Génesis 43:19 - La'aqtaqa Ñim Lo'onatac 'Enauacna 2013

¹⁹ Qaq ỹoqo'oye soomaye co'ollaq mashe ivildeua'a so lasom so nỹec, nache nquiguereua'a som ilotague' so nma' da detaxairapegue' somaye,

Génesis 43:19 Referans Kwoze

Génesis 43:18

Qalaxaye soomaye ỹataqta ñi'i' souaxat da qaỹauegalo so lma' so José. Nache 'ena'apo': «¡Yo'oqta da qomi' qanauegalo ne'ena souaxat aso qorom maye qomi' qaỹe'eguelaxatema soua na'axa'te lỹa't, asom huetaguilo soua qarachoxonaxaqui', qaq nagui yo'oqta da qomi' qaicogaxana'ape, nache qomi' qaỹo'onataxanaxa'n da choche qomi' nlataqa, qataq nataqa'en naua qarelo!»

Génesis 43:20

nache soomaye, 'ena'apo': «¡'Am qarataxala', qomi' 'auchoxore'n qome! Cha'aye ỹoqta 'eesa da soua na'axa'te lỹa't qomi' ñanaguenaq da sesheenaxanaxa na trigo,

Génesis 15:2

Qalaxaye so Abram 'enapeco': «'Am Nataxala' qataq Atamnaxala', ¿negue'tom ca naigui da 'auauo'o ca aỹem 'aỹa'anem, ye 'am 'auaỹateeta da qaica ca ỹalec? Qaq cha'aye saishet da 'auauo'o ca ỹalec, nache ñim talec qome 'enauac na ỹalamaxatpi, nacheñi ñim ỹamaxashec Eliezer maye Damasco le'ec.»

Génesis 42:20

Qaq ime qome, nache qanaviqui ca qarqaỹai na'asa, yaqto' saỹaanaq da ỹoqta 'eesa da qara'aqtaqui. Qaq qom saq 'en, nache qami' qaullivi.» Qaq soomaye ỹasa't,

Génesis 43:16

qaq so José co'ollaq ila'a so Benjamín da nnaictagueto soomaye, nache 'enapega som ilotague' so lma', 'eeta': «'Auauegalo qome ñi ima' ne'enaua shiỹaxau', nache 'aualauat qome aca huaca, nache 'auo'ot ca nallec, cha'aye qomele na'a'q laiñi nache iquia'axau' qome naamaye.»

Génesis 44:1

Qaq co'ollaq ime de'era, nache so José ỹamaq so ilotague' so lma', 'eeta': «'Auỹoxoguilo qome na trigo 'enauaque caua lachoxonaxaqui' ne'enaua shiỹaxau', maicheye cam tachiguiiña cam ishet da ỹache', qataq 'auachanguilo qome naua ala'api caua lachoxonaxaqui' aca alom ñi 'oonolec naamaye.

Mateo 20:8

Qaq co'ollaq mashe pe, nache se'eso 'aco' 'enapega som ilotague' de'era lo'onataxanaxac, 'eeta': «'Auỹaxaneuga ca ỹo'onataxanaxanecpi. Ime, qaq 'ausheeten, 'aua'auaxaachiguiñi qome da 'ausheeten cam pa'atec da do'onataxan, choche ivitta'a 'anqa'en nam hua'auchiguiñi da do'onataxan.»

Lucas 16:1

So Jesús nataqa'en 'enapegalo soua lapaxaguenataqa, 'eeta': «Huo'o so ỹale ỹataqta sallaxanec. Qaq somaye huo'o so ipataxaguet da ilo'ogue naqa'en so lma'. Nache qaỹa'aqtaxaneua'a somaye da se'eso ilotague' naqa'en so lma', choche ỹa'ashaxan de'era lsallaxa.