Génesis 45:15 - La'aqtaqa Ñim Lo'onatac 'Enauacna 2013

¹⁵ Qaq ime, nache so José napigoxoi'salo 'enauaque soua lqaỹa't, nache nỹeetac co'ollaq nqapalta'ai'salo soomaye. Qaq co'ollaq ime de'era, nache soua lqaỹa't ishet da detaxairapegue' somaye.

Génesis 45:15 Referans Kwoze

Lucas 15:20

Huaña, nache jec, ỹe'eguelaxa ye lma' so lta'a. Qaq co'ollaq ña qaỹata'aguet, nache so lta'a ỹauaateguet somaye. Nache ỹataqta huo'o da lchoxonnataxanaxa. Nache nqalgoqta'aguet. Qaq co'ollaq ivireguet, nache nqapaltague' qataq napigoqtague'.

Hechos 20:37

Nache 'enauaque soomaye nỹeetaguilo, ime, nache nqapaltrapegue' somaye, qataq napigoqtrague'.

Salmos 77:4

'Am Nataxala' ỹataqta qaica 'anqa'en ca ỹo'ochaxa, qataq qaica ca ñaỹanqa', ivira'a da saishet da setaqa.

2 Samuel 14:33

Nache so Joab taua'a so nta'a da da'aqtaxanem de'era la'aqtac so Absalón, nache so nta'a iỹaxaneuga somaye, qaq co'ollaq ivireuo, nache ỹa'alyiñi naua l-llecte, nache ivira'aguet naqa'en na latap na 'alhua. Nache so nta'a napigoxoi' so Absalón.

1 Samuel 20:41

Qaq co'ollaq mashe ỹoxogue so namaxashec, nache so David nnoxonec, chegoqteua'a so nqañoxotaqa', nache tres da ỹa'alyiñi naua l-llecte qataq ỹataqta iviraxata'aguet naqa'en na latap na 'alhua. Ime, nache napigoqtega't, qataq nỹeeta'a't, choche ivitta'a da nmitchiguem da nnoinaxac so David.

1 Samuel 10:1

Nache so Samuel ỹacona aso ncoraxanaqte maye laỹe' so aceite, nache icorelec na lqaic so Saúl, ime, qaq napigoxoi' nache 'enapega, 'eeta': Ñim Nataxala', 'am lca'aguishec nagui da yaqto' 'aulo'ogue na lalamaxat nhuo' Israel le'ecpi.

Rut 1:14

Nache soomaye qaltaq ỹe'eguelaxarelec da nỹeeta'ape, huaña nache aso Orfa, napigoxoi' aso lachoro qataq ncoyeguene', qalaxaye aso Rut no'ona'aguet co'ollaxa asomaye.

Rut 1:9

Qataq Ñim Nataxala' qami' ỹanema qome da qaltaq qauaroñi, nache qauamaichiguiñi da huo'o ca qarma'ai. Ime, nache aso Noemí ncoyegueneto soomaye, nache napigoqtegueto, qalaxaye soomaye ỹataqta nỹeeta'ape.

Éxodo 4:27

Qaq Ñim Nataxala' sogote da 'enapega so Aarón, 'eeta': «'Anqo'ona qome ye toolec 'alhua da 'auqata'aguet na Moisés». Nache so Aarón jec, qaq nache natena'aguet so Moisés co'ollaq hualec añi qasoxonaxa maye lalamaqte Ñim Lo'onatac 'Enauacna. Huaña nache nquine' qataq napigoxoi' somaye.

Génesis 45:2

Qaq huaña, nache ỹataqta ñashetcheguem da nnoinaxac, qaq de'era iviraua'a da ỹaỹaten som hueta'a so lma' lta'araic so faraón.

Génesis 33:4

Qalaxaye so Esaú, nqalgoqta'aguet somaye, nache qapalot na lqosot, qataq napigoxoi'. Nache soomaye nỹeeta'a't.

Génesis 29:13

Qaq so Labán co'ollaq hua'aqchigui da qaỹa'axat so Jacob som llalec aso lqaỹa Rebeca, nache nqalgoqta da ca'ateuga, nache nqapale' qataq napigoxoi', nache ỹauegueua'a so lma'. Qaq huaña, nache so Jacob da'aqtaxaatapeguem so Labán 'enauac da huaigui somaye.

Génesis 29:11

Qaq ime, nache iquin qataq napigoxoi', nache nỹen.

Génesis 42:24

Nache so José ca'aisalo co'ollaxa soomaye, nache nỹeetac. Qaq co'ollaq ñe'eguelaxa so huetra'a soomaye, nache iỹotauga so Simeón, nache ỹauaachigui naqa'en soomaye co'ollaq damaxasoxoolec da qaicoñe'.

Génesis 45:14

Nache so José nqapale' so lqaỹa Benjamín, nache nỹen. Qaq nataqa'en so Benjamín nỹeetac co'ollaq nqapalta'ai' so lqaỹa José.

Génesis 45:16

Qaq co'ollaq ivireua'a da na'axaỹaxac so lma' lta'araic so faraón da soua lqaỹa't so José mashe nvi't, nache so faraón qataq so ltauapi ỹataqta machiguiñi.

Génesis 46:29

Qaq huaña nache so José damaxasoxoolec da qaỹaỹamaxaañi aso nnaigona, da yaqto' jec da huaqata'aguet so lta'a. Qaq co'ollaq ivireguet so lta'a, nache nqapale', nache nỹeetac. Qaq ỹataqta qaỹoqtec so nnoinaxac co'ollaq nqapalta'ai' so lta'a.