Génesis 45:10 - La'aqtaqa Ñim Lo'onatac 'Enauacna 2013

¹⁰ Nache qonalec qome yem 'alhua le'enaxat Gosén, 'arỹateuo na 'aỹa'alaqpi, 'arhualpi, qataq na 'ana'atetpi, qataq 'enauac nam 'aralamaxatpi. Qaq yaqto' sa qaỹapeque 'anqa'en aỹem.

Génesis 45:10 Referans Kwoze

Éxodo 9:26

Qaq nachaqyeta ye 'alhua Gosén, maye netalec som Israel le'ecpi da saishet da talec aca 'oonole lache.

Éxodo 8:22

Qalaxaye qom ivita da ipacchigui de'era, qaq aỹem qome seỹotauga ye 'alhua Gosén, yem netalec ye ỹalamaxatpi. Yemaye qome saishet da huo'o aca 'oonole ncoga, yaqto' 'am 'auaỹateeta da Aỹem, maye Nataxala', soota'a ne'ena 'alhua.

Génesis 46:34

nache qami' qaua'aqtaxañim qome qoñiita: qomi' dam sachegoxosoqta'ague qalaq nache 'eetai' da seloqtague' ana qaguetapi, shenaqta'am so hua'au qarta'alpi. Qaq qoñeetec qome de'era, yaqto' ishet da qoñiỹalec na 'alhua Gosén, cha'aye na Egipto le'ecpi deqaiga da lauoreua nam ilotague' ana qaguetapi.»

Juan 17:24

'Am Ita'a, naua Aỹem ca'attegueto naamaye Aỹem 'aỹa'anema, qaq ỹoqo'oye ñeshetaique da naamaye Aỹem hueta'agueta cam soota'a, yaqto' ỹauaachigui cam na'añaxac maye Aỹem 'aỹa'anem. Cha'aye nale'ena co'ollaxa da ỹataqta Aỹem 'auauotec co'ollaq saxanaqaca ana 'alhua.

Hechos 7:14

Nache so José damaxasoxona so lta'a Jacob qataq so lqaỹañecpi. Qaq somayepi ivi' setenta y cinco ye lcata da ima'a't,

Génesis 47:1

Nache so José jec co'ollaxa da ỹauo'o la'axaỹaxac so faraón. Qaq co'ollaq ivireua'a somaye, nache da'aqtaxanem da so lta'a qataq so lqaỹañecpi maye chegaqa'a ye 'alhua Canaán, mashe hueta'a ye 'alhua Gosén, nnaictague' aso lalo qaguetapi qataq aso lalo huacapi, qataq 'enauac som huo'o logoxoshetpi.

Génesis 47:6

Qaq nam 'alhua Egipto maiche 'oiqueetac qome. 'Aỹa'anem qome ye 'alhua Gosén, maye nacheye ye ỹataqta 'onaxaic ne'ena 'alhua, da yaqto' nalec yemaye. Qaq qom 'auaỹaten da namayepi huo'o ca ỹataqta ỹaỹaten da ilo'ogue na 'atet, qaq nacheca qome ca 'aupataxalec da ilo'ogue na ña'atetpi.»

Génesis 47:4

Qaq qomi' ñanaguenaq da sauoqtaique da sonaqaña ne'ena 'alhua, cha'aye ye 'alhua Canaán ỹataqta qalota na nqouaxa, qataq qaica ca 'auaqpi da aloq ana qarelo qaguetapi. Qaq ña qomi' 'anqouagueque 'am nta'a, da qomi' 'auasheetema da sonaqaña ye 'alhua maye huaigui ye Gosén.»

Génesis 47:12

Qaq so José nataqa'en ỹanem da lquia'axac 'enauac som lauo' le'ecpi, ỹataqta cam tachiguiña da lhuenaxanaxa ñi 'oonolec somayepi.

Ester 10:3

Qaq so Mardoqueo maye judío, somaye da lo'onataxanaxac pa'ata'aguet so nta'a, somaye ỹataqta 'amaqtaqaic da ỹalectaigui so judiopi, qataq som lauo' le'ecpi ỹataqta lauotaxat somaye, cha'aye somaye nmitaique co'ollaxa da laỹamaxa so lauo' le'ecpi, qataq delocteguelec co'ollaxa som lauo' da yaqto' lactapiguiñi naqa'en.