Génesis 43:12 - La'aqtaqa Ñim Lo'onatac 'Enauacna 2013

¹² Qataq ỹactec qanqa'eñi aca qauache qo'omi, qataq qavi'iguelaxache qome aca qo'omi maye qami' qaỹe'eguelaxatoto co'ollaxa, cha'aye sa iuena'a da choche nsomaxac damaye.

Génesis 43:12 Referans Kwoze

Génesis 42:25

Qaq ime co'ollaxa, nache damaxasoxoolec da qaiỹoxoguilo na trigo soua lachoxonaxaqui', qataq da qaỹe'eguelaxatot ñi 'oonolec aso maiche alom, qaỹachanguilo soua lachoxonaxaqui', qataq damaxasoxoolec da qoỹanema soomaye ca aloq da huangui na nqa'aic. Qaq 'era da qoỹeetec.

Génesis 42:35

Qaq soomaye co'ollaq mashe iqui'itaxattapiguilo soua lachoxonaxaqui', nache ilaleguete soua laỹe'tole aso maiche alom, huetagui ñi 'oonolec soua lachoxonaxaqui', nache soomaye qataq so lta'a' ỹataqta huo'o da lcolanaqa'.

Hebreos 13:8

So Jesucristo saishet da naralaxat da lataxac: Somaye nache 'eetai'.

1 Ts 5:21

Qalaxaye qavi'iguiñi 'enauac, qaq cam ỹaỹamaqchiguiñi, nacheca qauaỹamaxache.

1 Ts 4:6

Saishet da huo'o ca ỹatenachet ca lqaỹa maiche la'amqaanataxanaxaua, qataq saishet da qopiilec camaye. Mashe sogote da qami' sevitaqteetagalo da So Qarataxala' Jesús ỹauo'o ca lta'araic nhuaxanaguec ca nache 'eetec de'era.

Filipenses 4:8

Qaq de'era pa'atec qami' ỹaqaỹa't, 'eeta': ỹataqta qauennataxañiitelec cam ỹataqta 'eesa, qataq 'enauac cam ishet da huo'o naq 'enec qanqa'en, qataq 'enauac cam nalochiguiñi, qataq ca 'onaxaic, qauennataxañiitelec nataqa'en cam no'on nataxac, qataq 'enauac cam ishet da ỹo'ot da ño'oxonnataxanaxac.

2 Corintios 8:21

Qaq qomi' ñepogoxoinaqtapegue' da so'otaq ca ỹaỹamaqchiguiñi. Qaq saishet da sauoqtaique da nachaqñita Ñim Lo'onatac 'Enauacna da qomi' ỹauaachiguilo, maye nataqa'en na shiỹaxauapi.

Romanos 13:8

Saishet qome da huo'o ca neto'ot aca qaravigaxaischi, nachaqrato' da lauotaxanaqtaic ñi 'oonolec ca lỹa. Cha'aye ca ỹauotec ca lỹa, nache camaye ỹataqta ipacchigui nam lamaxasoxonaxacpi Ñim Lo'onatac 'Enauacna.

Romanos 12:17

Da huo'o ca sa qami' iyacna'ape, nache saishet da qavi'eguelaxachiỹa'aguet da sa qauyacñiỹapec. Nachaqrata da qanpogoxoiñiỹapegue' da qauo'oche ca no'on, da talec 'enauac qanqa'eñi namayepi.

Génesis 43:13

¡Qauesomiỹa! Qauaviqui nataqa'en da nsoqolec, nache qaltaq qanqo'oñiỹa que'eca ỹale.

Génesis 43:21

qalaxaye so seviraxa yem 'alhua maye huaña da ñemataxauec se'eso pe, nache selaqalec aso qorom maye qarsheetenaxanaqte da huetanguilo naua ala'api soua qarachoxonaxaqui'. Qalaxaye ñachoqtac ayemaye da 'am she'eguelaxataxam.

Génesis 43:22

Qataq nataqa'en ñachoqtac aye laỹe qorom da yaqto' sesheenaxanaxa ca trigo. Qalaxaye qomi' sa saỹaanaq, chaq negue't co'ollaxa ca ỹoxochiguilo soua qarachoxonaxaqui' ayem hua'auñi qorom.»