Génesis 44:21 - La'aqtaqa Ñim Lo'onatac 'Enauacna 2013

²¹ Qaq huaña, nache 'am qomi' 'auỹaxanoto da ishet da ñauegaq ñimaye, cha'aye 'auauotaique da 'auauatton.

Génesis 44:21 Referans Kwoze

Génesis 42:15

Qaq nagui qami' she'eguena'q: aỹem san da ỹa'aqtac chegoqchigui ñi faraón da qami' shenapegalo, da saishet da qoquiỹa'ai ne'ena nato' qom nvi' cam qarqaỹai na'asa.

Génesis 42:20

Qaq ime qome, nache qanaviqui ca qarqaỹai na'asa, yaqto' saỹaanaq da ỹoqta 'eesa da qara'aqtaqui. Qaq qom saq 'en, nache qami' qaullivi.» Qaq soomaye ỹasa't,

Amós 9:4

Qaq da huo'otaq ca npa'aguenaxauapi da loxonecpi namayepi, nache da ỹauega ca ỹaqa'a 'alhua nache ilem ñaqa'en ca ỹeelonec. Qaq aỹem selota'a qome namayepi qalaxaye saishet da so'otec ca no'on, nacherata da talec ñaqa'en qome ca qauem.»

Jeremías 40:4

Ñaq 'aulogui nagui da aỹem ñeqat na 'arquet lcat maye 'ancoñetaxat. Qaq 'am da 'auauotaique da aỹem 'auca'ategue da saxague da Babilonia, nache qolaq, qaq aỹem 'am selo'ogue qome. Qalaxaye da saishet da aỹem 'auca'ategue, nache qaica ca 'eetec da 'ano'onañi. Cha'aye 'ena nam 'alhua, qaq maicheye ca 'arauela da 'anqo'ona da qonaña.

Jeremías 24:6

qataq ñepaxattalec, qataq ñe'eguelaxata qome ne'ena 'alhua. Qaq nache huaña qome ne'ena da qaica ca iueetaique, qataq saishet qome da qaltaq she'eguelaxa da selaxachigui namayepi, saañi qome namayepi, nache saishet da qaltaq ñapogosheguem.

Génesis 43:29

Nache so José ỹamatapiguiñi, nache ila'a so Benjamín som lalamaxat lqaỹa, maye 'oonolec so lta'a qataq aso late'e. Nache 'enapeco': «¿De'era peta'a nachera da qarqaỹai na'asa dam aỹem qaua'axacheetapeguem caillaye? ¡Ñim Lo'onatac 'Enauacna 'am ỹaalec qome ca lchoxonnataxanaxa, 'am ỹalcolec!» Qaq co'ollaq nasaxauec de'era,

Génesis 44:22

Qaq qomi' 'am sa'axataqtapeguem co'ollaxa da ñi'iñi nsoqolec saishet da ca'ai ñi lta'a, cha'aye da ca'ai, nache ñi lta'a ishet da ileu.