Génesis 46:1 - La'aqtaqa Ñim Lo'onatac 'Enauacna 2013

¹ Qaq huaña, nache so Israel jec, ỹache 'enauac som huo'o logoxoshetpi. Qaq co'ollaq ivita ye Berseba, nache ỹauo'o aso ỹavigaxat lachetaqtaxanaqte da ỹanot Ñim Natamnaxala' so lta'a Isaac.

Génesis 46:1 Referans Kwoze

Génesis 31:42

Qaq taxa da saishet da aỹem hueta'aguet Ñim Natamnaxala' so Abraham, Ñim Natamnaxala' so ita'a Isaac, nache yo'oqtactaxa da choche aỹem 'auamaqtec, qui'itchiguilo 'anqa'en naua ihua'q. Qalaxaye Ñim Lo'onatac 'Enauacna ilota'a co'ollaxa da ỹaquicoxo, qataq dam naigui da ỹo'onataxanaxac, qaq ỹoqo'oye so pe 'am nlaxa.»

Génesis 28:13

Qaq nataqa'en ilota'a co'ollaxa da Ñim Nataxala' nachattañi, hueta'a som pa'asheguem se'eso napiaxala', nache 'eetega somaye, 'eeta': «Aỹem nachaỹem Nataxala', maye Natamnaxala' so 'arapi' Abraham, qataq ñi 'arta'a Isaac. Qaq 'am qataq ca 'am chegoxoguetpi, sanem qome ne'ena 'alhua maye 'annaatalec nagui.

Génesis 28:10

Qaq so Jacob jec co'ollaxa chegoqchiguiña ye Berseba, nache quetegue so nqa'aic maye taỹa'a ye Jarán.

Génesis 21:33

Qaq huaña ye Berseba, nache so Abraham ỹaañi aso qo'oipaq le'enaxat tamarisco, qaq nache huaña da iỹaxaatega da le'enaxat Ñim Nataxala', Ñim Lo'onatac 'Enauacna maye chochaq tatec.

Génesis 21:31

Qaq ỹoqo'oye yi'iye 'alhua, qoỹanagui da le'enaxat Berseba, cha'aye nache huaña co'ollaxa da soomaye ỹa'n so la'aqta'c.

Génesis 21:14

Qaq so lỹa na'a'q, nache no'ottasheguem so Abraham, nache ỹanem aso Agar aso nauole, qataq aso lo'oc maye lỹoxoso huetagui so 'etaxat, nache ỹacheleguete naua lallaco, qataq ỹanem asomaye so nogotolec Ismael, qaq ime nache 'enapega da jec. Qaq asomaye jec, qalaq saỹaỹaten ca dataigue, nache chochaq coleetapeguelec ye toolec 'alhua ye Berseba.

Da na'aqtaguec so Job 42:8

Qaq qauacoñiiua'alo qome caua siete huaca llalqa, qataq caua siete qagueta lhuaraiqa, nache qanqo'oñiỹa qome ñi ỹamaxashec Job, yaqto' qaỹa'añiiuo da nachetaqtaxanaqte qaỹavigaxatta, qaq ñi ỹamaxashec Job, qami' natameeleguete qome. Nache aỹem saconeguet qome ca nqouagaxaunaxac ñimaye nache saishet da huo'o ca qami' shena'aque, souaxat da saishet da qaua'axache da ỹaỹamaqchiguiñi ỹataxac, cha'aye qami' saishet da qoñiita'am ñi ỹamaxashec Job.»

Da na'aqtaguec so Job 1:5

Qaq naxa da ime' soua na'axa'te da nquia'axac, nache so Job iỹaxaneuga so llalaqpi, qataq no'ottasheguem ye nte'etom, nache ỹo'ot ana lachetaqtaxanaqte qaỹavigaxatta ñi 'oonolec somayepi, da yaqto' qaỹapalaxat na lasouaxashetpi. Qaq de'era nache 'eetai' naxa da 'eeta'ac so Job, souaxat da lhuennataxac da saiuena'a da huo'o ca 'oonolec somayepi da lquiyaqteỹaxac isheueetac Ñim Lo'onatac 'Enauacna.

1 Samuel 3:20

Ỹoqo'oye 'enauac so Israel le'ecpi, maye netaña ye Dan qataq ivira'a ye Berseba, da ỹaỹateeta da nacheso so Samuel so ỹataqta 'eesa da la'aqtaxanaxanec Ñim Nataxala'.

Génesis 35:7

Qaq huaña yemaye, nache ỹo'ot aso lca'atoxonaxalate, nache yi'iye 'alhua ỹanagui da le'enaxat El Betel, cha'aye co'ollaq 'ettapeguem so lqaỹa, nache Ñim Lo'onatac 'Enauacna, nachaxana somaye co'ollaq huaña yi'iye 'alhua.

Génesis 35:3

nache ñaỹamaxataq da ñeqo'onaxa ye Betel. Qaq huaña qome yemaye nache so'ot aca ica'atoxonaxalate da sho'oxoren Ñim Lo'onatac 'Enauacna, maye aỹem itauan co'ollaq sootaigui so iuogoxo, qataq aỹem nnaictague' naua ỹeco cam sataigue.»

Génesis 33:20

Ime, qaq ỹo'ot aso lca'atoxonaxalate, nache ỹanagui da le'enaxat: Ñim Lo'onatac 'Enauacna, nacheñi Ñim Natamnaxala' na Israel.

Génesis 31:53

Qaq maiche qomi' nmi't qome Ñim Natamnaxala' so 'arapi' Abraham, qataq som ỹapi' Najor. Qaq huaña, nache so Jacob ỹanot so la'aqtac Ñim Lo'onatac 'Enauacna maye natameetacot co'ollaxa so lta'a Isaac.

Génesis 22:13

Nache so Abraham, namatasheguem nache ila'a so qagueta lhuaraic, ỹemaqtaiguilo soua lcoue so nshe'ela. Qaq huaña nache nqo'ona da ỹaconeua'a somaye, nache ỹavigaxat da ỹauo'o lachetaqtaxanaqte, nmeneguet naqa'en so llalec.

Génesis 12:8

Qaq nache chegoqchiguiña yemaye co'ollaq jec da nqo'ona ye 'alhua maye huaña ana qasoxonaxapi, maye pa'aigue da nala' lliguisheguem ye Betel, qaq huaña yemaye, nache ỹa'ayiñi so lpe'l. Qaq ye Betel qalaq pa'aỹa'ague da avit yem naña co'ollaxa somaye, qaq ye Hai qalaq pa'aỹa'ague da nala' lliguisheguem. Qaq huaña yemaye, nache so Abram qaltaq no'oxoosheguem aso lỹa lca'atoxonaxalate, da yaqto' natamnot Ñim Nataxala'.

Génesis 8:20

Qaq ime co'ollaxa, nache so Noé ỹo'ot aso lca'atoxonaxalate, da yaqto' ỹo'oxoren Ñim Nataxala', nache ỹaconeua'a so shiguiỹacpi qataq so maỹopi maye qui'itta, ỹacootaua'a ñi 'oonolec se'eso ỹotta'a'tpi, nache ỹavigaxat ỹauo'o lachetaqtaxanaqte da ỹanot Ñim Nataxala'.

Génesis 4:4

Qaq nataqa'en so Abel ndoua'a Ñim Nataxala' so ỹataqta 'onaxaic la'auaxanec llalaqpi aso lalo qaguetapi. Qaq Ñim Nataxala' ỹataqta ỹamaateguet so Abel, qataq aso lachetaqtaxanaqte,

Hechos 7:15

somayepi hueta'a ye Egipto choche ivitta'a da ileu.

Génesis 45:28

Qaq huaña, nache 'enapec: «¡Hua', 'eeso'oya' da mashe saỹaten ca ỹalec José da ñaq nca'altauec! Qaq aỹem ñeqo'ona qome camaye da yaqto' ñauane', nagui da saxanaxa da seleu.»

Amós 7:9

Qaq na qaỹoqotcheguemec natamnaqa'pi so Isaac nlachiguiñi qome, qataq anam natamnaxaquipi so Israel ỹataqta nlachiguiñi qome. Nache ñachaañi qome sauota'a ca ỹainec da sataỹa'aguet na llalaqpi so Jeroboán.

Josué 24:4

qaq so Isaac, sanem co'ollaxa da dos soua llalqa, Jacob qataq so Esaú. Nache so Esaú, sanem ye 'alhua maye huaigui aye qasoxonaxapi ye Seír, qaq so Jacob, qataq so llalaqpi, taỹa co'ollaxa ye Egipto da yaqto' naña.

1 Samuel 8:2

Qaq so la'auaxanec llalec le'enaxat Joel, qaq so lỹa le'enaxat Abías, nache soomaye ilotrague' co'ollaxa so netaña ye Berseba.