Génesis 44:4 - La'aqtaqa Ñim Lo'onatac 'Enauacna 2013

⁴ Qaq co'ollaq saxanaxa da qaỹoqteueeguelo soomaye da quera'ai yem huaqta'a't nỹecpi, nache so José 'enapego' so ilotague' so lma', 'eeta': «'Aue qome, 'aucaaleguete se'esoua shiỹaxau', qaq qom 'avi't soomaye, nache qonapegalo, qoneta': Aỹem qami' so'oteque da ỹaỹamaqchiguiñi, qaq nagui qalaq ¿Ta'ainco' ye aỹem qauo'ochec da qauem? ¿Ta'ainco' da qaucachiỹai aca ỹomaxaqui maye chegaqaigui na plata,

Génesis 44:4 Referans Kwoze

Juan 10:32

Nache So Jesús 'enapeco': –Aỹem ỹataqta qalota na so'ot ỹaỹamaqchiguiñipi da qami' qauauañiichigui, chegoqchigui da la'añaxac Ñim Ita'a. Qaq ¿chaq negue't cam sasoilec cam huo'omshe qansheetaique da Aỹem qauasaqai?

Salmos 35:12

Namayepi so'otec co'ollaxa da no'on qalaxaye namayepi aỹem ỹo'otec da qauem, qaq damaye ỹataqta huo'o naqa'en da ỹaquicoxo.

Proverbios 17:13

Ca ỹan ca qauem da nmeneguet naqa'en ca no'on, camaye saishet da ca'ai ca lma' da qauem.

Salmos 109:5

Aỹem so'otec da no'on qalaq namayepi aỹem ỹo'otec da qauem, qaq namayepi aỹem ỹauotec taxa qalaq nda'a't da aỹem nquiỹa.

2 Crónicas 20:11

Qaq namayepi nagui, qomi' isheetenegueta da anac da qomi' iloquiaxa'n, qataq qomi' ỹo'oldauec da yaqto' qolqa'ai ne'ena 'alhua maye qomi' 'aỹa'anema co'ollaxa da ỹataqta qaralamaxat.

1 Samuel 24:17

nache 'enapeco': 'Am, ỹataqta aỹem 'auo'otec da nalochiguiñi lataxac, qaq saq 'ena'am aỹem, cha'aye nmeneguet 'anqa'en da no'on dam qauem maye 'am so'otec.

Deuteronómio 2:16

Qaq co'ollaq mashe nmichiguiñi se'eso shiỹaxauapi maye alaataxaicpi co'ollaxa,

Génesis 44:3

Qaq co'ollaq nnoxotcheguem aso nala' so lỹa na'a'q, nache so José ỹasheetrec soua lqaỹa't da je'c, lỹatrec soua lalo 'ashena.

Génesis 44:13

Nache soomaye ncolaxata'aisalo soua alogo, da la'anaxat da nqui'i'c. Qaq ime nache ñi 'oonolec soomaye ỹasaxalec so lla'ac soua lalo 'ashena, nache ỹe'eguelaxareua'a so huaqta'a't nỹecpi.