Génesis 45:7 - La'aqtaqa Ñim Lo'onatac 'Enauacna 2013

⁷ Qalaxaye Ñim Lo'onatac 'Enauacna aỹem namaq co'ollaq saxanaxa da qauanaỹeecna'a, da yaqto' ñeca'alaxatec da qanachaalataxaqui, qaq 'era da 'eetec da huo'o qome cam qami' chegoxogueta, da no'onalec ana 'alhua.

Génesis 45:7 Referans Kwoze

Hechos 7:35

Qaq na'aictaxa co'ollaxa somayepi da ỹo'otan so Moisés, nache 'eetega, 'eeta': «¿Negue't ca 'am ỹanagui da 'am qarataxala', qataq da yaqto' 'anmit ca huo'o ca lasouaxashet?» Qalaxaye Ñim Lo'onatac 'Enauacna ỹachegoxotchigui so lamaxashec Ñimaye maye nachaxana so Moisés co'ollaq huaigui aso qo'oipaqole, da lataxala' naqa'en qataq da isouec na Israel le'ecpi.

Salmos 44:4

'Am Ñatamnaxala' ¡'am maye nache 'am ita'a! Nache 'am maye 'aỹa'anem da loxonaxanaxac so Jacob.

Salmos 18:50

Qataq ỹataqta 'aỹa'anem da lta'araic loxonaxanaxac na nta'a maye 'arca'aguishec, qataq nache 'eetai' qome da 'arauoche na David qataq ca chegoxoguet llalaqpi.

Jueces 15:18

Qaq cha'aye so Sansón ỹataqta ỹaguec na laquip, nache iỹaxanot Ñim Nataxala', 'eeta': «¿Ta'ainco' ye aỹem 'aỹa'anem da lta'araic ỹa'añaxac da sauegaxan, qaq nagui qalaq seleu souaxat na ỹaquip, qataq da aỹem ỹalauat nam ỹalleppi maye sa ỹa'amaqtenaxanaxauapi?»

1 Crónicas 11:14

nache so David, tañigui ye laiñi se'eso no'onaxa, huaña nache dataỹa'aguet da delogui', nache loxonec so filisteopi. Qaq 'era da 'eetec da Ñim Nataxala', ỹanem da dauegaxan somaye.

Génesis 45:5

Qalaxaye aỹem qarqouaquic qome, da saishet da qauaquicoi, qataq saishet qome da huo'o ca qantogotaxaqui souaxat da aỹem qaumiñi co'ollaxa, cha'aye Ñim Lo'onatac 'Enauacna, aỹem na'auaxanegue co'ollaxa ne'ena da yaqto' ñeca'alaxatec da nachaalataxac na shiỹaxauapi.

Génesis 50:20

Qami', aỹem qauo'ochec co'ollaxa so qauem, qalaxaye Ñim Lo'onatac 'Enauacna nmeneguet naqa'en se'eso qauem dam no'on, da yaqto' so'ot dam seloqta'a nagui da yaqto' ñeca'alaxatec da nachaalataxac na qalota shiỹaxauapi.

Génesis 47:12

Qaq so José nataqa'en ỹanem da lquia'axac 'enauac som lauo' le'ecpi, ỹataqta cam tachiguiña da lhuenaxanaxa ñi 'oonolec somayepi.