Génesis 47:1 - La'aqtaqa Ñim Lo'onatac 'Enauacna 2013

¹ Nache so José jec co'ollaxa da ỹauo'o la'axaỹaxac so faraón. Qaq co'ollaq ivireua'a somaye, nache da'aqtaxanem da so lta'a qataq so lqaỹañecpi maye chegaqa'a ye 'alhua Canaán, mashe hueta'a ye 'alhua Gosén, nnaictague' aso lalo qaguetapi qataq aso lalo huacapi, qataq 'enauac som huo'o logoxoshetpi.

Génesis 47:1 Referans Kwoze

Génesis 46:31

Nache so José 'enapegalo soua lqaỹa't, qataq som lauo' le'ecpi so lta'a, 'eeta': «Aỹem nagui ñeqo'ona ñi faraón, da sauo'o ca la'axaỹaxac. Qaq sa'aqtaxanem qome da naua ỹaqaỹa't, qataq na lauo' le'ecpi ñi ita'a maye netaña co'ollaxa ye 'alhua Canaán, namayepi aỹem naỹa da yaqto' aỹem lauoreua,

Génesis 45:10

Nache qonalec qome yem 'alhua le'enaxat Gosén, 'arỹateuo na 'aỹa'alaqpi, 'arhualpi, qataq na 'ana'atetpi, qataq 'enauac nam 'aralamaxatpi. Qaq yaqto' sa qaỹapeque 'anqa'en aỹem.

Génesis 46:28

Qaq somayepi co'ollaq ivita ye 'alhua Gosén, nache so Jacob ỹa'auaxan so Judá da yaqto' 'enapega so José da hueqata'aguet somaye, da huaña ye 'alhua Gosén.

Hebreos 2:11

'Enauac nam ỹauotec qataq ỹalaxaguet Ñim Lo'onatac 'Enauacna, nache nachena nam llalaqpi, qataq lta'a Ñimaye. Qaq So Jesús ye nataqa'en Llalec Ñim Lo'onatac 'Enauacna, Somaye saishet da da'acteguelec namayepi da iỹaxana da ỹataqta lqaỹañecpi,

Éxodo 9:26

Qaq nachaqyeta ye 'alhua Gosén, maye netalec som Israel le'ecpi da saishet da talec aca 'oonole lache.

Éxodo 8:22

Qalaxaye qom ivita da ipacchigui de'era, qaq aỹem qome seỹotauga ye 'alhua Gosén, yem netalec ye ỹalamaxatpi. Yemaye qome saishet da huo'o aca 'oonole ncoga, yaqto' 'am 'auaỹateeta da Aỹem, maye Nataxala', soota'a ne'ena 'alhua.

Génesis 46:34

nache qami' qaua'aqtaxañim qome qoñiita: qomi' dam sachegoxosoqta'ague qalaq nache 'eetai' da seloqtague' ana qaguetapi, shenaqta'am so hua'au qarta'alpi. Qaq qoñeetec qome de'era, yaqto' ishet da qoñiỹalec na 'alhua Gosén, cha'aye na Egipto le'ecpi deqaiga da lauoreua nam ilotague' ana qaguetapi.»

Génesis 45:16

Qaq co'ollaq ivireua'a da na'axaỹaxac so lma' lta'araic so faraón da soua lqaỹa't so José mashe nvi't, nache so faraón qataq so ltauapi ỹataqta machiguiñi.