le'ecpi nqo'oneua'a co'ollaxa so José da 'enapega, 'eeta': «¡Ña qomi' 'aỹa'anemactaxa ca qonoq! Cha'aye sa ỹaỹamaxañi da qomi' 'aua'aqta'alo da qomi' ỹalaua't na qarqouaxa, souaxat da mashe qaca aca qorom.»

Génesis 47:15 Referans Kwoze

Mateo 6:11

Ñaq qomi' 'aỹa'anema na na'a'q cam sacheguenaq maye seuenaqtac.

Salmos 37:3

Ỹataqta 'aupi'iỹa'a Ñim Nataxala' qataq 'auo'ot ca ỹaỹamaqchiguiñi, yaqto' nache qonetai' da qonetalec ana 'alhua qataq qoquetegue Ñimaye.

1 Samuel 25:8

Qalaxaye 'aunat qome na 'aramaxashecpi, nache 'am da'aqtaxaatem qome de'era, qaq ỹoqo'oye ỹataqta lta'araic qome da ña'achecỹaxac da 'auaỹamaxatte' da 'aulo'ogueta ne'enaua ỹamaxa'she, cha'aye no'on da lviraxa'c ne'ena na'a'q. Qaq 'am ñachoxoreetot da 'aỹa'anema qome naamaye, qataq nam 'aramaxashec David cam 'am hueto'ot, cha'aye 'eeta'am da aỹem 'aỹa'alec.

1 Samuel 21:3

Qaq nagui ¿negue't cam 'am hueto'ot? Ñaq aỹem 'aỹa'anema taxa caua cinco nauole 'ayiiña, huo'otaq camachaqca lỹa nallec.»

Jueces 8:8

Qaq nache chegoqchiguiña yemaye da nqo'ona ye Peniel, huaña nache 'eeta'am da la'aqtac co'ollaq iỹaxanot na lma' ye Sucot. Qalaxaye so lma' ye Peniel nataqa'en 'eeta'am da la'aqtac co'ollaxa so lma' ye Sucot.

Jueces 8:5

nache so Gedeón co'ollaq ivita ye Sucot, nache 'enapega som shiỹaxauapi maye lma' yemaye, 'eeta': «Ñaq aỹem qanqouaquiic da qaỹa'añim ca nallec na ñenaictague'pi da yaqto' deque'e, cha'aye namayepi ỹataqta sa nasamñi. Cha'aye qomi' secanaqta'ape caua Zebaj qataq Zalmuná, maye lta'al na madianiitapi.»

Génesis 47:24

qalaxaye da ivita da qanqache na ala ca qa'añiguishiqui, nache iuen da qanqacheeua'a ca 'oonolec caua cinco qarapoñiguishequi da qaỹa'añim ñi faraón, qaq caua cuatro maye no'oirañi, qalaq taỹaigui da qaltaq qaỹa'añiilec na 'alhua, qataq yaqto' qolliquiitac, qataq na qaỹa'alquipi qataq 'enauac na qami' neto'oto.»

Isaías 33:16

qaq nacheca qome ca qaica ca ndaqtaique, qataq lle'eguenaqa' qome cam lo'oxonaxat na coma', qataq nache 'eetai' qome da huo'o ca aloq qataq saqoue ca laquip 'etaxat.

Génesis 47:16

Nache so José 'enapeco': «Da mashe qaca aca qo'omi, nache qanaviquiiuo ca qareloipi, nache nmeneguet qome ñaqa'en na trigo.»

Génesis 41:36

Qaq yaqto' huo'o ca naỹamaqtac trigo ne'ena 'alhua, yaqto' na shiỹaxauapi saishet qome da huo'o ca ilem na lqouaxa, qom ivita da qanayeetaiguilo caua siete vi'iye maye huaiguilo ca lta'araic nqouaxa 'enauac ne'ena 'alhua Egipto.»