Génesis 45:19 - La'aqtaqa Ñim Lo'onatac 'Enauacna 2013

¹⁹ Qataq qonapegalo caamaye da ỹaue'c caua naigonal ỹachegoxotchiguiña na Egipto, da yaqto' ỹe'eguena'alo, nache naue'c caua lhua't qataq caua llalqa, qataq nataqa'en cam qarta'ai. Qaq anac qome

Génesis 45:19 Referans Kwoze

Génesis 46:5

Qaq co'ollaq ime de'era, nache so Jacob ca'ai ye Berseba. Nache soua llalqa so Israel, inotaxanaxaangui so lta'a qataq so llalaqpi qataq aso lhuapi soua naigonal maye ỹama'q co'ollaxa so faraón da ỹauotaique lachaxaqui' somaye.

Génesis 45:27

Qalaxaye soomaye co'ollaq ỹa'axatem so Jacob 'enauac nam la'aqtacpi so José, qataq co'ollaq ila'alo soua naigonal maye ỹama'q so José da ỹauotaique nnotaxaqui' somaye da ivita da qaỹauec, nache ỹataqta nomteguet da lta'araic la'añaxac.

Isaías 49:23

Na nta'alpi qalaq ỹauo'o qome da 'am llalec, qaq ana lhuapi qalaq 'arsoquiaxanaxanapi. Qataq 'am ỹa'atto'oto qome naua l-llecte, qataq ichegoxouec na 'alhua naua 'arapia'ate. Qaq huaña qome nache aỹem 'auauattoota da nachaỹem Nataxala', qaq nam aỹem ỹa'amaqteetac saishet qome da hueto'ot ca lcoxo.

Isaías 49:1

Ñaq aỹem qanaxa'axaỹaxaña qami' maye qoñiitalec ana ỹaqauga 'alhua aso auaxai, qataq aỹem qanaxaỹaxañiỹa qami' ỹotta'a't shiỹaxauapi maye qami' qaỹoqtalo. Ñim Nataxala' aỹem iỹaxana co'ollaq saxanaxa da aỹem ñiguiñi nasaxauec da ỹe'enaxat co'ollaq ñaq sootaigui na lauel aso ỹate'e.

Génesis 45:20

camayepi, qaq saishet qome da ỹaquicoqchet da huo'o ca no'onañi cam hueto'ot nagui, cha'aye nam ỹataqta no'on nam hueta'a na Egipto, taỹot qome camayepi.»

Génesis 45:21

Nache soua llalqa so Israel ỹo'o't dam qaỹamaxaleguete. Qaq so José, nache ỹanema soua naigonal, ipacchigui naqa'en da lamaxasoxonaxac so faraón, qataq ỹanema soomaye so aloq da huangui so nqa'aic.

Números 7:3

nache ỹaueguereuo soua seis naigona maye nlaqchiguilo na le'ec da ỹanot Ñim Nataxala', qataq doce soua nauegaxanaxala'ate huaca. Nache soua dos lataxala'ate na maiche nhuo' le'ecpi, ỹaneuo aso 'oonole naigona, qaq ñi 'oonolec somayepi nache ỹaneuo so 'oonolec nauegaxanaxala' huaca. Qaq 'enauac se'eso ỹaneuo, qaỹachaña so saqaỹapeque so npe'l.