Génesis 44:1 - La'aqtaqa Ñim Lo'onatac 'Enauacna 2013

¹ Qaq co'ollaq ime de'era, nache so José ỹamaq so ilotague' so lma', 'eeta': «'Auỹoxoguilo qome na trigo 'enauaque caua lachoxonaxaqui' ne'enaua shiỹaxau', maicheye cam tachiguiiña cam ishet da ỹache', qataq 'auachanguilo qome naua ala'api caua lachoxonaxaqui' aca alom ñi 'oonolec naamaye.

Génesis 44:1 Referans Kwoze

Génesis 42:25

Qaq ime co'ollaxa, nache damaxasoxoolec da qaiỹoxoguilo na trigo soua lachoxonaxaqui', qataq da qaỹe'eguelaxatot ñi 'oonolec aso maiche alom, qaỹachanguilo soua lachoxonaxaqui', qataq damaxasoxoolec da qoỹanema soomaye ca aloq da huangui na nqa'aic. Qaq 'era da qoỹeetec.

Génesis 43:16

qaq so José co'ollaq ila'a so Benjamín da nnaictagueto soomaye, nache 'enapega som ilotague' so lma', 'eeta': «'Auauegalo qome ñi ima' ne'enaua shiỹaxau', nache 'aualauat qome aca huaca, nache 'auo'ot ca nallec, cha'aye qomele na'a'q laiñi nache iquia'axau' qome naamaye.»

Isaías 3:1

¡Ña qauloichigui de'era! Ñim Nataxala' maye Qaica ca Ỹaqalanapec nqateeguesop qome na Jerusalén qataq ye Judá, 'enauac da ntaunaguec qataq da qoỹaata'am na nallec, qataq na 'etaxat.

Génesis 43:19

Qaq ỹoqo'oye soomaye co'ollaq mashe ivildeua'a so lasom so nỹec, nache nquiguereua'a som ilotague' so nma' da detaxairapegue' somaye,

Génesis 43:2

Qaq so Jacob qataq soua llalqa co'ollaq mashe imeuo som trigo maye qaỹachegoxota'a co'ollaxa ye Egipto, nache so Jacob 'enapegalo' soua llalqa, 'eeta': «Qaltaq qavi'iguelaqỹa qome ye Egipto, nache qausheenaxañiỹaique ca qonoq trigo.»

Génesis 24:2

Qaq huo'o so na'a'q, nache iỹaxaneuga so ỹataqta ỹa'axaiquiolec som lamaxashecpi, som ilotague' 'enauac so lalamaxatpi somaye, nache 'enapega, 'eeta': «'Auacho'ot na 'arhuaq na itele'eta,

Génesis 44:2

Qataq nataqa'en 'auachangui qome na alap ca lachoxonaxaqui dam lqaỹa na'asa aca ñeỹomaxaqui maye chegaqaigui na plata, 'auauaxaỹaxaate' qome aca alom maye lsheetenaxanaqte da isheeten na trigo.» Nache som ilotague' so nma', ỹo'ot co'ollaxa 'enauac nam ỹamaxalecpi so José.

Génesis 42:35

Qaq soomaye co'ollaq mashe iqui'itaxattapiguilo soua lachoxonaxaqui', nache ilaleguete soua laỹe'tole aso maiche alom, huetagui ñi 'oonolec soua lachoxonaxaqui', nache soomaye qataq so lta'a' ỹataqta huo'o da lcolanaqa'.