Génesis 45:8 - La'aqtaqa Ñim Lo'onatac 'Enauacna 2013

⁸ Qaq nacheñi Ñim Lo'onatac 'Enauacna Ñim aỹem namaxa co'ollaxa ne'ena 'alhua, qaq saishet da nacheqami'. Ñimaye aỹem ỹanagui da aỹem ltaua ñi faraón, qataq da selo'ogue ñi lma', qataq nataqa'en aỹem ỹanagui da selo'ogue 'enauac na 'alhua Egipto.

Génesis 45:8 Referans Kwoze

Juan 15:16

Qami' saishet co'ollaxa da Aỹem qarca'aguishiqui, Aỹem maye qami' ica'agui'she. Nache qami' shenapegalo da yaqto' ỹataqta qalota da alaỹaxac da qanachaalataxaqui, qaq de'era alaỹaxac da qanachaalataxaqui, damaye nache 'eetai'. Yaqto' Ñim Ita'a qami' ỹanema 'enauac nam qauỹaxañiỹaique da qoviilec da ỹe'enaxat.

Romanos 9:16

Qaq ỹoqo'oye ca lca'aguishec Ñim Lo'onatac 'Enauacna, saishet da nacheca cam shiỹaxaua maye maiche huotaique da qalca'ateua'a huo'otaq cam ỹo'ot da na'añaxataxac da huotaique da qalca'ateua'a camaye, cha'aye nachaqcata cam maiche chegoqchigui da nqouaguec Ñim Lo'onatac 'Enauacna.

Juan 19:11

Nache So Jesús 'enapeco': –'Am qaica ca qonec da huo'otaq saishet da 'am ỹanem Ñim Lo'onatac 'Enauacna ca 'ara'añaxac, da yaqto' ishet da huo'o ca 'auo'otec Aỹem. Qaq ỹoqo'oye cam Aỹem ỹaneua'a 'am, camaye ỹataqta ỹactec da lta'araic da lasouaxashet, qaq saq 'ena'am da qoneta.

Da na'aqtaguec so Job 29:16

qataq aỹem lta'a na huo'o da lhuenaxanaxa, qataq seuettapeguelec naxa na ỹaqa'a ca chegaqa'ague!

Jueces 17:10

Nache so Micaía 'enapega, 'eeta': 'Onaxaictaxa da qonaña na ima', yaqto' nache 'am ntaxaỹaxanaxanec, qataq 'am 'eeta'am ñaqa'en ca ita'a. Qalaxaye aỹem 'am sesheeten qome, 'am sanema caua diez ana lcatpiole plata ye 'oonolec vi'i, huaqtalec qome ñaqa'en ca nogoxot, qataq ca nallec.

Génesis 45:5

Qalaxaye aỹem qarqouaquic qome, da saishet da qauaquicoi, qataq saishet qome da huo'o ca qantogotaxaqui souaxat da aỹem qaumiñi co'ollaxa, cha'aye Ñim Lo'onatac 'Enauacna, aỹem na'auaxanegue co'ollaxa ne'ena da yaqto' ñeca'alaxatec da nachaalataxac na shiỹaxauapi.

Filemón 1:15

Cha'aye saiuena'a da na Onésimo chochaq cara'ac da ca'ai na 'arma', yaqto' nagui da 'am ỹe'egueloqot, nache saishet da qaltaq 'am ca'ai.

Isaías 22:21

nache nam 'ogo sanaxanaxanguilo qome ñimaye, qataq na 'ansaataxaqui nsaachigui ñaqa'en ñimaye, qataq sanem ñimaye da 'ara'amaqchec. Nache ñimaye 'eeta'am da lta'a na netaña na Jerusalén, qataq nam nhuo' le'ecpi ye Judá.

Génesis 45:26

Qaq co'ollaq da'aqtaxaarem so Jacob da so José ñaq nca'altauec, qataq nacheso so ilotague' 'enauac ye Egipto, nache so Jacob sa ỹaỹaten ca 'eetec qataq cam la'aqtac, cha'aye somaye sa ỹa'amaqten de'era qaỹa'aqtaxaateguem.