Génesis 47:12 - La'aqtaqa Ñim Lo'onatac 'Enauacna 2013

¹² Qaq so José nataqa'en ỹanem da lquia'axac 'enauac som lauo' le'ecpi, ỹataqta cam tachiguiña da lhuenaxanaxa ñi 'oonolec somayepi.

Génesis 47:12 Referans Kwoze

Génesis 45:11

Qaq huaina'a qome, nache 'am, qataq na 'aỹa'alaqpi qataq 'enauac na 'am hueta'aguet, sanem na nallec da yaqto' saishet da huo'o ca qaviñiitaique, cha'aye saxanaqcaua caua cinco vi'iye maye huetaiguilo qome na nqouaxa.

1 Timoteo 5:8

Qaq ca shiỹaxaua da saishet da huapegue' na maiche lauo' le'ecpi, camaye sa nateneguet da 'eetega lpi'iỹaxac. Lamaaxa da huo'otaq saishet da huapegue' caua maiche llalqa. Nache camaye ỹoqta napacalec ca saxanaxa da da'amqaanataxan.

1 Timoteo 5:4

Qalaxaye aca pa'ai da huo'o ca llalec huo'otaq laual, nache caamaye iue'n da hua'auyiñi da itaua'n acamaye na lhuenaxanaxasat, ỹe'eguelaxatteguet dam ltelaxa co'ollaxa qataq da ltaunaxanaxac acamaye. Cha'aye de'era ỹataqta ỹaỹamaxareeta Ñim Lo'onatac 'Enauacna.

1 Timoteo 4:8

Cha'aye 'eesa ca shiỹaxaua da ñe'egueeteguela't da sa desalli naqa'en na lo'oc, damaye cara'acolec da huo'o da naigui. Qalaxaye da qanpa'ataxareelec da na'amqaanataxanaxac Ñim Lo'onatac 'Enauacna, damaye ỹataqta lta'araic da naigui. Cha'aye ỹataqta 'onaxaic da qomi' ỹo'otegueta nagui da ñaq souaqtalec ana 'alhua qataq nataqa'en qom seviraxague da piguem. Qaq de'era ỹataqta 'eesa, qaq ỹoqo'oye 'enauac damaye iuen da sa'amaqtenaq.

1 Ts 2:7

Qaq cha'aye souaxat da qomi' lamaxa'she So Cristo, nache qomi' seshetaqtaxa da qami' shenaqapegalo da qomi' qautauañi', qalaxaye saishet da so'otaq damaye. Nachaqrata da co'ollaq qami' souaqta'agueta, nache ỹataqta huo'o da qarsoxosoxonaxac da qoñiita, shenaqta'am da lauotaxanaqtaic aca nate'e maye ntela'a qataq ỹaqchet ca llalec.

Rut 4:15

Qaq yemaye 'am ỹanem qome da 'ara'añaxac, qataq 'am ilo'ogue qom ỹataqta 'am ỹa'axaino'ole, cha'aye yemaye, llalec asom 'arate maye ỹataqta 'am lauotaqte, maye napacalec da la'amaqchec caua siete 'aỹa'alqa.

Éxodo 20:12

Huo'o naq 'enec 'anqa'en ca 'arta'a, qataq aca 'arate'e, yaqto' qaỹoqtec da 'anachaalataxac da qouetalec ana 'alhua maye 'am ỹami' Ñim Nataxala' maye 'Anatamnaxala'.

Génesis 47:24

qalaxaye da ivita da qanqache na ala ca qa'añiguishiqui, nache iuen da qanqacheeua'a ca 'oonolec caua cinco qarapoñiguishequi da qaỹa'añim ñi faraón, qaq caua cuatro maye no'oirañi, qalaq taỹaigui da qaltaq qaỹa'añiilec na 'alhua, qataq yaqto' qolliquiitac, qataq na qaỹa'alquipi qataq 'enauac na qami' neto'oto.»

Génesis 47:21

qataq 'enauac so hueta'a ye 'alhua Egipto da choche l-latacpi so faraón.

Génesis 47:1

Nache so José jec co'ollaxa da ỹauo'o la'axaỹaxac so faraón. Qaq co'ollaq ivireua'a somaye, nache da'aqtaxanem da so lta'a qataq so lqaỹañecpi maye chegaqa'a ye 'alhua Canaán, mashe hueta'a ye 'alhua Gosén, nnaictague' aso lalo qaguetapi qataq aso lalo huacapi, qataq 'enauac som huo'o logoxoshetpi.

Génesis 50:21

Qaq ỹoqo'oye saishet qome da qayi'i cha'aye aỹem qami' sanema qome ca qo'oqoi qataq na qaỹa'alquipi.» Qaq 'era da 'eetec so José da machiyiñi naqa'en soua lqaỹa't, cha'aye co'ollaq detaqtacoto nache ỹataqta huesotte' naua la'aqtaqa.

Génesis 45:7

Qalaxaye Ñim Lo'onatac 'Enauacna aỹem namaq co'ollaq saxanaxa da qauanaỹeecna'a, da yaqto' ñeca'alaxatec da qanachaalataxaqui, qaq 'era da 'eetec da huo'o qome cam qami' chegoxogueta, da no'onalec ana 'alhua.

Génesis 45:10

Nache qonalec qome yem 'alhua le'enaxat Gosén, 'arỹateuo na 'aỹa'alaqpi, 'arhualpi, qataq na 'ana'atetpi, qataq 'enauac nam 'aralamaxatpi. Qaq yaqto' sa qaỹapeque 'anqa'en aỹem.

Isaías 22:24

Nache qoỹemaxaua'a qome 'enauac nam no'on nogoxoshetpi maye lalamaxatpi som llalaqpi so lta'a qataq 'enauac nam chegoxoguetpi somaye, qataq 'enauac ana ỹotta'a't ỹomaxaquipi, anam qapio'olepi qataq anam late'eraipi.