Génesis 46:5 - La'aqtaqa Ñim Lo'onatac 'Enauacna 2013

⁵ Qaq co'ollaq ime de'era, nache so Jacob ca'ai ye Berseba. Nache soua llalqa so Israel, inotaxanaxaangui so lta'a qataq so llalaqpi qataq aso lhuapi soua naigonal maye ỹama'q co'ollaxa so faraón da ỹauotaique lachaxaqui' somaye.

Génesis 46:5 Referans Kwoze

Génesis 45:21

Nache soua llalqa so Israel ỹo'o't dam qaỹamaxaleguete. Qaq so José, nache ỹanema soua naigonal, ipacchigui naqa'en da lamaxasoxonaxac so faraón, qataq ỹanema soomaye so aloq da huangui so nqa'aic.

Génesis 45:19

Qataq qonapegalo caamaye da ỹaue'c caua naigonal ỹachegoxotchiguiña na Egipto, da yaqto' ỹe'eguena'alo, nache naue'c caua lhua't qataq caua llalqa, qataq nataqa'en cam qarta'ai. Qaq anac qome

Génesis 45:27

Qalaxaye soomaye co'ollaq ỹa'axatem so Jacob 'enauac nam la'aqtacpi so José, qataq co'ollaq ila'alo soua naigonal maye ỹama'q so José da ỹauotaique nnotaxaqui' somaye da ivita da qaỹauec, nache ỹataqta nomteguet da lta'araic la'añaxac.

Éxodo 10:26

Nataqa'en sachoq qome 'enauac ana qarelopi. Saishet da no'onañi ca 'oonolec shiguiỹac, cha'aye namayepi huo'o qome ca saconaxaua'a, da yaqto' sho'oxorenaq Ñim Nataxala'. Qaq ỹoqo'oye nagui da saxanaxa da sevitaxa ca ñeqo'onaqtega, qaq saxanaxa da saỹaanaq ca seuenaq da yaqto' sho'oxorenaq Ñim Nataxala'.»

Éxodo 10:24

Nache so faraón damaxasoxoneuga so Moisés, nache 'enapega, 'eeta': «Qauesomiỹa qome qanatamñiỹot cam Nataxala', qauaviqui qome nataqa'en na qaỹa'alquipi, qalaxaye qaucotañi qome ana qareloi qaguetapi qataq ana huacapi».

Hechos 7:15

somayepi hueta'a ye Egipto choche ivitta'a da ileu.

Génesis 21:14

Qaq so lỹa na'a'q, nache no'ottasheguem so Abraham, nache ỹanem aso Agar aso nauole, qataq aso lo'oc maye lỹoxoso huetagui so 'etaxat, nache ỹacheleguete naua lallaco, qataq ỹanem asomaye so nogotolec Ismael, qaq ime nache 'enapega da jec. Qaq asomaye jec, qalaq saỹaỹaten ca dataigue, nache chochaq coleetapeguelec ye toolec 'alhua ye Berseba.

1 Samuel 12:8

Qaq so Jacob co'ollaq inoxoneua'a ye Egipto, nache ye egipciopi ỹataqta sa nañaxaasheguem co'ollaxa so hua'au qarta'ailpi, nache somayepi iỹaxanot co'ollaxa Ñim Nataxala', nache Ñimaye ỹamaq so Moisés qataq so Aarón da yaqto' nqateeguesop ye Egipto, nache ỹanalec ne'ena 'alhua.