Génesis 43:23 - La'aqtaqa Ñim Lo'onatac 'Enauacna 2013

²³ Nache som ilotague' so nma', 'enapeco': «A'aye, qaue'enaxañeetai', saishet qome da qayi'i. Souaxai' nacheñi Ñim Qanatamnaxala'ai qataq natamnaxala' cam qarta'ai, ñim ỹoxochiguilo co'ollaxa aso anom naua ala'api soua qarachoxonaxaquilli', cha'aye aỹem mashe saconeguet aso anom maye qarsheetenaxanaqchi.» Nache som ilotague' so nma' nqatec co'ollaxa so Simeón, nache ỹauegueuga so huetra'a soua lqaỹa't.

Génesis 43:23 Referans Kwoze

Génesis 42:24

Nache so José ca'aisalo co'ollaxa soomaye, nache nỹeetac. Qaq co'ollaq ñe'eguelaxa so huetra'a soomaye, nache iỹotauga so Simeón, nache ỹauaachigui naqa'en soomaye co'ollaq damaxasoxoolec da qaicoñe'.

Juan 20:26

Qaq co'ollaq mashe ivi' naua ocho na'axa'te, nache soua napaxaguenataqa qaltaq lapoota'a't da huetra'a so nỹec, nache ỹalectauo so Tomás da hueta'agueta soomaye. Qaq na'aictaxa da ỹataqta ỹapochigui so lasom, qalaq So Jesús pa'auo, nache vichiguinguilo soomaye. Nache iqui'n, 'eeta': –Ñim Lo'onatac 'Enauacna qami' ỹanema da lqouagaxanaqtaic qataq da qarlagaxayiqui.

Juan 14:27

Qami' sanema da nlagaxayec, qalaxaye saishet da nachera da nlagaxayec maye huetalec ana 'alhua. Cha'aye dam qami' sanema, nachera da maiche ỹalamaxat ilagaxayec. Saishet qome da leuapigui ye qarvilli, huo'otaq da qayi'i, souaxat de'era maye yaqta'a da qaviyeeguet.

Juan 20:21

Ime, nache So Jesús qaltaq ỹe'eguelaxalec da 'enapegalo soomaye, 'eeta': –Qami' huo'o da qarlagaxayiqui. Qaq de'era 'eetec co'ollaxa da Aỹem namaq Ñim Ita'a, qaq nachera qome da sheetec da qami' sama'q.

Juan 20:19

Qaq se'eso na'a'q maye la'auaxanec naua na'axa'te co'ollaq mashe pe, nache soua napaxaguenataqa, soomaye lapoota'a't hueta'a ca nỹec. Qaq so lasom se'eso nỹec ỹataqta napochigui, souaxat da qañe'etega na lataxala'pi na judiopi. Nache So Jesús pa'auo, nache vichiguinguilo na laiñi soua lapaxaguenataqa. Nache iqui'n, 'eeta': –Ñim Lo'onatac 'Enauacna qami' ỹanema da lqouagaxanaqtaic qataq da nlagaxayec.

Lucas 24:36

Qaq ña qana'aqtaxaatapigui de'era, co'ollaq So Jesús nachaxan nachatchiguingui na laiñi se'esoua lapaxaguenataqa. Nache iqui'n soomaye, 'eeta': –La', qauacoñiiguet da l-lagaxayec Ñim Lo'onatac 'Enauacna.

Lucas 10:5

Qaq da huo'o ca qaviyeeua'a nỹec, qalaq qauquiñi 'enauac ca hueta'a que'eca nỹec, qauachaxañi da qaryaqai da que'eca nỹec no'on da taỹa'ague.

Génesis 42:28

Qaq huaña nache da'aqtaxanema soua lqaỹa't, 'eeta': «¡Ña qauloỹa ana aỹom aỹem qaỹe'eguelaxatot! ¡'Ana, huetangui na alap na ỹachoxonaxaqui!» Nache 'enauaque soomaye ỹataqta ñi'i', iviloxolaqchet da lcolanaxa, nache detaqtega'to', 'eetra': «¿Negue'to' da, dam qomi' ỹo'oteque Ñim Lo'onatac 'Enauacna?»

Esdras 4:17

Huaña nache so nta'a Artajerjes, ỹamaq so la'aqtac 'eeta': «'Am Rejún, maye 'am lataxala' na huataxanaq lta'alpi, qataq 'am neraxanaxanec Simey, qataq 'enauac na qartauaipi maye netaña ye Samaria qataq ye laỹepi huaqta'a't nỹecpi maye pa'aỹa'ague da avit ye tala Éufrates: Qami' taỹa'alo da iquinaxanaxac.

1 Crónicas 12:18

Qaq huaña nache so Amasay, maye lataxala' so treinta ỹalleppi, talec som Saqcha'a Na'añaxac, nache ỹataqta nlamaxaren 'eeta': «¡'Am souaqta'aguet 'am David, maye 'am llalec so Yesé! ¡Qaq da nlagaxayec 'am huetalec qome! ¡Qataq nam 'am itauaatacpi, cha'aye Ñim Lo'onatac 'Enauacna 'am itauaatac!»

1 Samuel 25:6

Qataq qaỹa'añim qome da ỹa'aqtac maye, 'eeta': Ỹataqta 'am nlaqchigui qome da 'arlagaxayec, qataq na 'aỹa'alaqpi, qataq 'enauac nam 'aralamaxatpi.

Jueces 19:20

Qalaxaye so ỹa'axaiquiolec 'enapec: No'on da 'arviraxac. Qaq nagui nache maiche souapegue' 'enauac ca 'aueetaique. ¡Qalaxaye saishet da 'am sashenem da nache qoueta'a ne'ena naponqa' na pe!

Jueces 6:23

Nache Ñim Nataxala' 'enapeco': «'Am talec da nlagaxayec. Qaq saishet da 'añi'i, cha'aye saishet da 'aleu.»

Génesis 43:14

Qaq Ñim Lo'onatac 'Enauacna maye Qaica ca Ỹaqalanapec, nacheñi qome ñi ỹanem que'eca ỹale da qami' ichoxore'n da yaqto' isouec cam lỹa qarqaỹai qataq ñi Benjamín. Qaq aỹem, da qaica ca ỹalec, qalaq nache 'ena'am ¡nalotañi da qaica ca ỹalec!»

Génesis 42:36

Qaq huaña, nache so Jacob 'enapegalo soua llalqa, 'eeta': «Qami' mashe huotaique da qaica qanqa'eñi ca ỹalec. So José mashe saishet da qomi' ỹalectaiguilo, qataq ca Simeón. ¡Qaq nagui qataq huotaique da qauotaxañic ñi Benjamín! ¡Qaq de'era qauem 'enauac da aỹem tateguelec!»

Génesis 43:22

Qataq nataqa'en ñachoqtac aye laỹe qorom da yaqto' sesheenaxanaxa ca trigo. Qalaxaye qomi' sa saỹaanaq, chaq negue't co'ollaxa ca ỹoxochiguilo soua qarachoxonaxaqui' ayem hua'auñi qorom.»

1 Crónicas 12:19

Qataq nataqa'en huo'o so chegoxoguetpi so Manasés da itauan so David, co'ollaq so David ỹalectaigui so filisteopi da nalaate' so Saúl. Qalaxaye saishet da ipaca'a da itauan somayepi, cha'aye som lataxala'pi so filisteopi co'ollaq ime da laỹona't da na'aqtaxana't, nache sa nasheneguet, cha'aye somayepi 'enapeco': «¡Dam David, ishet da huaxaiguet so lataxala' Saúl, nache qomi' ỹalaua't!»