Génesis 45:22 - La'aqtaqa Ñim Lo'onatac 'Enauacna 2013

²² Qataq nataqa'en ỹanema soua dalaxaiqolqa anogo da yaqto' naralaxa't soua alogo, qaq so Benjamín qalaq ỹanem aso trescientas monedas na plata qataq ỹanema soua cinco anogo.

Génesis 45:22 Referans Kwoze

Génesis 43:34

Nache so José iquia'axaneque soomaye som huetalec so lquia'axala', qalaxaye so Benjamín ỹactec naqa'en so ỹanem aloq, qaq saq 'ena'ama soua lỹa't. Nache so José nỹomtegueto soua lqaỹa't, nache soomaye ỹataqta huo'o da lamaicỹaxa'c.

2 Reyes 5:5

Nache so nta'a ye Siria, 'enapeco': Aja', ỹaỹamaqchiguiñi, nache qojec qome, qaq aỹem sauo'o qome aca ỹere, da taỹa'a ca nta'a ye Israel. Nache so Namán, jec co'ollaxa, Nache ỹache aso treinta mil lcatpiole ana plata, qataq aso seis mil lcatpiole ana oro, qataq soua diez anogo,

Jueces 14:12

Nache so Sansón 'enapega se'eso treinta nsoxoppi, 'eeta': «Qami' sa'aqtaxanema de'era ỹapogoñi na'aqtac, qaq ne'enaua siete na'axa'te maye huaiguilo ne'ena nquia'axac, da ishet da qauqachiichigui ca naigui damaye, nache ñi 'oonolec da qoñiita sanem qome ca ỹataqta no'on lomaxaqui, qataq caua 'onaxaiqa nogo maye maxasoxoqui'.

Apocalipsis 6:11

Nache Ñim Lo'onatac 'Enauacna ỹanema naua alogo lapagaxaiqa somayepi, nache 'enapega da ñaq cara'ac da deuataxanapec, cha'aye ñaq saxanaxa da imauec da ileu nam ỹa'amaqteetac So Cristo, maye iuen da ileu nataqa'en da 'ena'am somayepi.

Jueces 14:19

Nache so Saqcha'a La'añaxac Ñim Nataxala' ỹanem da la'añaxac so Sansón, nache somaye nqo'ona ye Ascalón, huaña nache ỹalauat so treinta ỹalleppi. Nache ỹacona so logoxoshetpi qataq so 'onaxaic logoxotpi maye ỹaatañi somayepi, nache desheetenaxana da isheeten som ỹaqatchigui se'eso ỹapogoñi la'aqtac somaye. Ime, nache ỹe'eguelaxa so lma' so lta'a, qalaxaye ỹataqta dalemata.

Génesis 45:23

Qataq ỹamaxa so lta'a soua diez 'ashenal nlaqaaleguete nam ỹataqta no'on maye chegaqaña ye Egipto, qataq soua lỹa't diez 'ashenal nlaqaaleguete na trigo, qataq aso nauole qataq so nallec da yaqto' aloq so lta'a da huangui so nqa'aic da ivita da anac.