Génesis 44:16 - La'aqtaqa Ñim Lo'onatac 'Enauacna 2013

¹⁶ Nache so Judá 'enapeco': «¿Hua'agom ca 'eetec ca qarasataxac da 'am sasataxaguet? ¿Qataq negue'tom ca qara'aqtac da shenaqpec da qaica ca sasouaxataq? Ye Ñim Lo'onatac 'Enauacna mashe ilalec da qarasouaxashet. Qaq nagui qomi' souaqta'a ne'ena, qaq ñañanaq da 'auauo'oi qomi' 'arlataqa, qarỹateuo dam hueto'ot aso ỹomaxaqui.»

Génesis 44:16 Referans Kwoze

Génesis 44:9

Qaq no'on da qaỹalauat qome ca 'oonolec ne'enaua 'aramaxa'she da huo'otaq hueto'ot aca ỹomaxaqui, qaq qomi' nataqa'en ishet qome da 'auauo'oi qomi' 'arlataqa.»

Daniel 9:7

'Am Nataxala', ỹataqta no'on da 'arataxac, qalaxaye qomi' judiopi, nagui ỹataqta huo'o da qara'agaxa, nam hueta'a ye Jerusalén qataq na laỹepi Israel le'ecpi, nam saqaỹapeque, qataq na qaỹoqta maye hueta'a nam ỹotta'a't 'alhuapi maye 'auamaxa co'ollaxa, souaxat da 'am saỹalaxaguet.

Lucas 12:2

Cha'aye 'enauac nam qoỹoxottapiguiñi ya'aqalec qataq 'enauac nam saq cha'api ivira'a da qaỹaỹaten.

Números 32:23

Qalaxaye da saishet da qauo'oche de'era, nache qauaỹachiñiita da hueto'ot da qarasouaxashichi Ñim Nataxala', nache huo'o ca na'a'q qaq qami' nvitalo ca qanhuaxanaguiqui souaxat de'era qarasouaxashichi.

Hechos 2:37

Nache so shiỹaxauapi co'ollaq hua'axaỹa de'era, nache ỹataqta daỹalli' naua lquiyaqte. Nache qainattac so Pedro qataq soua lỹa't namaxa'she, qoỹeeta': –Qami' qarqaỹa't, qaq nagui ¿chaq hua'ague ca shenaqtec?

Mateo 7:2

Cha'aye da saishet da qaurenataxañi da qanmichi ca qarỹai, nache Ñim Lo'onatac 'Enauacna nataqa'en saishet da qami' ire'n da qami' nmi't. Ñimaye qami' ỹo'oteque nataqa'en cam qauo'ochec na laỹepi shiỹaxauapi.

Isaías 27:9

Qalaxaye ỹapalaxat qome na lasouaxashetpi so Jacob, qaq da lataxac da ỹapalaxat na lasouaxashetpi, damaye 'eeta': Iuen da ilaxachigui iviraxata'a da nda'a't naqa'en na lsoche ana saq'en lca'atoxonaxalatepi, 'eeta'am da qailaxachigui na coma' nache nda'a't lsoche, qataq saishet da huo'o aca no'onañi naqa'en anam huetalec na lqui'ipi aso Asera, qataq anam nca'atoxonaxalatepi da qaỹavigaxat na nchenaxanaxat da qaỹo'oxoren nam atamnaxala'pi.

Isaías 5:3

Qaq nagui, qami' maye qarmaye na Jerusalén, qataq qami' ỹalleppi maye qarmaye na Judá, ña qaua'axache nagui ¿negue't ca huo'o ca lasouaxashet? Nam ỹanaxanaqa' qalqo' aỹem.

Proverbios 28:17

Ca dalaataxan, camaye saishet da vi'iiguet da naneltaxaatac choche ivitta'a aca huachiqui, nache qaica ca ishet da ỹe'egueeta'a da ỹa'axaneguet.

Proverbios 17:15

Da choche qaichoxoren ca huo'o ca lasouaxashet qataq da qaỹo'ot ca nhuaxanaguec ca qaica ca ỹasouaxat, qaq ne'enaua dos ỹataqta saishetegueta Ñim Nataxala'.

Da na'aqtaguec so Job 40:4

«¿Hua'ago' ca sheetec ca ỹa'aqtac aỹem? Ye ỹataqta qaica ca ỹa'amaqchec. 'Onaxaico' da choche ñe'emaxat.

Esdras 9:15

Qaq 'am Nataxala', qataq Natamnaxala' na Israel le'ecpi, 'am maye ỹataqta sa na'aigue da 'icỹaxac. 'Am maye chegoqchigui da qalota da shenaqta na nca'altauec. Qalaxaye qomi' ỹataqta ñanomaqta da 'am hueta'asop na qarasouaxashetpi, qaq ỹoqo'oye saq taiguet da 'am souaqto'ot.»

Esdras 9:10

Qalaxaye nagui, 'am Qanatamnaxala', ¿ca 'eeteco' ca qara'aqtac, ye mashe ime 'enauac na so'otaqpi? Cha'aye qomi' ỹataqta saishet da sepagaqchiguilo naua 'aramaxasoxonaxaco,

Jueces 1:7

Nache somaye 'enapeco': «Huo'o so na'a'q nache aỹem secheguerec soua dos llaxaata late'el qataq soua dos lqona late'el so setenta nta'alpi, qataq hueto'ot ñaqa'en na pa'aguiñi so iquia'axala' da yaqto' natotac na anoq lsoche. Qalaxaye Ñim Lo'onatac 'Enauacna, aỹem ỹe'enaxattem nagui de'era sheetec co'ollaxa somayepi.» Huaña nache so Adonisédec qaỹauega ye Jerusalén, yem huaña co'ollaxa da ileu.

Josué 7:18

Qaq co'ollaq nquigueuo qanqa'en ñi 'oonolec so ỹalleppi maye lalamaxat llalaqpi so Zabdi, nache qoỹecteua'a so Acán, som llalec so Carmi. Qaq so Carmi nache laual so Zabdi, qaq so Zabdi nache laual so Zeraj maye nataqa'en chegoxoguet so Judá.

Josué 7:1

Qalaxaye huo'o so 'oonolec so nhuo' le'ecpi maye chegoxoguet so Judá, somaye le'enaxat Acán, qaq somaye llalec so Carmi, qaq so Carmi nache laual so Zabdi, qaq so Zabdi nache laual so Zeraj, qaq se'eso Acán qalota co'ollaxa so ỹacona som nogoxoshetpi maye qaỹamaxasoxoolec co'ollaxa da qailaxachigui. Qaq ỹoqo'oye ỹataqta 'eroigui da lalemataic Ñim Nataxala', nache nmatañi da dalemataỹa so Israel le'ecpi.

Deuteronómio 25:1

Qaq da huo'oi caua shiỹaxau' da ncotatega't, nache iuen da tareua'a cam huaña da huo'o ca qancotaỹapigui, nache ca nmit na nasouaxashetpi nmi't caamaye, nache camaye ỹa'axat negue't cam qaica ca ỹasouaxat. Qaq ca huo'o ca lasouaxashet, nache qaỹo'ot ca nhuaxanaguec.

Génesis 44:32

Qaq aỹem shenapega co'ollaxa ñi ita'a, da aỹem maiche selo'ogue da nsoq. Qaq nataqa'en shenapega, sheeta': Qom saishet da 'am ñe'eguelaxata damaye, nache da ỹasouaxashet 'am hueto'ot qome 'enauaque naua vi'iye da ñachaalataxac.

Génesis 37:9

Qaq co'ollaq qaỹata'ague, nache so José qaltaq huo'o so lỹa lchoxonaxac, qaq nataqa'en da'aqtaxanema soua lqaỹa't, nache 'eeta': «Aỹem huo'o so lỹa ichoxonaxac, qaq se'eso ichoxonaxac selota'a aso nala', qataq so ca'agoxoic, qataq soua once huaqaañi, nache soomaye aỹem natameetracot.»

Génesis 37:7

Aỹem sechoxootega da 'enauaque qomi' souaqtauga so no'onaxa, so'otaqtac aso qoraqtapi na trigo. Qaq nque'elaxatta da aso ỹaqta nachaañi, nache ỹashequitcheguem, qaq soua qoraqtalli' coleesopa asomaye, nache soomaye naqto'oto aso ỹaqta.»

Génesis 44:17

Qalaxaye so José 'enapeco': «'A'i, saishet da nache sheetec de'era. Nachecata qome cam hueto'ot aca ỹomaxaqui da sauo'o ilatac. Qaq naua lỹa't, qalaq ishet qome da ỹe'eguelaxalo ca lma' ca lta'a, nda'a't qome da qaica ca machaqca.»

1 Reyes 17:18

Nache aso pa'ai 'enapega so Elías, 'eeta': 'Am nale Ñim Lo'onatac 'Enauacna ¿negue't cam qonetapeguec da sheeta? ¿Peta'a 'auanac da aỹem 'antoonaxanaxanec na ỹasouaxashetpi, nache 'auo'ot da ileu na ỹalec?