Génesis 44:18 - La'aqtaqa Ñim Lo'onatac 'Enauacna 2013

¹⁸ Nache so Judá nquicot so José, nache 'enapega 'eeta': «'Am ñachoxonnot, 'am ỹataxala', da aỹem 'auasheetem da huo'o catai' ỹa'aqtacolec da 'am sesoxootot. Aỹem 'arqouaguec qome, saishet da aỹem 'aualemataỹa, cha'aye 'am nache qoneta'am ñi Faraón.

Génesis 44:18 Referans Kwoze

Éxodo 32:22

Nache so Aarón 'enapeco': «'Am ỹataxala', saishet qome da aỹem 'aualemataỹa. Qataq 'auaỹaten mque' da ne'ena shiỹaxauapi nqopita da ỹo'ot na sa ỹaỹamaxañi.

Génesis 41:40

Qaq nagui aỹem, 'am sepataxalec da 'aulo'ogue na ima' lta'araic qaq 'enauac qome na ihuo' le'ecpi da ỹalaxalec cam 'aramaxasoxonaxac. Qaq chaqaỹemta qome da 'am ñapactelec, cha'aye nachaỹem nta'a.

Génesis 18:30

Qalaxaye so Abraham qaltaq ỹe'eguelaxalec da, 'enapec: «'Am ñachoxonnot da saishet da aỹem 'aualemataỹa, souaxat dam she'eguelaxattalec inataxanaxac, ¿qaq da huo'otaq 'aulaleguete caua treinta?» Nache Ñim Nataxala', qaltaq ỹasateguet somaye, 'eeta': «Qomye da huo'oi caua treinta, nache sechoxoren qome yi'iye huaqta'a't nỹecpi.»

Génesis 41:44

Qaq huaña nache so faraón 'enapega so José, 'eeta': «Na'aictoxo' da aỹem, nachaỹem faraón, qalaxaye qaica qome ca 'oonolec shiỹaxaua ne'ena 'alhua Egipto, da hua'aualec da ỹo'ot ca sa 'auamaxalec.»

Génesis 18:32

Qaq so Abraham, qaltaq ỹe'eguelaxalec co'ollaxa da denataxan, 'eeta': «Ñaq aỹem 'anqouaguec 'Am Ỹataxala', saishet da aỹem 'aualemataỹa, qalaxaye nache pa'atec nagui da 'am senat, ¿ca qonetec da huo'otaq 'aulaleguete caua diez?» Nache Ñim Nataxala', 'enapeco': «Qomye da huo'oi caua diez, nache saishet qome da selaxachigui yi'iye huaqta'a't nỹecpi.»

Hechos 2:29

Qami' ỹaqaỹa't, qami' qauaỹaañita da so hua'au qarta'a David, somaye co'ollaq ileu, nache qailareñi, qaq nagui ña seloqta'a añi nhuachiqui da ñaq huo'o.

Juan 5:22

Qataq Ñi Ita'a, saishet da nmit na shiỹaxauapi, chaqrata da ỹanem na Llalec 'enauac da la'añaxac da nmit namayepi,

Daniel 5:19

Qaq souaxat dam la'amaqchec maye qoỹanem, nache 'enauac na nhuo' le'ecpi, na ỹotta'a't shiỹaxauapi, qataq na ỹotta'a't na la'aqtacpi ỹataqta lta'araic naqa'en da 'enec, qataq iviloxol naxa da datato'ot somaye. Qaq somaye ỹalauat cam tachigui da ỹalauat, qataq nca'alaxattauec cam tachigui da nca'alaxattauec, qataq huo'o na ỹanem da la'amaqchec, qataq huo'o na ỹanem da qaica ca 'enec.

Daniel 3:15

Qaq nagui da qaua'aqaiỹa ca l-lamaxa aca nviquepi, qaq ¿peta'a qami' lhuotte' da qanatamñiỹot ñim ne'enaqtac oro maye samaxasoxoolec co'ollaxa da qaỹo'ot? Cha'aye da sa qanatamñiỹot ñimaye, nache nagui qami' qaỹasaxaiguilo aca nqatelaxanaxaqui maye 'ettaigui, nache ¿negue't qome ca atamnaxala' ca ishet da qami' nca'alaxatrec?

Proverbios 19:12

Da lalemataic ca nta'a 'eeta'am ca quiyoc da desoqo, qaq da lqouagaxanaqtaic 'eeta'am na 'aỹa da talec na 'auaqpi.

Salmos 79:5

'Am Nataxala', ¿chaq laguio' da vi'iiguet da 'aralemataic? ¿peta'a chochaq tatec da 'ettaigui da 'arayeloxo da 'eeta'am ca norec?

Da na'aqtaguec so Job 33:31

Qaq aỹem 'ana'axaỹaxana qome 'am Job, ña 'aue'enaxaatai', cha'aye aỹem setaqa.

Ester 1:12

Qalaxaye aso nate'e saishet co'ollaxa da ỹalaxaguet da la'aqtac so nta'a, maye ỹanema soua shiỹaxau' maye ỹataqta lpe'e'te. Nache so nta'a ỹataqta dalemata qataq ỹataqta nlaxagui da lalemataic,

2 Samuel 14:12

Qalaxaye aso 'alo qaltaq, 'eeta': 'Am nta'a, 'onaxaictaxa da aỹem 'auasheetem da sauo'o ca lỹa ỹa'aqtac. Nache so nta'a, 'enapeco': «Aja', 'autaqa.»

Génesis 37:7

Aỹem sechoxootega da 'enauaque qomi' souaqtauga so no'onaxa, so'otaqtac aso qoraqtapi na trigo. Qaq nque'elaxatta da aso ỹaqta nachaañi, nache ỹashequitcheguem, qaq soua qoraqtalli' coleesopa asomaye, nache soomaye naqto'oto aso ỹaqta.»

Génesis 37:8

Qaq huaña nache soua lqaỹa't 'ena'apo': «¿Damaye naigui peta'a da 'am qarta'a qome, qataq qomi' 'auamaqta'ape?» Qaq huaña, nache qaltaq ỹactec da qanquiỹa, souaxat so lchoxonaxac, qataq da 'eetec da la'aqtaxanaxac.

Génesis 44:17

Qalaxaye so José 'enapeco': «'A'i, saishet da nache sheetec de'era. Nachecata qome cam hueto'ot aca ỹomaxaqui da sauo'o ilatac. Qaq naua lỹa't, qalaq ishet qome da ỹe'eguelaxalo ca lma' ca lta'a, nda'a't qome da qaica ca machaqca.»

Génesis 37:6

Cha'aye so José 'enapeco': «Aỹem qana'axaỹaxañiỹa, qami' sa'aqtaxanema so ichoxonaxac.