Génesis 47:11 - La'aqtaqa Ñim Lo'onatac 'Enauacna 2013

¹¹ Nache so José ỹanem somayepi som ỹataqta no'on 'alhua ye Egipto, da yaqto' nalec, nache ipacchigui da la'aqtac so faraón. Qaq 'era da 'eetec da so lta'a somaye, qataq so lqaỹañecpi da huo'o so na'alhua maye huaigui yem 'alhua Ramesés.

Génesis 47:11 Referans Kwoze

Éxodo 12:37

Nache so Israel le'ecpi ca'ai ye Ramesés, tateuga ye Sucot. Somayepi huac da ivi' saiscientos mil ỹalleppi, ndotec so mashe ishet da taigui na huataxanaq, qaq saishet da qanaloqneuo so 'alpi qataq so ñaqpiolec.

Éxodo 1:11

Huaña, nache so Egipto le'ecpi ỹauo'o so nalleppi da ilo'ogue naqa'en so Israel llalaqpi, da yaqto' sa ỹala'ac da ỹo'onataxanaxan. Ime, nache qaỹo'onataxanaxanec da no'oxoosheguem qanqa'en so huaqta'a't nỹecpi ye Pitón qataq ye Ramesés, maye laỹamaqtaxanaqa' so faraón da ỹaỹamaxat na nallec.

Génesis 47:6

Qaq nam 'alhua Egipto maiche 'oiqueetac qome. 'Aỹa'anem qome ye 'alhua Gosén, maye nacheye ye ỹataqta 'onaxaic ne'ena 'alhua, da yaqto' nalec yemaye. Qaq qom 'auaỹaten da namayepi huo'o ca ỹataqta ỹaỹaten da ilo'ogue na 'atet, qaq nacheca qome ca 'aupataxalec da ilo'ogue na ña'atetpi.»

Juan 17:24

'Am Ita'a, naua Aỹem ca'attegueto naamaye Aỹem 'aỹa'anema, qaq ỹoqo'oye ñeshetaique da naamaye Aỹem hueta'agueta cam soota'a, yaqto' ỹauaachigui cam na'añaxac maye Aỹem 'aỹa'anem. Cha'aye nale'ena co'ollaxa da ỹataqta Aỹem 'auauotec co'ollaq saxanaqaca ana 'alhua.

Juan 17:2

Cha'aye Aỹem 'aỹa'anem co'ollaxa da 'ara'añaxac da yaqto' ñataỹaña 'enauac na huetalec ana 'alhua. Qataq nataqa'en Aỹem 'aỹa'anem da ỹa'añaxac da yaqto' sanem da lca'alaxa maye chochaq tatec 'enauac nam Aỹem 'aỹa'anem da Aỹem ca'ategue.

Juan 14:23

Nache So Jesús 'enapeco': –Ca Aỹem ỹauotec, camaye nataqa'en ỹalaxaguet cam shenapec, nache Ñim Lo'onatac 'Enauacna maye Ita'a ỹauotec camaye. Nache Ñimaye qataq Aỹem ñanaguenaq da souaqta'aguet camaye.

Juan 14:2

Cha'aye ye lma' Ñim Ita'a ỹataqta qalota ye ndaqa'pi. Qaq da saishet da 'eetec taxa de'era, nache saishettaxa da qami' sa'aqtaxanema da sheeta', ashec da seqataxanai' ca qarmaye.

Juan 10:28

Qaq Aỹem sanem da lca'alaxa maye chochaq tatec anamayepi. Huaña, nache saishet da ivireguet ca nleuaxa maye chochaq tatec, qataq saishet da huo'o ca ishet da nqateeguesop da ihuaqỹaxac anamayepi,

Juan 10:10

Ca cachaxaic da anac, qalaq camaye nalemaqte' da lcachaxac, lalaataxanaxac qataq delaqtaxan. Aỹem, qalaxaye ñanac, da yaqto' qami' huo'o da qarca'alaqai qataq qaica ca qaviñiỹa'a.

Génesis 46:34

nache qami' qaua'aqtaxañim qome qoñiita: qomi' dam sachegoxosoqta'ague qalaq nache 'eetai' da seloqtague' ana qaguetapi, shenaqta'am so hua'au qarta'alpi. Qaq qoñeetec qome de'era, yaqto' ishet da qoñiỹalec na 'alhua Gosén, cha'aye na Egipto le'ecpi deqaiga da lauoreua nam ilotague' ana qaguetapi.»

Génesis 47:27

Qaq so Israel le'ecpi nache naña co'ollaxa ye 'alhua Egipto, nache nalec da ỹauo'o lalamaxat ye 'alhua Gosén. Qaq huaña yemaye, nache ỹataqta qalotoigui somayepi.

Números 33:3

Co'ollaq jec, nache chegoqchiguiña ye Ramesés, so na'a'q quince so la'auaxanec ca'agoxoic se'eso vi'i, co'ollaq mashe inoxonec so na'a'q maye laloxoqui so Lapascua. Nache lỹatec da lta'araic la'añaxac ỹauaachigui 'enauac so Egipto le'ecpi,

Isaías 22:24

Nache qoỹemaxaua'a qome 'enauac nam no'on nogoxoshetpi maye lalamaxatpi som llalaqpi so lta'a qataq 'enauac nam chegoxoguetpi somaye, qataq 'enauac ana ỹotta'a't ỹomaxaquipi, anam qapio'olepi qataq anam late'eraipi.