Génesis 45:4 - La'aqtaqa Ñim Lo'onatac 'Enauacna 2013

⁴ Qalaxaye so José 'enapegalo, 'eeta': «Ñaq aỹem qarqouaquic da aỹem qanquiquiiua'a.» Qaq co'ollaq nquiguereuo soomaye, nache so José 'enapeco': «Nachaỹem maye aỹem qarqaỹai José, maye aỹem qaumiñiỹot co'ollaxa na Egipto le'ecpi.

Génesis 45:4 Referans Kwoze

Génesis 37:28

Qaq so Madián le'ecpi maye nmenaxaicpi, co'ollaq nateugueye, nache soua lqaỹa't so José nqatyesheguem somaye. Ime, nache imenot so ismaeliitapi, qaq veinte monedas na plata aso lasheue. Qaq 'era da 'eetec so José co'ollaq qaỹauega ye Egipto.

Hechos 9:5

Nache so Saulo denataxan, 'eeta': –'Am Ỹataxala', ¿negue't 'am? Nache se'eso nvilỹaxac qataq 'enapeco': –Qomye Nachaỹem Jesús, Nachaỹem maye Aỹem 'aucaatac. ['Am 'eeta'am da maiche 'anque'emaqchettapeguela't, qoneta'am da 'eetec ca nauegaxanaxala' huaca da maiche ỹasottapeeguet aca na'araxanaqte.

Mateo 14:27

Nache So Jesús 'enapegalo soomaye, 'eeta': –¡Qaue'enaxañiitai'! ¡Saishet da qayi'i! ¡Nachaỹem!

Génesis 50:18

Qaq huaña nache nvildeuo soua lqaỹa't nache ỹa'aldoto naua l-llecte somaye, iviraxata'agueta naua lata'api na 'alhua, nache 'ena'apo': «Nagui souaqta'a ne'ena. Qaq 'auauo'oi qomi' 'arlataqa.»

Hechos 7:9

Qaq se'esoua llalqa so Jacob maye sachegoxosoxoiguilo, soomaye co'ollaxa ỹataqta nquiỹalo so lqaỹa José. Nache ime'n, da yaqto' qaỹauega ye 'alhua Egipto. Qalaxaye Ñim Lo'onatac 'Enauacna ỹataqta ỹauotec somaye,