Génesis 43:11 - La'aqtaqa Ñim Lo'onatac 'Enauacna 2013

¹¹ Qaq huaña nache so Israel, 'enapeco': «Hua', cha'aye mashe qaica ca lỹa lataxac damaye, qaq no'on da qauo'oche dam shenapec: qauache qome, qauachiỹaguilo caua qarachoxonaxaquilli' ca nme que'eca ỹale. Qauroỹa qome camaye ca ỹataqta no'on ala na souaqta'a 'alhua: qauroỹa ca saq 'amaqtaq qo'oipaq lcha'q le'enaxat bálsamo, qataq ca mirra, qataq ca saq 'amaqtaq dapic lli'i, qataq ca coraxat ama na laita, qataq aca qo'oipaq ala le'enaxat nueces, qataq ca almendras.

Génesis 43:11 Referans Kwoze

Génesis 37:25

Qaq ime co'ollaxa, nache soomaye nso'ooyiñi da deque'e'. Qaq co'ollaq namatrashegue'm nache ilora'aguet so nmenaxaicpi ismaeliitapi, maye chegaqa'a ye Galaad, qaq aso lalo cameellopi qalaq ỹachetac so coraxatpi, qataq so qo'oipaq lcha'q le'enaxat bálsamo, qataq so mirra, da yaqto' ira'a ye Egipto.

Jeremías 8:22

¿Peta'a qaica ca natannaxanaxat ye Galaad? ¿Peta'a qaica ca natannaxanaq da hueta'a yemaye? ¿Ta'ainco' da saishet da no'oita na ihuo' le'ecpi?

Ezequiel 27:17

Qataq nataqa'en 'am nmeetague' ye Judá, qataq ye Israel, nache naxa da 'am isheete'n, nache lsheetenaxanaxa't na trigo maye chegaqaña ye Minit, qataq ana lqatelleguishe ama, qataq na dapic lli'i, na aceite qataq na bálsamo maye ama na laita.

Proverbios 18:16

Ca nachetaqtaxanaxat ỹo'ot da qaỹauatec 'enauac na lasompi, qataq ỹo'ot da ishet da qaiviraua'a ca shiỹaxaua maye 'amaqtaqaic.

1 Samuel 9:7

Nache so Saúl, 'enapeco': Qolaq ñeqo'onaxa, qalaxaye ¿negue'to' cam seroxoua'a que'eca ỹale? Ye mashe qaca aso qaya'aco nauolepi, mashe qui'itchigui na qarachoxonaxaqui. Qaq qaica ca ishet da samiaxai' qome que'eca na'aqtaxanaxanec.

Hechos 21:14

Qaq cha'aye saishet da qomi' ỹalaxagueta so Pablo, nache saxanaxañi, nache shenaqtega, shenaqta': –Hua', no'on da ỹataqta ipacchigui ca 'eetapeguec So Qarataxala' Jesús.

Ezequiel 27:15

Qataq na shiỹaxauapi ye Rodas, 'am nmeetague' co'ollaxa. Qataq 'anmeetague' na ỹotta'a't shiỹaxauapi maye hueto'ot na loigue aso auaxai, qaq namayepi naxa da 'am isheeten nache desheetenaxana na marfil qataq ébano.

Cantares 8:14

¡'Am ỹauotaxat, ñaq 'analoxo qome, qoneta'am ana ñi'imshe qataq na chegaxango llalec da nqalgoqtapeguelec ana qasoxonaxapi maye ỹoqta nlaqtelec na ama da laitaỹaxac!

Cantares 4:14

Qataq ana nardo, azafrán, qataq na canela, cálamo, qataq na 'enauac ỹotta'a't qo'oipaqpi maye chegaqaigui na nchenaxanaxat, qataq na lcha'q ana mirra qataq ana áloe, qataq 'enauac na ỹataqta no'on ỹotta'a't 'amnaxatpi.

Cantares 4:10

'Am ỹaqaỹole maye 'am ñauonaxaua. Ỹataqta huo'o da lamaic da 'arauotaxanaqtaic. Damaye napacalec da lamaic na lataxa, qataq na 'ancoraxat maye ama da laitaỹaxac, qataq 'enauac na laỹe 'amnaxatpi.

Proverbios 21:14

Ca nachetaqtaxanaxat maye qoỹoxotchiguiñi da qoỹan, nmooñi naqa'en ca lta'araic nalemataic.

Proverbios 19:6

Ca chetaqtaxanaxaic qalaq qalota na nauochaxauapi, qataq 'enauac da qanmitta'a da auochaxaua ca huo'o na ỹaatac.

Proverbios 17:18

Ca qaica ca ỹaỹaanapec qalaq npa'axaalec da isheeten ca lỹa, nache pa'aỹa'aguet da isheeten aca lavigaxaiste camaye.

Salmos 76:11

Qami' qaỹa'añiỹot ca qara'aqtaqui Ñim Nataxala', maye Qanatamnaxala'ai, qalaxaye qaupaquiichigui. Nataqa'en qami' maye qoñiitaña na saqaỹapeque, qandoiua'a qome aca qarachetaqtaxanaqche, ñim ỹataqta huo'o da lchec.

Salmos 72:10

Qataq na nta'alpi maye lma' ye Tarsis qataq nam netalec ana ỹaqauga 'alhuapiole, qataq na nta'alpi maye lma' ye Sabá qataq ye Sebá, ndotega qome camaye na lachetaqtaxanaxatpi.

Salmos 68:29

Qaq souaxat añi 'aralamaqte atamnaxaqui maye naña ye Jerusalén, añim taỹa naxa na nta'alpi da 'am iroua'a na lachetaqtaxanaxatpi,

Ester 4:16

«'Am qojec qome, nache 'alaỹona't 'enauac na judiopi maye hueta'a na Susa, da yaqto' nqouaqchet da aỹem itauan. Nache saishet qome da deque'e qataq saishet da nỹom, ivittre'c caua tres na'axa'te, qataq caua tres pe'. Qaq ana ỹamaxashepi qataq aỹem nataqa'en ñeqouaqchetaq qome, qaq qom ime, nache aỹem ñeqo'oneua'a ñi nta'a, na'aictoxo' damaye da dataỹa'aguet dam qalapaqtañi nqataxac. Qaq da aỹem qaỹalauat, qalaq na'aictaxa aỹem qaỹalauat.»

2 Reyes 20:12

Qaq se'esoua na'axa'te, nache so nta'a Merodac Baladán som llalec so Baladán, maye nta'a ye Babilonia, la'axaỹaxac co'ollaxa da dalola so Ezequías. Nache ỹamaq so lamaxashecpi da ỹamaxa aso lere qataq so lachetaqtaxanaxatpi.

2 Reyes 16:8

Qaq so Ajaz nataqa'en ỹacona co'ollaxa so lcat plata, qataq so oro maye huetaigui aso atamnaxaqui maye lalamaqte Ñim Nataxala', qataq aso netaigui so nma' lta'araic, nache ỹamaq da yaqto' nme naqa'en so nta'a ye Asiria.

2 Reyes 8:8

Huaña, nache so nta'a, 'enapega so Jazael, 'eeta': Ñaq 'anqo'ona qome cam la'aqtaxanaxanec Ñim Lo'onatac 'Enauacna, qataq 'auauo'o ca 'auache da yaqto' nme 'anqa'en camaye. Nache 'auỹaxanot da ichemaxata ca la'aqtac Ñim Nataxala', da huo'otaq ishet da aỹem no'oita qome.

1 Reyes 15:19

«'Am, qataq aỹem, so'otaq qome ca qanaỹamaxataxac, 'eeta'am da 'eetec co'ollaxa soua qarta'al. Qaq nagui 'am samaxa da 'anme ñaqa'en na oro, qataq na plata. Qaq ỹoqo'oye 'anqo'ona qome ñi Basá maye nta'a ye Israel, da 'anlaxaañi da 'anaỹamaxataxac co'ollaq 'anaỹamaxate' ñimaye, yaqto' ñimaye ỹaxaañi da aỹem iloquiaxaatac.»

1 Reyes 10:25

qaq 'enauaque naua vi'iye da 'enauac so shiỹaxauapi, irotega na lachetaqtaxanaxat, nogoxoshetpi plata, oro, nogoxotpi, no'ogoxonaxatpi, qataq na ama da laitaỹaxac, qataq so caipi, qataq so molapi.

1 Reyes 10:15

qaq saishet da qanaloqteneuo añi lsheetenaxanaqte so ỹotta'a't menaxanaxaicpi, qataq 'enauac so nta'alpi ye Arabia, qataq so ilotagueto naua 'aleu' yi'iye 'alhua.

1 Reyes 4:21

Qaq so Salomón, nache ilotague' 'enauac yi'iye 'alhua, chegoqchiguiña ye Éufrates, ivitta'a ye na'alhua so filisteopi, qataq ivitta'a ye loga't ye 'alhua Egipto. Qaq se'eso nta'alpi somayepi, nache irotega co'ollaxa na lachetaqtaxanaxatpi, qataq nache do'onataxaatacot so Salomón, 'enauaque soua na'axa'te co'ollaq ña nca'altauec somaye.

1 Samuel 25:27

Qaq nagui 'onaxaic da 'auaconeguet ne'ena ỹachetaqtaxanaxat nallec da yaqto' 'aỹa'anoigui na 'aramaxashecpi maye 'annaictague'.

Deuteronómio 33:14

qataq ỹataqta no'on da alaỹaxac na lañiguishecpi ye vi'i, qataq ỹataqta no'on ana lqateguishe ala maye huetoigui na ca'agoxoicpi,

Génesis 43:14

Qaq Ñim Lo'onatac 'Enauacna maye Qaica ca Ỹaqalanapec, nacheñi qome ñi ỹanem que'eca ỹale da qami' ichoxore'n da yaqto' isouec cam lỹa qarqaỹai qataq ñi Benjamín. Qaq aỹem, da qaica ca ỹalec, qalaq nache 'ena'am ¡nalotañi da qaica ca ỹalec!»

Génesis 33:10

Qalaxaye so Jacob ỹe'eguelaqto'ot somaye, 'eeta': «'A'i, ñaq aỹem 'arqouaguec. Da ỹoqta 'eesa da aỹem 'auchoxoren, nache no'on da 'auaconeguet nam sauotaique 'anmepi, cha'aye nagui da 'am ñauane', qalaq 'ena'am da nacheñi Ñim Lo'onatac 'Enauacna da ñauane', qataq da aỹem 'auaỹamaxatta nagui da 'am ñauane'.

Levítico 20:24

Qaq ỹoqo'oye qami' sanema da ỹa'aqtac, 'eeta': ‹Yi'iye 'alhua maye lalamaxat yemayepi, qami' sanema qome da yaqto' qaralamaxache, ye 'alhua maye huaña da qaica ca qoue na qanallec›. Qaq 'era da ỹa'aqtac, Aỹem Nataxala' maye Qanatamnaxala'ai maye qami' seỹotaugalo da yaqto' qami' ỹataxaraiqa da qoviitangui na ỹotta'a't shiỹaxauapi.

Génesis 43:10

Da qaica ctaxa ca ñeqalanaqtagui, nache sogote ctaxa da mashe qomi' ỹoxoguelo, qataq mashe ye'eguelaxasoq.»

Génesis 43:15

Nache soua llalqa so Jacob ỹacona co'ollaxa so lachetaqtaxanaxatpi qataq ỹactec naqa'en aso ỹache alom, qataq ỹaue'c so Benjamín, nache je'c, da nqo'oora ye Egipto. Qaq co'ollaq ivitra yemaye nache nachaatreua'a so José,

Génesis 43:25

Qaq soomaye ỹaqataxaatrai' so lachetaqtaxanaxa't, nache iuattra'aguet so José da nvireuo se'eso na'a'q laiñi, cha'aye soomaye mashe ỹaỹate'n da nache huaña yemaye da deque'e'.

Génesis 43:26

Qaq so José co'ollaq ivireua'a so lma', nache soomaye ỹanema som lachetaqtaxanaxa't maye ndotrai', nache ỹa'alyiñi naua l-llecte, qataq iviraxata'agueta naqa'en naua lata'pi na 'alhua.

Ezequiel 27:22

Qataq nataqa'en 'anmenaxauapi co'ollaxa ye nmenaxaicpi ye Sabá, qataq ye Raamá, qaq naxa da 'am isheeten, nache desheetenaxana na no'on coraxatpi, qataq na no'on coma'pi, qataq na oro.

Éxodo 3:8

Ỹoqo'oye Aỹem ñanac da ñeca'alaxateeguesop da lamaxasoxonaxac ye Egipto le'ecpi. Ñeqateeguesop yi'iye 'alhua. Ime, qaq sauega ye 'alhua maye ỹataqta 'onaxaic, qataq sa qoue na nallec. Yemaye nacheye ye na'alhua na cananeopi, hitiitapi, amorreopi, ferezeopi, heveopi qataq na jebuseopi.