Génesis 43:7 - La'aqtaqa Ñim Lo'onatac 'Enauacna 2013

⁷ Nache soomaye 'ena'apo': «Qomye souaxat da ñimaye ỹataqta qalota da nnataxanaxac, da qomi' ichemaxattegalo, qataq denataxaateguec na qoyalaqpi. Qomi' inatta'ape, 'eeta': ¿Ña nca'altauec peta'a ca qarta'ai? ¿Huo'o peta'a ca lỹa qarqaỹai? Qaq qomi' nacherata da sasataxaguet na nnataxanaxacpi ñimaye. ¿Qaq ca 'eeteco' da saỹaanaqa'a da qomi' 'enapegalo, da 'eeta': Qanaviqui qome ca qarqaỹai?»

Génesis 43:7 Referans Kwoze

Génesis 43:3

Qalaxaye so Judá 'enapeco': «Ñi'iñi ỹale maye sachegoxosoqa'a co'ollaxa, ñimaye ỹataqta ỹataqtegue da la'aqtac, 'eeta': ‹Qom saishet da qanaviqui ca qarqaỹai na'asa, nache saishet da qañe'eguelaqỹa aỹem.›

Génesis 43:27

Nache so José ina't soomaye, da qaica camachaqca, qataq nataqa'en ina't soomaye, 'eeta': «¿Qaica peta'a camachaqca cam qarta'ai, cam ỹa'axaiquiolec maye aỹem qaua'axacheetapeguem caillaye? ¿Peta'a ñaq nca'altauec camaxa?»

Génesis 42:13

Qalaxaye soomaye 'ena'apo': «Qomi' maye qomi' 'aramaxa'she, qomi' doce nqaỹa't, 'oonolec ñi qarta'a, qaq sonaqtaña ye 'alhua Canaán. Qaq ca qarqaỹa na'asa no'ona'aguet ca qarta'a. Qaq cam lỹa qalaq mashe saishet da qomi' hueta'agueta.»

Génesis 43:6

Qaq huaña, nache so Israel 'enapeco': «¿Ta'ainco' da aỹem qauo'ochec de'era qauem? ¿Ta'ainco' ye qaua'aqtaxañim co'ollaxa que'eca ỹale da huo'o ñi lỹa qarqaỹai?»

Génesis 44:19

'Am qomi' 'aunatta'ape co'ollaxa soua lỹa't na'axa'te, da huo'o ca qarta'a qataq da huo'o ca lỹa qarqaỹa,

Génesis 42:11

Qaq 'enauaque qomi' da 'oonolec ñi qarta'a, qataq qomi' no'on da qarataxac. Qaq sa ỹauano' da choche qomi' nmeenaxanaxanaqa.»