Génesis 43:15 - La'aqtaqa Ñim Lo'onatac 'Enauacna 2013

¹⁵ Nache soua llalqa so Jacob ỹacona co'ollaxa so lachetaqtaxanaxatpi qataq ỹactec naqa'en aso ỹache alom, qataq ỹaue'c so Benjamín, nache je'c, da nqo'oora ye Egipto. Qaq co'ollaq ivitra yemaye nache nachaatreua'a so José,

Génesis 43:15 Referans Kwoze

Génesis 42:35

Qaq soomaye co'ollaq mashe iqui'itaxattapiguilo soua lachoxonaxaqui', nache ilaleguete soua laỹe'tole aso maiche alom, huetagui ñi 'oonolec soua lachoxonaxaqui', nache soomaye qataq so lta'a' ỹataqta huo'o da lcolanaqa'.

Génesis 43:11

Qaq huaña nache so Israel, 'enapeco': «Hua', cha'aye mashe qaica ca lỹa lataxac damaye, qaq no'on da qauo'oche dam shenapec: qauache qome, qauachiỹaguilo caua qarachoxonaxaquilli' ca nme que'eca ỹale. Qauroỹa qome camaye ca ỹataqta no'on ala na souaqta'a 'alhua: qauroỹa ca saq 'amaqtaq qo'oipaq lcha'q le'enaxat bálsamo, qataq ca mirra, qataq ca saq 'amaqtaq dapic lli'i, qataq ca coraxat ama na laita, qataq aca qo'oipaq ala le'enaxat nueces, qataq ca almendras.

Génesis 43:21

qalaxaye so seviraxa yem 'alhua maye huaña da ñemataxauec se'eso pe, nache selaqalec aso qorom maye qarsheetenaxanaqte da huetanguilo naua ala'api soua qarachoxonaxaqui'. Qalaxaye ñachoqtac ayemaye da 'am she'eguelaxataxam.

Génesis 43:25

Qaq soomaye ỹaqataxaatrai' so lachetaqtaxanaxa't, nache iuattra'aguet so José da nvireuo se'eso na'a'q laiñi, cha'aye soomaye mashe ỹaỹate'n da nache huaña yemaye da deque'e'.

2 Crónicas 28:7

Qaq so Zicri, som alaataxaic maye lma' ye Efraín, ỹalauat so Maseías, som llalec so nta'a, qataq so Azricán, som 'amaqtaqaic lataxala' nam ilotague' so nma' lta'araic, qataq so Elcana, maye ltaua so nta'a.

Proverbios 19:6

Ca chetaqtaxanaxaic qalaq qalota na nauochaxauapi, qataq 'enauac da qanmitta'a da auochaxaua ca huo'o na ỹaatac.