Génesis 45:1 - La'aqtaqa Ñim Lo'onatac 'Enauacna 2013

¹ Qaq so José mashe sanalo'oguet da 'eeta', co'ollaq datata'aguet som lamaxashecpi, nache nlamaxaren da detaqa, 'eeta': «¡Qoquiỹa'ai qome 'enauac ne'ena!» Nache som lamaxashecpi qaica co'ollaxa ca 'oonolec da no'ona'aguet so José co'ollaq somaye nchoxotalo soua lqaỹa't.

Génesis 45:1 Referans Kwoze

Mateo 18:15

Da huo'o ca 'oonolec nam Aỹem ca'attague' da 'am ỹo'otec ca qauem, qaq no'on da 'andote' camaye da 'aua'aqtaxanem ca lsomaxac. Qaq camaye da huo'otaq 'am ỹalaxaguet, nache 'am qaltaq 'araueguec camaye.

1 Corintios 13:5

Qataq saishet da sa ncherapec, qataq saishet da napagaqaanaxaic. Qataq saishet da inogoqchet ca camachaqca. Qataq saishet da ima'ape naua na'axa'te da iuennatega ca qaỹo'otec sa ỹaỹamaxañi.

Hechos 10:41

Qaq Somaye saishet da imauec da nachaxana 'enauac na shiỹaxauapi, nacheqomaqta da ñauanaxai'. Cha'aye Ñim Lo'onatac 'Enauacna qomi' lca'agui'she co'ollaxa, da yaqto' qomi' sa'axataq da qarauanaqchec. Qaq qomi' ỹataqta qarquia'axaua Somaye qataq qanỹomaxaua co'ollaq mashe qaltaq nca'alec qanqoỹen.

Jeremías 20:9

Qaq da shenapec: «Saishet nagui da seuennatega Ñim Nataxala', qataq saishet da she'eguelaxa da sa'axattac da le'enaxat», nache naua 'ara'aqtaqa maye aỹem netaiguilo ỹe'eguelaxa da 'eeta'am ca norec da ỹavigaxa't naua ipi'ineqa. Qaq aỹem sauotaique naxa da ñala'agueta, qalaxaye sasañoxot.

Isaías 42:14

Ñim Nataxala', 'eeta': «Ỹataqta qaỹoqteguelo soua vi'iye da ñe'emaxat, aỹem ỹataqta she'emaqtom qataq qaica ca sa'axat, qalaxaye nagui ña'alaqteguiñi qome sheeta'am aca 'alo da deco'otapigui' dachottac qataq ñaxaatrauec naua la'a'che.

2 Samuel 1:20

¡Saishet qome da qaua'aqtaxañim ye hueta'a ye Gad, qataq saishet da qaua'axache da qoquiitague' so nqa'aicpi ye Ascalón! ¡Yaqto' saishet da ntootapigui' na 'alpi filisteapi, qataq da dasottagui ana ỹaqa'a da la'amqaanataxanaxac!

Hechos 7:13

Qaq soomaye co'ollaq qaltaq ỹe'eguela'q, nache so José nchoxotalo soua lqaỹa't. Huaña, nache so lta'a nam netaña ye Egipto ỹauatton so lqaỹañecpi so José.

Génesis 44:34

Cha'aye ¿ca 'eeteco' da she'eguelaxa ca ita'a da saishet da ñenaictague' da nsoqolec? Cha'aye aỹem sa saỹamaxaren da selotagui qome ca nque'eenaxac ca ita'a.»

2 Samuel 13:9

Qaq co'ollaq ime, nache aso Tamar ỹachalec so nquia'axala' soua nauole, qalaxaye so Amnón sa nashen da deque'e, nache 'eeta': «Qoquiỹa'ai qome ne'ena.» Nache co'ollaq inoxonec 'enauac na netaña so lma'.

Génesis 42:24

Nache so José ca'aisalo co'ollaxa soomaye, nache nỹeetac. Qaq co'ollaq ñe'eguelaxa so huetra'a soomaye, nache iỹotauga so Simeón, nache ỹauaachigui naqa'en soomaye co'ollaq damaxasoxoolec da qaicoñe'.

Zacarías 12:10

Qalaxaye nam chegoxoguetpi so David, qataq nam hueta'a na Jerusalén secorelec qome dam saqcha'a 'achecỹaxac qataq da atamnaxac. Huaña nache Aỹem ỹamato'ot, Aỹem maye aỹem ỹalauat, nache nỹen 'eeta'am da nỹeetapeguelec ca 'oonolec llalec, huo'otaq ca llalec ỹe.