Génesis 43:21 - La'aqtaqa Ñim Lo'onatac 'Enauacna 2013

²¹ qalaxaye so seviraxa yem 'alhua maye huaña da ñemataxauec se'eso pe, nache selaqalec aso qorom maye qarsheetenaxanaqte da huetanguilo naua ala'api soua qarachoxonaxaqui'. Qalaxaye ñachoqtac ayemaye da 'am she'eguelaxataxam.

Génesis 43:21 Referans Kwoze

Génesis 43:12

Qataq ỹactec qanqa'eñi aca qauache qo'omi, qataq qavi'iguelaxache qome aca qo'omi maye qami' qaỹe'eguelaxatoto co'ollaxa, cha'aye sa iuena'a da choche nsomaxac damaye.

1 Pedro 3:16

Qalaxaye qauacheetaigui da qarauotaxanaqtaiqui qataq da 'enec qanqa'eñi namayepi. Qataq qano'onaxacheela't qami' maye qoquiitague' So Cristo, yaqto' saishet da tatapigui da qarvilli da huo'o ca qarasouaxashechi. Yaqto' nam sa iyacnapec da detaxaỹa da no'on qarataxaqui, namayepi ishet da maiche na'aloxon souaxat naua maiche la'aqtaqa.

1 Pedro 2:12

Qataq ỹataqta qano'onaxache da qarataxaqui da qoviitaigui cam shiỹaxauapi maye saishet da ỹa'amaqten Ñim Lo'onatac 'Enauacna. Yaqto' na'aictaxa da saishet da qami' iyacna'ape nagui da qami' detaqtegalo, 'eeta'am naqa'en da qami' 'etaxaloxoicpi, qalaxaye namayepi ila'a qome ca ỹaỹamaqchiguiñi qaro'onataxanaxaqui, nache ỹo'oxoreetac Ñim Lo'onatac 'Enauacna qom ivita ca na'a'q da ñi 'oonolec da qoñiita ỹaneuo da lo'onataxanaxac.

Hebreos 13:18

Qanqouagaxauñiitaleguete qomi'. Cha'aye qomi' saỹatenaqta da Ñim Lo'onatac 'Enauacna qaica ca sa ỹaỹamaxaren qarataxac, cha'aye qomi' ñepogoxoinaqtapegue' da 'enauac da qauaỹamaxayiñiita da qarataxac.

Hebreos 13:5

Qataq saishet da ỹaguec da qarhuogoqoi da qanaviqui aca anom. Nachaqrata da qantoñiitapeguec cam qami' hueto'oto, cha'aye Ñim Lo'onatac 'Enauacna 'eeta' da la'aqtac maye nanettalec ana nere maye huetalec na la'aqtacpi Ñimaye: «Saishet da 'am seỹotec, qataq saishet da 'am salat.»

Romanos 13:8

Saishet qome da huo'o ca neto'ot aca qaravigaxaischi, nachaqrato' da lauotaxanaqtaic ñi 'oonolec ca lỹa. Cha'aye ca ỹauotec ca lỹa, nache camaye ỹataqta ipacchigui nam lamaxasoxonaxacpi Ñim Lo'onatac 'Enauacna.

Romanos 12:17

Da huo'o ca sa qami' iyacna'ape, nache saishet da qavi'eguelaxachiỹa'aguet da sa qauyacñiỹapec. Nachaqrata da qanpogoxoiñiỹapegue' da qauo'oche ca no'on, da talec 'enauac qanqa'eñi namayepi.

Génesis 43:15

Nache soua llalqa so Jacob ỹacona co'ollaxa so lachetaqtaxanaxatpi qataq ỹactec naqa'en aso ỹache alom, qataq ỹaue'c so Benjamín, nache je'c, da nqo'oora ye Egipto. Qaq co'ollaq ivitra yemaye nache nachaatreua'a so José,

Génesis 43:20

nache soomaye, 'ena'apo': «¡'Am qarataxala', qomi' 'auchoxore'n qome! Cha'aye ỹoqta 'eesa da soua na'axa'te lỹa't qomi' ñanaguenaq da sesheenaxanaxa na trigo,

Génesis 43:22

Qataq nataqa'en ñachoqtac aye laỹe qorom da yaqto' sesheenaxanaxa ca trigo. Qalaxaye qomi' sa saỹaanaq, chaq negue't co'ollaxa ca ỹoxochiguilo soua qarachoxonaxaqui' ayem hua'auñi qorom.»

Génesis 44:8

Ye qomi' soua lỹa't na'axa'te sachegoxosoqchiguiña ye Canaán da ñe'eguelaxataq aso anom maye selaqalec da huetanguilo naua ala'api soua qarachoxonaxaqui'. Qaq ¿taloxochiyo' taxa da secachaxa aca plata huo'otaq oro yem lma' som 'ana'aco'?