Génesis 45:11 - La'aqtaqa Ñim Lo'onatac 'Enauacna 2013

¹¹ Qaq huaina'a qome, nache 'am, qataq na 'aỹa'alaqpi qataq 'enauac na 'am hueta'aguet, sanem na nallec da yaqto' saishet da huo'o ca qaviñiitaique, cha'aye saxanaqcaua caua cinco vi'iye maye huetaiguilo qome na nqouaxa.

Génesis 45:11 Referans Kwoze

Génesis 47:12

Qaq so José nataqa'en ỹanem da lquia'axac 'enauac som lauo' le'ecpi, ỹataqta cam tachiguiña da lhuenaxanaxa ñi 'oonolec somayepi.

Génesis 47:6

Qaq nam 'alhua Egipto maiche 'oiqueetac qome. 'Aỹa'anem qome ye 'alhua Gosén, maye nacheye ye ỹataqta 'onaxaic ne'ena 'alhua, da yaqto' nalec yemaye. Qaq qom 'auaỹaten da namayepi huo'o ca ỹataqta ỹaỹaten da ilo'ogue na 'atet, qaq nacheca qome ca 'aupataxalec da ilo'ogue na ña'atetpi.»

1 Timoteo 5:4

Qalaxaye aca pa'ai da huo'o ca llalec huo'otaq laual, nache caamaye iue'n da hua'auyiñi da itaua'n acamaye na lhuenaxanaxasat, ỹe'eguelaxatteguet dam ltelaxa co'ollaxa qataq da ltaunaxanaxac acamaye. Cha'aye de'era ỹataqta ỹaỹamaxareeta Ñim Lo'onatac 'Enauacna.

Génesis 45:12

Qaq da ỹaqaỹa Benjamín qataq qami', qaua'aqaichigui da nachaỹem da shenapec de'era.

Génesis 50:21

Qaq ỹoqo'oye saishet qome da qayi'i cha'aye aỹem qami' sanema qome ca qo'oqoi qataq na qaỹa'alquipi.» Qaq 'era da 'eetec so José da machiyiñi naqa'en soua lqaỹa't, cha'aye co'ollaq detaqtacoto nache ỹataqta huesotte' naua la'aqtaqa.

Ester 10:3

Qaq so Mardoqueo maye judío, somaye da lo'onataxanaxac pa'ata'aguet so nta'a, somaye ỹataqta 'amaqtaqaic da ỹalectaigui so judiopi, qataq som lauo' le'ecpi ỹataqta lauotaxat somaye, cha'aye somaye nmitaique co'ollaxa da laỹamaxa so lauo' le'ecpi, qataq delocteguelec co'ollaxa som lauo' da yaqto' lactapiguiñi naqa'en.