Génesis 43:26 - La'aqtaqa Ñim Lo'onatac 'Enauacna 2013

²⁶ Qaq so José co'ollaq ivireua'a so lma', nache soomaye ỹanema som lachetaqtaxanaxa't maye ndotrai', nache ỹa'alyiñi naua l-llecte, qataq iviraxata'agueta naqa'en naua lata'pi na 'alhua.

Génesis 43:26 Referans Kwoze

Génesis 42:6

Qaq so José nacheso som ilotague' co'ollaxa yi'iye 'alhua, qataq nacheso so imeetacot na trigo 'enauac na shiỹaxauapi maye chegaqa'alo naua lỹa't nma'ate. Qaq soua lqaỹa't co'ollaq nvildeua'a somaye, nache ỹa'alyiñi naua l-llecte, qataq iviraxata'agueta naua lata'pi na 'alhua.

Romanos 14:11

Cha'aye ana nere maye huetalec na la'aqtacpi Ñim Lo'onatac 'Enauacna 'eeta': «Ỹataqta 'eesa de'era san ỹa'aqtac, da 'enauac qome na shiỹaxauapi Aỹem ỹa'aroto naua l-llectel, qataq 'enauac qome namayepi Aỹem ỹo'oxoren.»

Génesis 27:29

Qataq qalota qome cam shiỹaxauapi 'am do'onataxaatacot, qataq cam ỹotta'a't shiỹaxauapi 'am ỹa'aroto qome naua l-llecte. Qataq 'aulo'ogue qome ca 'aralamaxat 'arqaỹañecpi, ¡maye 'am ỹa'aroto qome naua l-llecte! Qaq ca 'am ỹasaxalec ca qauem, qalaq talec qome cam qauem, qaq ca 'am ichoxoren, qalaq talec qome ca nchoxonnataguec.»

Salmos 72:9

Qataq nañanot qome camaye na mpa'aguenaxauapi, maye netalec ye toolec 'alhua.

Génesis 43:28

Nache soomaye qaltaq ỹa'alyiñi naua l-llecte, nache 'ena'apo': «Ñim qarta'a maye 'aramaxashec, ñimaye qaica ca dá. Ñaq nca'altauec.»

Génesis 33:3

Ime, nache so Jacob hua'aua'ague da taỹa'ague somayepi, nache siete da ỹe'eguelaxalec da ỹa'alyiñi naua l-llecte, qataq iviraxata'aguet naqa'en na latap na 'alhua, choche ivitta'a da saqaỹapeque naqa'en so lqaỹa.

Génesis 43:11

Qaq huaña nache so Israel, 'enapeco': «Hua', cha'aye mashe qaica ca lỹa lataxac damaye, qaq no'on da qauo'oche dam shenapec: qauache qome, qauachiỹaguilo caua qarachoxonaxaquilli' ca nme que'eca ỹale. Qauroỹa qome camaye ca ỹataqta no'on ala na souaqta'a 'alhua: qauroỹa ca saq 'amaqtaq qo'oipaq lcha'q le'enaxat bálsamo, qataq ca mirra, qataq ca saq 'amaqtaq dapic lli'i, qataq ca coraxat ama na laita, qataq aca qo'oipaq ala le'enaxat nueces, qataq ca almendras.

Éxodo 18:7

Nache so Moisés jec da ca'atta'aguet so lacho'. Qaq co'ollaq ivireguet, nache ỹa'aldoto naua l-llecte somaye. Ime, nache napigoxoi'. Qaq co'ollaq ime da nquiitega't, nache tareua'a so npe'l.