Génesis 46:6 - La'aqtaqa Ñim Lo'onatac 'Enauacna 2013

⁶ Nache so Jacob qataq 'enauac so lalamaxatpi nqo'ona ye Egipto, nache ỹo'orelec aso lalo huacapi qataq aso qaguetapi qataq 'enauac som ishet da ỹachegoxotaña co'ollaxa ye 'alhua Canaán.

Génesis 46:6 Referans Kwoze

Hechos 7:15

somayepi hueta'a ye Egipto choche ivitta'a da ileu.

Isaías 52:4

Soua hua'au' vi'iye, nam ỹalamaxat nhuo' le'ecpi taỹa co'ollaxa ye Egipto, nache namayepi 'eeta'am ca chegaqauec co'ollaq hueta'a yemaye, qaq ime co'ollaxa nache na Asiria le'ecpi sa iyacnapec namayepi na'aictaxa da qaica ca ỹasouaxat.

Salmos 105:23

Huaña nache so Jacob maye nataqa'en le'enaxat da Israel taỹa co'ollaxa ye Egipto, qaq somaye chegaqauec co'ollaq netaña ye 'alhua ye Cam.

Josué 24:4

qaq so Isaac, sanem co'ollaxa da dos soua llalqa, Jacob qataq so Esaú. Nache so Esaú, sanem ye 'alhua maye huaigui aye qasoxonaxapi ye Seír, qaq so Jacob, qataq so llalaqpi, taỹa co'ollaxa ye Egipto da yaqto' naña.

Deuteronómio 26:5

Nache hua'aqchigui 'anqa'en Ñim Nataxala' maye 'Anatamnaxala', da 'anasaxauec ca 'ara'aqtac, 'eeta': So hua'au ita'alpi chegoxoguet na arameopi maye choche queuoxoicpi co'ollaxa, qataq saq 'amaqtaqpiolec co'ollaq ivita ye Egipto. Huaña nache naña co'ollaxa yemaye, nache ivitta'a da 'añaxaicpi qataq ỹataqta qalota.

1 Samuel 12:8

Qaq so Jacob co'ollaq inoxoneua'a ye Egipto, nache ye egipciopi ỹataqta sa nañaxaasheguem co'ollaxa so hua'au qarta'ailpi, nache somayepi iỹaxanot co'ollaxa Ñim Nataxala', nache Ñimaye ỹamaq so Moisés qataq so Aarón da yaqto' nqateeguesop ye Egipto, nache ỹanalec ne'ena 'alhua.

Deuteronómio 10:22

Qaq so hua'au qarta'ailpi co'ollaq nvita ye Egipto, nache somayepi ivi' setenta ye lcata, qaq nagui Ñim Nataxala' ỹataqta nquicapeguec naqa'en ye lcata namayepi, 'eeta'am ana huaqaañipi maye neto'ot na piguem.

Números 20:15

So hua'au qarta'alpi taỹa co'ollaxa ye Egipto, nache qaỹoqteguelo soua vi'iye da sonaqtaña yemaye, qalaxaye ye Egipto le'ecpi qomi' sa iyacna'ape, 'eeta'am co'ollaxa so hua'au qarta'alpi,

Génesis 15:13

Qaq huaña nache Ñim Nataxala' 'enapega somaye, 'eeta': «'Am 'auaỹateeta da ca 'aỹa'alaqpi hueta'a qome ca ỹaqa'a 'alhua, qaq huaña qome nache choche nlatacpi, qataq ivittrec qome caua cuatrocientos vi'iye da sa qaỹaỹamaxatapec camayepi.

Génesis 46:7

Qataq 'enauac so llalaqpi qataq aso llalpi, qataq so laualpi ỹalleppi qataq 'alpi, da lỹatec somaye.