Génesis 43:8 - La'aqtaqa Ñim Lo'onatac 'Enauacna 2013

⁸ Nache so Judá 'enapego' so lta'a Israel, 'eeta': «Da sauoqtaique da nache queta da ñeca'alaqtauec, qaq no'on da 'aua'aqta'a ñi nsoqolec da jec nache aỹem selo'ogue qome, yaqto' sa qaỹaloq da qolaq, qataq yaqto' 'am qataq qomi', qataq na qochalaqpi saishet qome da seleuaq.

Génesis 43:8 Referans Kwoze

Génesis 42:2

Ye aỹem qaỹa'aqtaxaatapeguem da ye Egipto huo'o na trigo. Ña qanqo'oñiỹactaxa yemaye, nache qausheenaxañiỹa ca qonoq trigo, yaqto' nache 'eetai' da ñeca'alaqtauec.»

Deuteronómio 33:6

Qaq 'era co'ollaxa da la'aqtac so Moisés, maye talec naqa'en so chegoxoguetpi so Rubén, 'eeta': «¡Nache 'eetai' qome so Rubén! ¡Qataq saishet qome da imeuo, na'aictaxa da saq 'amaqtaq na nalleppi!»

Salmos 118:17

Qaq ỹoqo'oye aỹem saishet qome da seleu, nacherata da ñeca'altauec yaqto' sa'axattac 'enauac na ỹo'otpi Ñim Nataxala'.

Esdras 8:21

Qaq so ñaq sonaqtaña so loigue so tala Ahavá, nache samaxalec somayepi da nqouaqcheela't qataq ỹataqta ñemanaqot Ñim Qanatamnaxala', qataq seỹaxanaqot Ñimaye da qomi' nnaictagueto de'era qoyecỹaxac, qataq da ntela'a so qoyalaqpi, qataq 'enauac so qorogoxoshetpi.

2 Reyes 7:13

Nache huo'o so 'oonolec som lamaxashecpi somaye, 'eeta': Ña qaỹama'q taxa caua ỹale't, nache neleguete naua cinco caaỹol maye no'oirañi, yaqto' saỹatenaq ca 'eetec. Cha'aye da ileu', nache saishet da 'eeta'am da nque'eenaxac nam qalota Israel le'ecpi, maye ño'onaqaña ne'ena.

2 Reyes 7:4

Qaq dam senoxonaxaua'a ne'ena huaqta'a't nỹecpi, nache seleuaqaigui qome namaye, cha'aye ỹataqta lta'araic na nqouaxa, qaq da nache souaqta'a ne'ena, nache nataqa'en seleuaqaña. Qaq 'onaxaictaxa da ñeqo'onaxauga yem siiriopi, shapegueto' da qomi' ichoxore'n, nache ñecala'axauec, qaq qom qomi' ỹalauat, qaq nache 'ena'am seleuaq qome.

Números 14:31

Qaq na qaỹa'alquipi, maye qoñiitega loxonec na qanpa'aguenaxauaipi, namayepi sauegueua'a qome ye 'alhua maye qauo'otañi, nache nalec ñaqa'en.

Éxodo 20:12

Huo'o naq 'enec 'anqa'en ca 'arta'a, qataq aca 'arate'e, yaqto' qaỹoqtec da 'anachaalataxac da qouetalec ana 'alhua maye 'am ỹami' Ñim Nataxala' maye 'Anatamnaxala'.

Génesis 50:21

Qaq ỹoqo'oye saishet qome da qayi'i cha'aye aỹem qami' sanema qome ca qo'oqoi qataq na qaỹa'alquipi.» Qaq 'era da 'eetec so José da machiyiñi naqa'en soua lqaỹa't, cha'aye co'ollaq detaqtacoto nache ỹataqta huesotte' naua la'aqtaqa.

Génesis 50:8

Qataq nataqa'en nnaicapegue' so maiche lalamaxat llalaqpi so Jacob qataq so José qataq soua lqaỹa't. Qaq ndotec co'ollaxa so ñaqpiolec qataq so 'atetpi da qano'onaxatalec ye 'alhua Gosén.

Génesis 45:19

Qataq qonapegalo caamaye da ỹaue'c caua naigonal ỹachegoxotchiguiña na Egipto, da yaqto' ỹe'eguena'alo, nache naue'c caua lhua't qataq caua llalqa, qataq nataqa'en cam qarta'ai. Qaq anac qome

Génesis 44:26

qalaxaye qomi' shenaqtega ñimaye, shenaqta': Qomi' saishet da qolaq qom saishet da qomi' ca'ateguelo ñi qarqaỹa na'asa, cha'aye ñimaye da saishet da qomi' nnaicapegueto, nache saishet qome da qaltaq ñauanaxai' ñi'iñi ỹale.

Génesis 42:38

Qalaxaye so Jacob 'enapeco': «Ñi ỹalec saishet da qami' ca'ateguelo. Cha'aye so lqaỹa José mashe ileu, qaq chaqñeta ñimaye da no'onañi. Qaq ñimaye da huo'o ca huaigui qauem da qoyecỹaxaqui, nache qami' qarasouaxashechi qome da ne'ena ỹa'axaiquiolec ilem da laquicoxo.»

Génesis 44:20

nache qomi' 'am sasataxaguet da ñaq huo'o ñi qarta'a maye mashe ỹa'axaiquiolec, qataq ñi qarqaỹa maye ñaq nsoqolec. Ñim ñiguiñi co'ollaq mashe ỹa'axaiquiolec ñi qarta'a. Qataq nataqa'en 'am sa'axataqtapeguem da ñi qarta'a ỹataqta lauotaxat ñimaye, cha'aye Nacheñita ñimaye da no'onañi llalec aso lhua, cha'aye so lỹa lqaỹa mashe ileu.