Génesis 45:5 - La'aqtaqa Ñim Lo'onatac 'Enauacna 2013

⁵ Qalaxaye aỹem qarqouaquic qome, da saishet da qauaquicoi, qataq saishet qome da huo'o ca qantogotaxaqui souaxat da aỹem qaumiñi co'ollaxa, cha'aye Ñim Lo'onatac 'Enauacna, aỹem na'auaxanegue co'ollaxa ne'ena da yaqto' ñeca'alaxatec da nachaalataxac na shiỹaxauapi.

Génesis 45:5 Referans Kwoze

Génesis 50:20

Qami', aỹem qauo'ochec co'ollaxa so qauem, qalaxaye Ñim Lo'onatac 'Enauacna nmeneguet naqa'en se'eso qauem dam no'on, da yaqto' so'ot dam seloqta'a nagui da yaqto' ñeca'alaxatec da nachaalataxac na qalota shiỹaxauapi.

Da na'aqtaguec so Job 1:21

Nache, 'eeta': «Sootauec co'ollaq ñanaỹa ana 'alhua, qaq nataqa'en sootauec qom sheca'ai. Ñim Nataxala' aỹem ỹanem 'enauac na aỹem hueto'otpi, qaq Ñimaye ipactegue da ỹacona 'enauac na aỹem hueto'ot. ¡Qalaxaye nache 'eetai' qome da sho'oxoreetac da le'enaxat Ñimaye!»

Lucas 23:34

[Nache So Jesús 'eeta': –'Am Ita'a, 'auchoxoren namayepi, cha'aye sa ỹaỹaten dam ỹo'ottac.] Ime, nache som huataxanaqpi nallettapiguilo soua alogo So Jesús da chaq negue't ca taleguete soomaye.

Génesis 47:25

Nache somayepi 'enapeco': «'Am ỹataqta qomi' 'auchoxore'n, ỹoqo'oye qomi' 'anca'alaxatrec. ¡Qaq nagui nache qomi' l-lataqa qome ñi faraón!»

2 Corintios 2:11

Yaqto' so pa'aguenataxanaxaic saishet da huo'o ca llegueuo da shenaqta, cha'aye qomi' mashe saỹaanaqte' naua qauema 'eetapegueco.

2 Corintios 2:7

Qaq nagui no'on da qauchoxoyiñi camaye, qataq qautauañi yaqto' machiguiñi. Ten, qom huo'otaq ỹaguec da laquicoxo, nache ishet da qaica ca naquitaxac.

2 Samuel 17:14

Nache so Absalón qataq 'enauac so Israel le'ecpi, ỹaỹamaxareeta de'era la'aqtac so Jusay, cha'aye ỹoqta ỹaỹamaqchiguiñi naqa'en, saq 'ena'am da lapaxañi la'aqtac so Ajitofel. Cha'aye Ñim Nataxala', nache 'ena'ac co'ollaxa da yaqto' saipac naqa'en da laỹaanataxanaxac so Ajitofel, qataq taỹa'a naqa'en da l-leuaxa so Absalón.

2 Samuel 12:12

Cha'aye dam 'auo'ot, maye ỹataqta 'oxotchiguiñi co'ollaxa, damaye ỹataqta ỹauaachigui ñaqa'en qome 'enauac na Israel le'ecpi.›»

1 Samuel 1:19

Qaq so lỹa na'a'q nache no'ottrashegue'm, qaq co'ollaq ime da nqouagaxaueetracot Ñim Nataxala', nache ỹe'eguelaxara so lma't yem Ramá. Ime, nache so Elcana qaltaq lauatapiguiñi' aso lhua Ana, nache Ñim Nataxala' tachigui lauel da lashelaxanaxac asomaye.

Filemón 1:15

Cha'aye saiuena'a da na Onésimo chochaq cara'ac da ca'ai na 'arma', yaqto' nagui da 'am ỹe'egueloqot, nache saishet da qaltaq 'am ca'ai.

Génesis 37:28

Qaq so Madián le'ecpi maye nmenaxaicpi, co'ollaq nateugueye, nache soua lqaỹa't so José nqatyesheguem somaye. Ime, nache imenot so ismaeliitapi, qaq veinte monedas na plata aso lasheue. Qaq 'era da 'eetec so José co'ollaq qaỹauega ye Egipto.

Génesis 50:19

Qalaxaye so José 'enapeco': «Saishet qome da qayi'i. Cha'aye aỹem saishet da sa'aualec ca lo'onataxanaxac Ñim Lo'onatac 'Enauacna.

Génesis 50:21

Qaq ỹoqo'oye saishet qome da qayi'i cha'aye aỹem qami' sanema qome ca qo'oqoi qataq na qaỹa'alquipi.» Qaq 'era da 'eetec so José da machiyiñi naqa'en soua lqaỹa't, cha'aye co'ollaq detaqtacoto nache ỹataqta huesotte' naua la'aqtaqa.

Ester 4:14

Qaq nagui da 'añe'emaxat, qataq da qaica ca 'ara'aqtac, nache ca lca'alaxa na judiopi huo'o qome ca lỹa chegaqa'ague, qalaxaye 'am qataq na llalaqpi so 'arta'a, qaullivi qome. ¡Qaq souaxai' nachera da huo'omshe 'aviraua'a da 'am nate'e, da yaqto' qomi' 'autauan de'era souaqaigui!»