Génesis 47:14 - La'aqtaqa Ñim Lo'onatac 'Enauacna 2013

¹⁴ Qaq so José laỹona't co'ollaxa 'enauac aso anom maye lsheetenaxanaqte na lma' ye Egipto qataq ye Canaán da isheeten so trigo, nache ỹaỹamaxat asomaye ỹachaigui so lma' lta'araic so faraón.

Génesis 47:14 Referans Kwoze

Génesis 41:56

Qaq yi'iye 'alhua co'ollaq mashe ỹaguec na nqouaxa, nache so José ỹauatoigui 'enauac so laỹe'pi na trigo da yaqto' imenot so Egipto le'ecpi, cha'aye se'eso nqouaxa nquictauec.

1 Pedro 4:10

Ñi 'oonolec da qoñiita ỹaconeguet na no'on lachetaqtaxanaxatpi Ñim Lo'onatac 'Enauacna: Qaq no'on da ỹataqta qauloiteguet da qoviỹapegue' na qaraỹepi.

1 Corintios 4:2

Qaq cam huo'o ca qaipataxalec no'onataxanaxac camaye iuen da ỹataqta npe'et.

Génesis 47:15

Qaq co'ollaq mashe imeuo aso anom ye Egipto qataq ye Canaán, nache na Egipto le'ecpi nqo'oneua'a co'ollaxa so José da 'enapega, 'eeta': «¡Ña qomi' 'aỹa'anemactaxa ca qonoq! Cha'aye sa ỹaỹamaxañi da qomi' 'aua'aqta'alo da qomi' ỹalaua't na qarqouaxa, souaxat da mashe qaca aca qorom.»

Génesis 41:57

Qaq 'enauac som hueta'a nam laỹepi 'alhuapi naỹa co'ollaxa ye Egipto da desheenaxana na trigo maye lmenec so José, cha'aye qaica ca lỹa 'alhua da huaña na nallec.

Proverbios 11:26

Qaq ca imattega't na ala na trigo, qalaq na shiỹaxauapi isheuen camaye, qaq ca imen namaye qalaq qaichoxoren.